1 SAMUEL 10:1 - PATHIAN LEKHABU THIANGTHO (BSI)

¹ Samuel chun sathau bûk khat a hun ladok ah, a luchung a sunkhum ah; a chawp ah a kiang in, “Lalpa‘n a mipi Israelte chung ah vaihawm dingin a hun têl ah sathau a hun nu’ hi. Lalpa mipite chung ah vaihawm inla; chuleh, a kîmvêl ua a mêlmateu khut ah kipat hin amau la hukdaw ding ahi. Tu’hin Lalpa‘n a gochante chung ah vaihawm ding ah a hun têl ahi ti la hettheina ding ah tepte’na chu zia hi ahi:

1 SAMUEL 10:1 ပူးပေါင်းရင်းမြစ်များ

2 SAMUEL 1:14

David in a kiang ah chun, “Lalpa sathaunu’, chung ah khut thâk ding chu bangtidan ah tiza lo hial la hem?” ti’n a dong tai.

2 SAMUEL 19:39

Ziaphatchun, mipi zosia chun Jordan lui a gâl kâi tau ah, lengpa chule a gâl kâi tai; lengpa chun Barzillai chu a chawp ah, vangphatna a pia’n; tichun, a In lam in a kile’kit tai.

2 SAMUEL 20:19

Israelte lak ah kichamna dawi leh ginum tak ah pangte lak ah khat ka hi’n; Israelte khawpi gun tak khat hi sukmangthai gua la hiu; Lalpa go hi valzaw la guat ziang a hem?” a tia.

2 SAMUEL 5:2

Tu’ma lam ah Saul ka lengpau ahi lai him ah khan le, Israelte a la puidok leh a la pui lût sektu kha nangma la hi’n. Lalpa‘n la kiang in, ‘Ka mipi Israelte chingtu ding chu nangma la hi’n, Israelte chung ah vaihawm ah la pan ding ahi,’ a la ti ahi,” a vatiu a.

1 LENGTE 1:34

Tichun, thiampu Zadok leh jawlnei Nathan in zia tak ah chun Israelte chung ah leng hiding in sathau nuu hen la; chun, ‘Lengpa Solomon dam sawt hen!’ ti’n pengkul mût un.

1 LENGTE 19:18

Ahi’n la, Israelte lak ah, Baal âng ah khiangkho kha nai lo leh, ama chawp kha nai lo sang sagi khekcha nalai ka hi,” a tia.

2 LENGTE 20:5

“Kihei kit vak in chia inla, ka mite chung ah hotu Hezekiah kiang in zia gual hin vagen in: Lalpa, la pa David Pathian chun zia gual hin a gen hi: La pauchapna ka la he ta’n, la mitthi tuite le ka la mu tai; hun sudam kit ding ka hi; ni thum zaw tak leh Lalpa In ah chia to ding la hi.

2 LENGTE 9:1

Jawlnei Elisha chun jawlneite pawl khat lak ah mi pakhat chu a ko ah, a kiang in, “La kawng gâk det in; zia sathaubûk hi chawi inla, Ramoth-gilead ah vachia in.

2 LENGTE 9:12

Amau chun, “Milepchia pa! Ei gen ziang in!” a tiu a. Tichun ama’n, “Ei gen piak chu zia hi ahi: ‘Lalpa‘n zia gual hin a gen hi, Israel chung ah leng hiding in sathau ka nu’ la hi,’ ti a gen hi,” a tia.

SAM 135:4

Lalpa‘n Jakob chu ama â ding bîk in a kitêl ta hen, Israel hi a gochan dingin a kitêl ta ngal a.

SAM 2:12

a keng hung chawp tau in; a chutiloleh, lungna’n tin, lam kâl ah mangthai kha’n lau; a lungnatna chu kuangjak pai ziang ahi ngal ah. Ama bêl zosia chu a hamphau hi.

SAM 78:71

a mipi Jakobte leh a golua ding Israelte vâk dingin, a belam nokâite chinna lak ah kipat in a puidok hi.

PAWTDAWNA THU 30:23

Gim namtui pente lak ah murra tui shekel za nga tawh, sinamon gimtui a kimkhat, zia chu shekel za ni leh sawmnga; chuleh, kalamas gimtui shekel za ni leh sawmnga tawh,

JEREMIAH 10:16

Jakob chanvo Lalpa chu, zia gual mai mai chu ahi puai Ama chu bangkim guanggalpa ahi ngal ah; Israel nam hi a gochan ahi’n, sepai honte Lalpa kiti chu a min ahi.

EZEKIEL 16:13

Sana leh dangka’n ka hun thuam ah, la nîk leh puante chule puan malngat, puan mantam leh puanjemte a hiu. La nêk dingin chângbuang nêl pha tak leh khuaizu leh sathau ka hun pia’i. La mêl a hung hoi ta ma ma ah, lengnu ah pang thei hial la hung hi tai.

HOSEA 13:2

Tu’tiang hinle thil phalo a la bawl nalai un, amau lemhiatna dungzui in dangka thîk milimte, khutthiamte khutsuak in a kisiam tau hi: “Ziate kiang ah hin kithoina thilpiakte chu lân un,” a tiu a. Bawngno lim chu mipite’n a chawp tau hi!

NASEPTE 13:21

Zia nung ah chun leng pakhat a ngêk nalai un; kum sawmli sung vaihawm dingin, Pathian in Benjamin nam ah mi Kish chapa Saul chu a leng uh hiding in a la pia tai.

DAN LEKHABU 32:9

Lalpa chanvo chu a mite a hiu ah, Jakob chu a gochan ahi.

1 THESSALONITE 5:26

Suapite zosia kha kichawp thiangtho in chibai ei bûk piak un.

HEBRAITE 2:10

Ama ah thil bangkim um leh, thil bangkim ama ah umpa â ding ah chun, cha tam tak lopina a puilût ah, hukdamna mapuipa kha thoknate ziak ah a siam bukim chu a kilawm him ahi.

THUPUAN 5:8

Lekhabu chu a lâk phatin, thilhing palite leh upa sawmni leh palite chu Belamno ma-âng ah chun a bokkhup tau a, tingtang leh sana belbu gimtui ah dim a chawi chiat un; zia chu mithiangthote pauchapna chu ahi.

1 SAMUEL 12:3

Zia hin ka um hi; ka chung ah lungkim lo zosia’n Lalpa leh a sathaunu’ ma-âng ah hin gen un. Kua bawngchal ka lâkpiak a um em? A leh, kua sabiltung ka lâkpiak a um em? ahiloleh, kua dawha bawl in a nei ka lâkpiak la um awm? Kua ka hun êngbawl la um awm? Mit kithumsak in kua kiang ah golgûkna ka la ngai em? Zia gual chu a um chun hun gen un, hun dit kit sik sek ing ka,” a tia.

1 SAMUEL 13:14

tu’hin vang, la lenggam in dai sawt pua’n ah; Lalpa‘n ama lung gual pu midang khat a hawldok ta’n; Lalpa‘n la zui ding ah thu a hun piakte la zui tâk lo ziakin, a mipite chung ah vaihawm dingin ama chu a guat ta ahi,” ti’n a dawnhu tai.

1 SAMUEL 15:1

Samuel in Saul kiang ah chun, “Lalpa‘n a mipi Israelte chung ah leng ah pang ding ah sathau hunnu’ dingin ei sawl ah; ziaziakchun, tu’hin Lalpa thugen hi a la ngai tiam in.

1 SAMUEL 15:17

Tichun, Samuel in, nangma kingai dan ah neucha’n kikoi male chin, Israel nam pumpi luchang hilo la hem? Lalpa‘n Israelte chung ah leng hi ding ah sathau a hunnu’ la hi.

1 SAMUEL 16:1

Samuel kiang ah Lalpa chun, “Saul hi Israelte leng a hi’na kipat ka paithâk ziak ah bang chan lungngai ah um ding la hi em? La sathau bûk ah sathau sungdim in la kipan in; Beth-lehem khua Jesse kiang ah hun sawl ing ka tin, a chapate lak ah kei â ding ah leng ah pang ding ka mudok ta’ngâl in,” a hun ti tai.

1 SAMUEL 16:13

Ziaphatchun, Samuel in sathau bûk sakî chu a hun la, a suapite mit mu ah chun sathau a nu’ tai; zia ni kipat chun Lalpa thagau a chung in a hung um ziang tai. Tichun, Samuel le a kipandok ah Ramah lam in a chia kit tai.

1 SAMUEL 2:10

Lalpa do-te chu suksiat hi’n tiu in; Chungnung Penpa chu vanah, van-gi’n hung ding ahi. Lalpa‘n kawlkil tiangah vaihawm intin, a lengpa kiang ah hatna pia’n tin, a sathaunu’te thilhitheina chu vang, chawisâng ding ahi, ti in.

1 SAMUEL 24:6

A sepaite kiang ah chun, “Lalpa sathaunu’, ka hotu ahi ziakin, Lalpa sathaunu’ chung ah ka khut neuchale tha lo dingin Lalpa‘n ei vêng ta hen,” ti’n a gen a.

1 SAMUEL 26:11

Lalpa sathaunu’ chung ah khut tha dingin Lalpa‘n ei phal puai; a lutûn ah a cheicha tawh a tuiûm kha hun la’n la chia tai ti,” a tia.

1 SAMUEL 26:9

Himaleh, David in Abishai kiang ah chun, “That him him kin; Lalpa sathaunu’ chung ah khut tha chu thiammaw chang lo ah kua suakcha ding a hem?” ti’n a dawnhu a.

1 SAMUEL 8:19

Himaleh, mipite chun Samuel thugen chu a ngaisak puau ah, a kiang in, “Hilo e! ka chung ua leng ding ka nei ding uh ahi;

1 SAMUEL 8:9

Tu’hin vang a thugen uh ngaitha’n la, a chung un leng hung um leh bang gual hung hi ding a hiu em ti vang la hilchian piak ding ahi,” ti’n a hun gen tai.

1 SAMUEL 9:16

“Jing leh tu’hun tuam hileh, Benjaminte gam ah kipat in pawsal pakhat la kiang ah hun sawl ding ka hi, ama chu ka mipi Israelte chung ah vaihawm ding ah sathau la nu’ ding ahi. Ama chun Philistinte khut ah kipat in ka mipite chu hukdok ding ahi; ka mipite gentheina ka mu ta’n, ei konau aw git ka het tâk ziakin,” ti in.

1 SAMUEL 9:27

Khawpi pâm lam a hung tun phat un, Samuel in Saul kiang ah, “Zia tangval hi I ma lam ah chia dingin sawl in; chuleh, ei hun makhel zaw phat leh chomkhat ding inla, Pathian in la het ding ah a thugente chu hun hil ing ka,” a tia.