1 SAMUEL 1:8 - PATHIAN LEKHABU THIANGTHO (BSI)

⁸ A pawsal Elkanah chun a kiang in, “Hannah, Bang ding ah kap la hem? Bang ding ah an ne nuam lo la hem? Bang a hem la lungkham? Chapa sawmkhat sângah poimaw zaw hilo ka hem?” ti’n a gen a.

1 SAMUEL 1:8 ပူးပေါင်းရင်းမြစ်များ

2 LENGTE 8:12

Hazael chun, “Ka lalpa chu bangziak ah kap la hem?” a tia. Ama chun, “Israel mite chung ah la thil phalo hun bawl ding chu ka het ziakin ahi; nang in a kulpiteu chu mei in hun hâl in la tin, a tangvalteu chu chemjam ah that in, a naupangteu chu hun sât tel in, chuleh, a numei nauvop laiteu chu hun philjak ding la hi,” ti’n a dawnhu a.

JOB LEKHABU 6:14

A gualpha chung ah nunnem nuamlote chu, Hat Chungnung Pathian launa neilo a hiu.

SAM 43:4

Tichun, Pathian mâichâm ah chia ing ka tin, ka limna pen Pathian kiang ah chun. Aw Pathian, ka Pathian, tingtang in hun chawihoi ing ka.

ISAI 54:1

Aw, nangma cha hing ngai lo ah chîng, La hun sa’n; nangma nauvei ngai lo, La sa’n hung kikodok inla; ngai tak in hung kikodok ta’n! Pawsal neinu chate sâng in, thawmhau tak ah umnu chate chu tam zaw’n au, Lalpa chun a ti ahi.

ISAI 54:6

Lalpa chun nutsia um ji thasia, tangval lai ji nol ah um, a kokit gual in ka hun ko la hi; la Pathian in a tii.

JOHAN 20:13

Amau chun, a kiang in, “Numei, bang ding ah kap la hem?” a tiu a. Ama chun a kiang un, “Ka Lalpa a lamang un, a koinau ka he pua ahi,” a tia.

JOHAN 20:15

Jesu’n a kiang in, “Numei, bang ding ah kap la hem? Kua a hem la hawl?” ti’n a dong a. Amanu chun huan neipa hiding ah a ginchâk ziakin a kiang in, “He pu, zia tak ah kipat la lakdaw ahileh, la koina mun ei hil in, keima’n pawdok ing ka,” a tia.

1 THESSALONITE 5:14

Chun, suapite haw, ka hun tîl la hiu, dan lo gual ah umte chu hil unla, lungkiate chu tilkhau unla, hatlote chu panpi unla, mi zosia lak in thuak-hat tau in.

RUTH 4:15

Ama hi la hinna tungding leh la têk nung ah enkoltu hung hi hen la; la monu, nangma hepitu, chapa sagi sâng ah nang â dingah phachuam zaw chun, chapa a hing ta’ngal in,” a tiu a.

1 SAMUEL 1:7

Kum si’n ah Lalpa In ah a chia si’n ua leh, a lawinu chun a êng êng in a ho sek ah. Ziaziakchun, Hannah chu kap in, an le a ne nuam ngai puai.