1 SAMUEL 1:3 - PATHIAN LEKHABU THIANGTHO (BSI)

³ Zia Elkanah chu a khuau ah kipat in Shiloh khua chun, kum si’n leh sepai honte Lalpa kiang ah kithawi ah, ho dingin a vachia sek a. Zia tak ah chun Eli chate Hophni leh Phinehas chu Lalpa thiampu nasêm in a pang ui.

1 SAMUEL 1:3 ပူးပေါင်းရင်းမြစ်များ

SAM 78:60

Mihingte lak ah a chênna, puan In Shilloh ah um chu, a nusia ta’n;

PAWTDAWNA THU 23:14

Kum khat sung in kei â dingin Kût thumvei la bawl sek diu ahi.

PAWTDAWNA THU 23:17

Lalpa Pathian âng ah la lak ua pawsal zosia kum khat sung in thumvei a kilâk tei tei diu ahi.

PAWTDAWNA THU 34:23

Kum khat sung in la lak ua pawsal zosia chu Lalpa la Pathian uh, Israel Pathian âng ah thumvei la hung kilat sek ding uh ahi.

LUKA 2:41

Kum si’n leh Chiakân kût mang ah a nu leh pa chu Jerusalem ah a chia sek un;

DAN LEKHABU 16:16

Lalpa‘n a guatna ding mun ah chun, pawsal zosia kum si’n ah thumvei a vakilâk sek ding uh ahi; thawipanglo kût bawl hun tawh, Hapta Kût bawl hun tawh Bawkcha Kût bawl hun ah te hin. Lalpa ma âng ah khutngawn in a vakilak lo ding uh ahi;

JOSHUA 18:1

Ziaphatchun, Israel mipi zosia chu Shiloh mun ah kikhawm un, kikhopna biakbûk a jak tau a. Gam pumpi amau thunuai in a hung um suak tai.

VAIHAWMTE 18:31

Tichun, Shiloh khua Pathian biakbûk a um sungsia, amau inle Mikah milim siamte chu a kikoi tau hi.

VAIHAWMTE 21:19

Tichun, amau in, “Ngai un, Bethel mallam, Bethel ah kipat Shekhem zotna lamlian ah kipat sualam kâi ah um, Lebonah simlam kâi ah Shiloh mun ah chun kumsin ah Lalpa kiang ah kût kibawl sek ei ve,” a tiu a.

1 SAMUEL 1:21

Elkanah leh a Inkuante zosia chu Lalpa kiangah a kum si’n kithoinau lân ding leh a kitepnau pia ding in a chiauah.

1 SAMUEL 1:9

Shiloh khua an ne’, a dawn zaw phat un, Hannah a kipan ah, Lalpa kiang in a kipelut a. Zia hun ah chun thiampu Eli chu Lalpa Tempul lutna khuam bul ah kitung ahi.

1 SAMUEL 14:3

a lak un Shiloh ah Lalpa thiampu puanâk Ephod âk Eli chapa Phinehas chapa, Ikabod suapipa Ahitub chapa Ahijah le a um a. Mipite lak ah kuama Jonathan pawt daw lam he a um puau hi.

1 SAMUEL 2:19

Chuleh, a nu chun a pawsal tawh kum si’n ah thil lân dingah a chia si’n leh, a puanâk dingah a bawl piak chu a puak piak sek a.

1 SAMUEL 2:34

La chapate pani Hophni leh Phinehas hi nang â ding ah tepte’na hi’n au; a paniu in ni khat sung ah thi ding a hiu.

1 SAMUEL 3:13

A chate’n Pathian a gensiatnau hezing ngâl in, a khawlo’nau haisan ding ah a hil lo ziakin, a In sung chu kumkhua’n gawt ding ka hi, ti ka la hilsa ahi tai.

1 SAMUEL 4:11

Pathian thuthung thingkuang chule a lâkpiak tauah; Eli chate Hophni leh Phinehas le a thi tau hi.

1 SAMUEL 4:4

Tichun, Cherubte chungah kitung, sepai honte Lalpa thuthung thingkuang Shiloh ah um vapaw dingin mi a sawl tauah. Pathian thuthung thingkuang chu Eli chapa, Hophni leh Phinehas in a hun kitonpiu a.