1 SAMUEL 1:22 - PATHIAN LEKHABU THIANGTHO (BSI)

²² Himaleh, Hannah in vang a pawsal kiang in, “Kei vang nausen hin a nawichep a hâi ah, Lalpa kiang ah um den dingah a chia thei masang in hung dâ mai ing ka; ziaphat chuleh, a dam sung sia Lalpa â ding ah kikoi thiangtho hi dingah hun pia ding ka hi,” a ti zaw tai.

1 SAMUEL 1:22 ပူးပေါင်းရင်းမြစ်များ

SAM 110:4

Lalpa‘n thu a tiam ta’n, a lungthim theng kit ta pua’n a; “Nang vang Melkisedek gual ah, Kumtuang thiampu chu la hi,” ti in.

SAM 23:6

Matheilo in phatna leh ngilneina’n, ka dam sungsia’n ei zui zing intin, tichun, Lalpa In ah kumkhua’n chêng zing ta’ng ka.

SAM 27:4

Lalpa kiang in thil pakhat ka don ah, zia bep chu hawl zing ing ka: Ka damsung sia Lalpa In ah um zing ah, Lalpa mêlphat zia mu ding leh, a tempul ah a thu dong ah um zing dingin.

PAWTDAWNA THU 21:6

a pu chun vaihawmte kiang in pui intin. Ama chu kotbiang a hem, kotbul a hem chun hun pui in a. Chuleh, a pu’n muithal in a bil vihawm piak intin; tichun, a pu na chu a dam sung sia sêm ta’n a.

ISAI 9:7

A thuneina khang jel intin, David lalchutpha leh a lenggam chun kichamna um zing ta’n a. Ama’n dikna leh thu tak ah tungding in tudet zing in a; tu’kipat leh kuamtuang tiang in. Sepai honte Lalpa phatchuam ngaina’n zia gual chun bawl ding ahi.

THIAMPUTE LEKHABU 25:23

Gam chu kum sawt â dingin la zokdaw him him lo ding uh ahi; gam chu kei â ahi ngâl ah: nanghaw hi kei â ding a mikhual leh lou bawl mai mai la hi’ngâl un.

LUKA 2:22

Mosi Dan dungzui ah a kisukthian hun a hung tun phat ah chun, Lalpa kiang ah lat dingin Jerusalem ah a hun pui un;

DAN LEKHABU 16:16

Lalpa‘n a guatna ding mun ah chun, pawsal zosia kum si’n ah thumvei a vakilâk sek ding uh ahi; thawipanglo kût bawl hun tawh, Hapta Kût bawl hun tawh Bawkcha Kût bawl hun ah te hin. Lalpa ma âng ah khutngawn in a vakilak lo ding uh ahi;

JOSHUA 4:7

Lalpa thuthung thingkuang ma-âng in Jordan lui tuite a kangtan in; chuleh, Jordan lui a jawn gâlkai lai un Jordan lui chu a kangtan hi, ti hil in la tiu in. Chutichun, zia suangte hi Israelte â ding ah kumtuang ah hetzingna hita’n a,” a tia.

1 SAMUEL 1:11

Zia gual hin thutiam a bawl ah: “Aw, sepai honte Lalpa, la suak genthei dan hi hun en inla, ei hezing in, la suak hi hemil kin; la suak hi chapa pakhat lei piak ahileh, a thi tiang ah nang â ding ah kikoi thiangtho dingin hun pia kit ding ka hi. Ama chun zu leh khamthei thil him him dawn pua’n tin, a luchang ah samchem him him mat hipua’nah,” ti in.

1 SAMUEL 1:28

Ziaziakchun, Lalpa kiang in ka lân hi; a dam sung sia Lalpa mat dingin ka pedok ta ahi,” a ti tai. Zia takah chun Lalpa â dingin a nusia tai.

1 SAMUEL 13:13

Samuel in Saul kiang ah chun, “Ngolhuai tak ah thil a la bawl la hita hilam; Lalpa la Pathian thupiak chu la zui ta puai. Chuti hilo leh vang, Lalpa‘n Israelte chung ah leng la hi’na hi kumkhua’n hun hi’det piak ding ahi’n;

1 SAMUEL 2:11

Tichun, Elkanah chu Ramah khua a In lam in a chia kit ta’n; naupang chu Lalpa nasêm in, thiampu Eli kiang in a um den tai.

1 SAMUEL 2:18

Samuel chu puan malngat ephod ah kithuam in, Lalpa âng in na a sêm a.

1 SAMUEL 28:2

David in Akhish kiang in, “A pha ngut hi, ziaphat chuleh la suak hin bang bawl thei ahi em ti hun he ta’n la,” ti’n a dawnhu a. Akhish in David kiang ah chun, “A pha ngut hi, ei vêng ah la pan ding ahi tai,” a ti tai.

1 SAMUEL 3:1

Tu’hin naupang Samuel chu Eli nuai ah Lalpa nasem in a umah. Zia hun lai ah chun Lalpa‘n mite kiang in thu a gen vâng ma maah; kilâkna mu le a um kha talua puai.