1 SAMUEL 1:21 - PATHIAN LEKHABU THIANGTHO (BSI)

²¹ Elkanah leh a Inkuante zosia chu Lalpa kiangah a kum si’n kithoinau lân ding leh a kitepnau pia ding in a chiauah.

1 SAMUEL 1:21 ပူးပေါင်းရင်းမြစ်များ

THILSIAM THU 18:19

Lalpa lampi a hawtheina ding un, a nung ah a chate leh a Inkuante, thil dik tak ah hiding leh, vaihawm gual ah um ding ah thu a piak theina dingin ama chu ka guat ta’ngal in; a chungchâng thu Lalpa’n a gen chu Abraham chung ah a tunsak theina dingin,” a ti’n.

SAM 101:2

Demna bei lampi chu zil ing ka. Zia chu bangtik leh ka chang diam? Ka In sung ah thinlung thiangtho in um ing ka.

DAN LEKHABU 12:11

Lalpa la Pathian un, a min chênna ding ah a têlna mun ah chun, la kiang ua ka gen zosia: La hâlmang thillat kithoinateu, sawm ah khatte, la ngamtawk thilpiakteu leh la kitiamnau thil piakteu chule la hun choi ding uh ahi.

DAN LEKHABU 12:6

la hâlmang thillatteu, la kithoinateu, la sawm ah khat leh la thawlawm thil piakteu, la kitiamna thilpiak leh la ngamtawk thilpiakteu, la gan-gual leh la belam hon lak ah piang masa pen chiat chu zia mun ah chun la hun choi sek ding uh ahi.

JOSHUA 24:15

Tu’hin Lalpa nasep ding chu nuam lo la hiu leh, tu’ni ma ma hin kua pen na sêm ding la hiu em, la pu leh pateu in Luipi gâl lam ah pathiante na a la sep piak uh kha ahi em; ahiloleh, la luanau gam ah Amorte pathiante a hizaw diam, ti têl ngâl un. Kei leh ka Inkuante’n vang Lalpa na bep sêm ing kau, ti’n a dawnhu a.

1 SAMUEL 1:3

Zia Elkanah chu a khuau ah kipat in Shiloh khua chun, kum si’n leh sepai honte Lalpa kiang ah kithawi ah, ho dingin a vachia sek a. Zia tak ah chun Eli chate Hophni leh Phinehas chu Lalpa thiampu nasêm in a pang ui.

1 SAMUEL 2:19

Chuleh, a nu chun a pawsal tawh kum si’n ah thil lân dingah a chia si’n leh, a puanâk dingah a bawl piak chu a puak piak sek a.