1 PETER 5:7 - PATHIAN LEKHABU THIANGTHO (BSI)

⁷ La lungkhamnau zosia ama chung ah septhau in, ama’n la khan khua ding uh a gêl nai.

1 PETER 5:7 ပူးပေါင်းရင်းမြစ်များ

SAM 34:15

Lalpa mit chun midikte a en sek in, a kiko thawm uh he ding in a bil le a daw sek hi.

SAM 37:5

La umdan ding chu Lalpa chung ah nga’n la; ama ging in, ama’n hun bawl piak sik sek na’n a.

SAM 40:17

Kei vang, genthei leh chaga ka hi, ahi’n, Lalpa‘n ei ngaitua piak zing hi. Nang chu ei panpipa leh ei hukdokpa la hi. Aw ka Pathian, hung muangchâng kin.

SAM 55:22

La puakgik chu Lalpa chung ah nga lechin, ama’n hun hihat in a; midik chu bangmatik in hilîng phal pua’n a.

THUPILTE 16:3

La nâte chu Lalpa kolsak lechin, la thil guanggalte chu hun hi’pitin piak in a.

MATTHAI 6:27

Nang uh lak ah lungkham ziakin kua a hem ama dunglam tong khat ah hi’sâng thei?

MATTHAI 6:28

Chuleh, sil leh chên thu ah bang ding ah lungkham la hiu em? Gamlak ah lili pâkte khan dan hi phatak in ngaituau in; na a sêm puau in, patle a khêk diak puau hi;

MATTHAI 6:31

Ziaziakchun, ‘Bang I ne diam?’ a hem, ‘Bang I dawn diam?’ a hem, ‘Bang I sil diam?’ ti thu in lungkham kiu in.

MARKA 4:38

Ama chu khapchâk khap in kuang mei lam ah a la ipmu. A kaitho un, a kiang in, “Hotupa, ka manthai diu hi khawksa lo la hem?” a tiu a.

LUKA 12:22

A nungzuite kiang in, ziaziakchun ka hil la hiu: La hinnau, la nêk diu, la taksau leh sil leh chên ding ngaitua in lungkham kiu in.

LUKA 12:26

Zia a neupen chu bawn hi’theilo in, bangatia thil dang la lungkham sek awm?

JOHAN 10:13

Sumlawte chu, gawi kawm a hiziak un, belamte chu a ngaitua pha nuam puau hi.

PHILIPPI 4:6

Bangmalo mai mai in lungkham kiu inla, bangkim ah pauchap leh don in, kipak thu gen kawm in, la dotnateu chu Pathian kiang in hiatsak zaw tau in.

1 SAMUEL 30:6

Mipite chu a ji leh chateu ziak ah a lungthim uh a nat ma ma ziakin, David chu suang ah se’lup a guat ziang phat un, David â dingin lauthawn um tak ahi tai. Himaleh, David chu Lalpa a Pathian ah chun ama leh ama a hung kisuhat tai.