1 PETER 5:6 - PATHIAN LEKHABU THIANGTHO (BSI)

⁶ Ziaziakchun, a hun tak ah a hun chawihoi theina dingin, Pathian khut hât tak nuai in kikoi niam un.

1 PETER 5:6 ပူးပေါင်းရင်းမြစ်များ

1 LENGTE 21:29

“Ka ma-âng ah Ahab a kingainiam tak dan saw la mu em? Ka ma-âng ah a kingainiam tâk ziakin, ama dam sung sia’n siatna chu hun tung sak lo ding ka hi; himaleh, a chapa dam sung in a Inkuan ah siatna tunsak ding ka hi,” a tii, ti’n a gen tai.

2 LENGTE 22:19

la lungthim chu a nem ziakin leh nangma ngei chu Lalpa ma-âng ah, zia tak leh a mun ah chêngte hânsia khuk leh sukgam ah um dingte chung thu ding ka gen la het phatah, la puante la botthêk ah, ka ma-âng ah la kâ ziak hin, la kingainiam ma ma hi ti ka hia’i; ziaziakchun, la thu hi ka hun ngaithâk piak ahi.

2 KHANGTHU 12:12

A kingainiam tâk ziak ah suksiat dim dem a nop lo phatin, Lalpa lungnatna chu a chungah kipat lakmang in a hung um tai; zia bep chule hilo in, Judai gam chu a pha jel nalai hi.

2 KHANGTHU 30:11

Asher, Manasseh leh Zebulun mite lak ah mi tawmcha bep chu kingaitawm tak in Jerusalem khua’n a hung tau a.

2 KHANGTHU 32:26

Ziaphatchun, Hezekiah in a chapona lungthim chu hun kheniam in, Lalpa lungnatna chu Hezekiah dam sung ah Jerusalem khua chêngte leh ama chung ah chu lo dingin a hung kingainiam tai.

2 KHANGTHU 33:12

Lungngaina huaisia tak a tuak phatin, a pu leh pate Pathian, Lalpa kiang ah kingainiam tak in a doisakna a don tai.

2 KHANGTHU 33:19

A pauchapna, Pathian in a thildot a dawnhu dan, a gitlona zosia leh a ginum lo dante, a thoimual siamna munte, dawikhuam a bawlte leh a milim siamte leh a kingainiam ma’ a thilbawl zosia chu, thiamgau in a thil tepte’na lekhabu chun a la zik lut suak ta ahi.

2 KHANGTHU 33:23

A pa Manasseh a la kingainiam gual ah umlo in, Amon chu Lalpa âng in a kingainiam nuam pua’n; zia Amon hin vang thil a bawlsual lian zaw deu deu hi.

2 KHANGTHU 36:12

Lalpa a Pathian mit mu ah diklo tak in a bawlah. Lalpa thugendok ah pang jawlnei Jeremiah ma-âng ah chunle a kingainiam nuam diak puai.

JOB LEKHABU 36:22

Ngai in, Pathian chu, a thilhitheina ziak ah choisa’n ahi’n, ama tawhbang zilsaktu kua’hem um?

SAM 75:10

Mi nunsiate zosia kî chu sattan piak ing ka tin; mi dikte kî vang chu choisa’n in um in a.

SAM 89:13

Khutbân thahât tak la nei in; la khut a hât in, la changlam khut chu choisa’n in a um hi.

PAWTDAWNA THU 10:3

Tichun, Mosi tawh Aron chu Pharaoh kiang in a chia tau ah, a kiang in, “Zia gual hin Hebraite Pathian in a gen hi: Ka ma-âng ah hin kingaitawm nuam lo ah bang chan um nalai ding la hem? Ei ho theina ding un ka mite hun thâdok ta’n;

PAWTDAWNA THU 3:19

Ka khut thahat in a cham lo ah a phalsak lo ngal leh Aigupta lengpa chun hun pawt dawsak phal pua’n ah ti ka henai.

PAWTDAWNA THU 32:11

Himaleh, Mosi chun Lalpa a Pathian chu a awimaw ta’n: “Lalpa, bang ding ah la mipite Aigupta gam ah kipat thilhitheina nasa tak tawh la khut thahât tak ah la hun puidawte chung ah la lungnatna kuangjak ding a hem?

THUPILTE 29:23

Mi a kiletsakna chun kainiam intin; maleh, kingaitawmna lungthim nei mi chun choisânna mu’n a.

ISAI 2:11

Mi kingaisângte chu hi’niam in um intin uh, mi kisathei zosia chu hi’tawm in um in au; zia hun chuleh Lalpa bep chu, choisa’n ah um ding ahi.

ISAI 40:4

Guamkuak zosia vuk sân hihen la, mual leh tâng zosia sukniam hi hen; a lei kituaklonate chu siam tuak hihen la, a photnate chule suknâm hihen.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

JEREMIAH 13:18

Lengpa leh lengnu kiang in, “Kingainiamna chutna’n kitung un; la luchang ua kipat lal lukhuk mêlpha tak chu, lâkthâk hiding ahi ta’ngal a,” ti in.

JEREMIAH 44:10

Tu’ni tiang hin kisik limle pu lo leh lau mêl him himle la pu nai puau ah; chuleh, la pu leh pateu leh nanghaw âng ah ka dan thu leh ka thuguatte la zui nai diak puau hi.

EZEKIEL 17:21

A sepai doichuamte chu chemjam ah tha hi’n tiu in, a suakcha sunte chu kiltin ah the’chek hita’n au; tichun, keima Lalpa hin ka la gensa ahi tai ti he ta’n la.

EZEKIEL 21:6

Thûm in mihing, a mit muu in thasia tak in thûm inla, lungngai tak in um in.

DANIAL 5:22

Chun, a chapa, nangma Belshazzar in, zia zosia chu la hiatsapi’n le la lungthim la kheniam nuam nai diak pua’n;

THIAMPUTE LEKHABU 26:41

ke’nle amau ka la do zing ah, a mêlmateu gam ah ka la puinateu, chuti nung ah le a lungthim bil viloteu a khiak niam ua, a gitlonateu ziak ah ka gawtnate a hetthiam phat ua leh,

MIKAH 6:8

Aw mihing, a pha kiti chu a hun hil tai; Lalpa’n nangma a hun phûtna chu, dik tak ah bawl leh lungsiatna ngainat ah, thunuaigol tak ah la Pathian tawh kiton hilo a hem?

MATTHAI 23:12

Kuale ama leh ama kichawisâng chu, mutawm in um intin; chuleh, kingaitawm chu choisa’n in um in a.

LUKA 1:52

Mi lopite chu a chutnau ah kipat a sawn tha’n, mi tawm takte chu a domsâng tai.

LUKA 14:11

Ama kingaisangte chu suktawm in um intiu in; ama kingaitawmte chu vang choisa’n in um in au,” a tia.

LUKA 18:14

Ka hil la hiu, a masa pa sâng in zia pa chu thiamchang ah um in a In lam in a chia suk tai. Ama kichawisâng tapo sukniam hi’n tiu in, kingainiamte chu choisa’n in um in au,” a tia.

ROMTE 5:6

I hatlo lai uh khan, a hun tak in Khrista chu Pathian helote a dingin a hung thi ta’n.

1 KORINTH 10:22

Lalpa chu thangsiat sak gua I hiu em? Ama sâng in I hat zawu ah a hem?

DAN LEKHABU 32:35

A kalsuan uh a tawnâl phat uh leh, phuba lâkna leh dit kitna chu kei â ahi; a buaina ni ding uh a nai ta’n, a chung ua siatna kin tak in tung ding ahi.

1 TIMOTHI 2:6

ama chu mi zosia tatna dingin a hung kipe tai, zia thu chu a hun tak ah taklat in a um tai.

TITA 1:3

himaleh, I Pau Pathian thupiak dungzui ah ka kiang ah piak ah um, a hun tak ah thugen sek pa hin,

JAKOB 4:10

Lalpa âng ah kikoi niam un; tichun ama’n hun chawisâng in a.

JAKOB 4:7

Tichun, Pathian kiang in kitulut un. Diabol chu dodâl un, tichun hun jamsan in a.

JAKOB 5:10

Doitakte haw, Lalpa min ah thugen jawlneite chu thokna leh thok hatna lam ah chun etton in nei un.