1 PETER 5:10 - PATHIAN LEKHABU THIANGTHO (BSI)

¹⁰ Chun, hepina zosia Pathian, a kumtuang lopina chang ding ah Khrista ah hun kopa ngei chun, sawt lo la thok zaw phat ua leh hun tungding in, hun hi’det in, hun hi’hat ding ahi.

1 PETER 5:10 ပူးပေါင်းရင်းမြစ်များ

SAM 119:28

Ka hinna lungngai ziakin a chautha zo ta’n; la thu dungzui in ei hi’hat kit in.

SAM 138:7

Buaina lak ah chia malengle, ka mêlmate lungnatna lak ah kipat in lei vêngbit ah; la khut la hun jakdok ah, tichun, la khut changlam in lei hukdok sek hi.

SAM 86:15

Ahi’n, aw Lalpa, nang chu Pathian, lainatna dim leh, mi hepi thei, lungnem, ngilneina leh thu tak ah dim la hi.

SAM 86:5

Aw Lalpa, nang chu la pha’n, ngaidam pei, a ko tapote chung ah, ngilneina hau la hi’ngal a.

ZEKARIAH 10:12

Lalpa ah chun hi’hat ing ka tin; tichun, ama min ziak ah chun chia tawl tawl ta’n au, Lalpa‘n a tii.

ZEKARIAH 10:6

Judah Inkuan mite suhat ing ka tin, Joseph Inkuan ah mite chu hukdok ing ka. Amau chu ka lainat ma ma ziakin, ka paithâk khâk ngai lo gual in puidok kit ing ka; kei Lalpa a Pathian uh ka hia, amau dawnhu ta ding ka hi’ngâl a.

LUKA 22:32

himaleh, la ginna a basap lona dingin ka hun pauchap piak hi; la hung kihei kit tak leh la suapite la hun suk-hat ding ahi,” a tia.

ROMTE 15:13

Thagau Thiangtho thilhitheina ziak ah, kinepna la hau theina ding un, kinepna Pathian chun la gin ziak un kipakna leh thamuanna’n hun hi’dim ta hen.

ROMTE 15:5

Tu’hin ngilneina leh thok-hatna Pathian chun, Khrista Jesu ah um lungthim gual hun putsak ta hen.

ROMTE 16:25

Tu’hin, ka chanchinpha gen leh, Jesu Khrista puanlat ah a umna dungzui leh, khang sawt tak puandaw lo ah a la um thugûk kilatdawna dungzui ah,

ROMTE 9:11

A chate chu a pianmau in, sia leh pha a sepdaw mau in, thil hi’ziak hilo in, a kopa dawi ziak hi zaw’n, têlna lam thu ah chun Pathian thil guat chu a dettheina dingin a kiang in:

ROMTE 9:24

Judate lak ah kipat bep hilo in, Jentelte ah kipat leh kodawsa eihaw â ding inle a la bawl hitaleh, bangti ding a hem?

1 KORINTH 1:10

Tu’hin, unaute haw, la leng ua thu kibang gen ah, kikhen lo ah, lungthim leh ngaituana mun khat ah la kizopna ding un, Lalpa Jesu min in ka ni la hiu.

1 KORINTH 1:9

A chapa Jesu Khrista I Lalpau tawh kivopna ah hun kolutpa Pathian chu a muan um hi.

2 KORINTH 13:11

A kichaina dingin, suapite haw, mangpha! Kisutûp unla, lungmuang tak in um un; lungthim munkhat puu inla; kicham dial dial in um un; hepina leh chamna Pathian chu la kiang un um zing in a.

2 KORINTH 4:17

Ka thokgimnau neucha, mit phet kâl bep ding hin, lopina nasa tak, kumtuang â ding ei siam piak ahi.

PHILIPPI 4:13

Ei hi’hatpa Khrista jal ah chun bangkim bawlthei ka hi.

KOLOSSA 2:7

Ama ah zung kai leh lep to ah um in, zilsak ah la um gual un la ginnau ah chun det tak in um unla, kipak thu gen zing un.

1 THESSALONITE 2:12

a lenggam leh lopina hun kolutpa Pathian â ding ah kilawm la hi’theina ding un, hun tilkhau leh thamuan in ka hun ni la hiu.

2 THESSALONITE 2:14

Zia gual ding ma ah chun, ama chun ka chanchinpha gen uh, I Lalpa Jesu Khrista lopina chu chang dingin a hun ko hi.

2 THESSALONITE 2:17

la lunggil uh thamuansak in, nasep pha leh thugen in hun sudet ta hen.

2 THESSALONITE 3:3

Himaleh, Lalpa chu a ginum ah, ama chun hun hi’det in, migilo lak in hun vêng ding ahi.

1 TIMOTHI 6:12

Ginna kidona pha chu do inla; kumtuang hinna chu tudet ta’n; zia ding ah chu ko leh, hiatpitu tam takte ma ah puandawna pha chu bawl ta la hi kha.

2 TIMOTHI 1:9

Ama chun I thilhite dungzui hilo in, ama thiltup leh a hepina dungzui in ei hukhing in, kona thiangtho in ei ko a. Zia hepina chu khawvel kisiam ma ah, Khrista Jesu ah ei piak a hita’n;

2 TIMOTHI 2:10

Ziaziakchun, têlte ziak ah chun bangkim in ka thuak zo hi; chutia, amau inle Khrista Jesu ah hukdamna chu, kumtuang lopina chu tawh a mutheina ding un.

HEBRAITE 9:15

Ziaziakchun, ama chu thuthung thak palai a hung hita’n, thuthung masa nuai ah bawsiatnate kipat kote chun kumtuang goluana thutiam chu a chan theina ding un, a thina chun a tandok tai.

1 PETER 1:15

a hun kopa chu a thiantho gual in, nang uh le la tawidan zosiau in thiangtho tau in.

1 PETER 4:10

mitin in thilpiak la chan dungzui chiat un, Pathian hepina zosia vop phate gual in, ziate ah chun na kisep piak tua chiat un.

1 PETER 4:11

Kua’n le thu a gen chun, Pathian thute gual in gen hen; kua’n le na a sep chun, Pathian in hatna a piak gual jel in sêm hen; tichun, Jesu Khrista ziakin Pathian chu bangkim ah chawihoi in um thei in a. Lopina leh vaihawmna chu kumtuang in ama â ahi ngal a.

2 PETER 1:3

Ama lopina leh phatna ah ei kopa, a chanchin het ziakin Pathian thilhitheina’n hinna leh Pathian ngaisakna lam thu ah thil zosia ei pia ta ahi.

1 JOHAN 2:25

Ama’n ei tiam piak chu kumtuang hinna hi ahi.

JUDA 1:24

Tu’hin, kipûk lo ding ah hun vengthei leh, a lopina ma ah demna bei leh kipak tak ah koi theipa,