1 PETER 4:13 - PATHIAN LEKHABU THIANGTHO (BSI)

¹³ Khrista thokna ah thokpite la hi dungzui un kipak zaw un; chutichun, a lopina a hung kilâk phât leh nang uh le lim tak in kipak thei in lau.

1 PETER 4:13 ပူးပေါင်းရင်းမြစ်များ

ISAI 25:9

Zia ni phat chuleh, zia gual hin kigen in a: En tiam u, zia hi I Pathian uh, ei hukdok ding ah sawtpi I la ngâk uh kha ahi. Zia hi I la ngâk uh Lalpa chu ahi; a hukdamna hin lim in kipak hitiu.

ISAI 35:10

Tichun, Lalpa tatsate chu, hung kile’kit intiu in, La sa kawm in Zion ah hung intiu in, a luchung un kumtuang kipakna chu khuk ta’n au; kipakna leh nopna chang ta’n tiu in, lungngaina, thûm leh mauna chu lêng mang ta’n a.

ISAI 51:11

Tichun, Lalpa tatsate chu hung kile’kit in, La sa kawm in Zion ah hung in au; a luchung ua kumtuang kipakna khuk in, limna leh kipakna chang in, lungngaina leh lusûnna zosia bei ta’n a.

MATTHAI 16:27

Mihing Chapa hi a vansawlchâkte tawh, Pa lopina kithuam ah a hung tak leh, mitin in a nasep dungzui chiat un hun dit kit ding ahi.

MATTHAI 25:21

A pu chun a kiang in, la bawlpha na e! Suak pha leh ginum, tawmcha chung ah la ginum ziakin, tam tak chung ah vaihawm dingin hun koi ing ka; la pu kipakna’n lut ta’n, a tia.

MATTHAI 25:23

A pu chun a kiang in, la bawlpha na e! Suak pha leh ginum, tawmcha chung ah la ginum ziakin, tam tak chung ah vaihawm dingin hun koi ing ka; la pu kipakna chun lut ta’n, a tia.

MATTHAI 25:31

Mihing Chapa chu a vansawlchâkte tawh, a lopina kithuam ah a hung tak leh, a lopina lalchutpha chung ah hung kichu’n tin;

MATTHAI 25:34

Ziaphat chuleh, Lengpa chun, a changlam ah umte kiang ah chun, hung un, nang haw ka Pa maljawlna changte haw, khawvel siam lim ah kipat nang uh â ding ah siam gam chu lua tau in;

MATTHAI 5:12

Lim unla, kipak tak in um un; van ah la kipakman ding uh chu a lopi ngal in; zia gual ma chun la mau ah jawlneite kha le a sukgenthei uh ahi kha.

MARKA 8:38

Kuale tu’lai khangthak ângkawm leh gilo lak ah, keima leh ka thu japi tapo, Mihing chapa’n vansawlchâk thiangthote tawh, a Pa lopina kivan ah a hung phat leh, zia mi ngei chu hun japi thuk in a,” a tia.

LUKA 17:30

Mihing Chapa a hung kit ni phat leh le zia gual chu hiding ahi.

NASEPTE 16:25

Jan khang lai tak in Paul leh Sila chu a pauchap ua, Pathian pâk in La a sau a; suangkul ngâkte zosia’n a ngaitha zing ua.

NASEPTE 5:41

Vaihawm pawlte lak ah kipat a pawt daw phat un, zia min ziak ah mualphona thuak tâk ah ngai a hiziak ua chun, a kipak ma mau a.

ROMTE 5:3

Zia bep chule hilo in, gimthokna’n le kipak in um hitiu; gimthokna chun thok-hatna a siam hi ti I het ziak un.

ROMTE 8:17

chuleh, chate I hiu chun, golua dingte I hiu ah, Pathian golua ding, Khrista tawh golua khawm ding I hitau hi; ama lopina I chan khawm theina ding un, ama thokna le I thokpiu a ngai hi.

ROMTE 8:18

Tu’lai thoknate hi tu’nung ah lopina I chung ua hung kilang dingte chu tawh te’pi kham in ka ngai puai.

2 KORINTH 1:5

Khrista thokgimnate tam tak ka chan gual un, Khrista jal in thamuanna le tam tak ka chang ui.

2 KORINTH 1:7

Chun, thokgimna chanpite la hi gual un, thamuanna chanpite le la hiu ti ka het un ka hun kineppinau a det tai.

2 KORINTH 4:10

bangtik lai inle, Jesu hinna ka taksau ah a kilat theina dingin, Jesu thina chu ka taksau ah hin ka pu zing sek ui.

2 KORINTH 4:17

Ka thokgimnau neucha, mit phet kâl bep ding hin, lopina nasa tak, kumtuang â ding ei siam piak ahi.

PHILIPPI 3:10

Chutichun, ama leh a thawkitna thilhitheina chu ka het ah, a thoknate kikoppi in, a thina ah ama ka kibatpi theina ding in;

KOLOSSA 1:24

Nangmau ziak ah tu’ ka thokgimnate ah hin ka kipak ahi; chuleh, a taksa, a kochuamte ziak ah Khrista thokgimnate chu ka taksa ah hin ka subukim pek ahi.

2 TIMOTHI 2:12

I thok uh chun, ama tawh vaihawm khawm hitiu; ama I kilepsan uh chun, ama’nle ei kilepsan in a.

1 PETER 1:13

Ziaziakchun, nasem dingin la lungthim uh kisazo unla, kisawizoi un; Jesu Khrista kilâk phat leh hepina hung tung ding chu lungthuai lo in kineppi zing un.

1 PETER 2:21

Khrista’n a hun thok piak ziakin, zia gual hiding ah chun ko la hiu; a kengnung la zui ding ua a hun nutsia piak la hiu hi.

1 PETER 5:1

Chutichun, la lak ua kochuam upate chu, keima la upatpiu, Khrista thoknate he pa, lopina chang dingpa hin, la lak ua upate chu ka hun tîl ahi.

1 PETER 5:10

Chun, hepina zosia Pathian, a kumtuang lopina chang ding ah Khrista ah hun kopa ngei chun, sawt lo la thok zaw phat ua leh hun tungding in, hun hi’det in, hun hi’hat ding ahi.

JUDA 1:24

Tu’hin, kipûk lo ding ah hun vengthei leh, a lopina ma ah demna bei leh kipak tak ah koi theipa,

THUPUAN 1:7

En un, ama chu sûmpi khi tawh hung ding ahi, mit zosia’n hun mu’n au, a nâk a la sunte ma ma khanle; chuleh khawvel ah nam zosia’n ama chu sûn in kâ in au. Ahi, Amen.

THUPUAN 1:9

Keima Johan, la suapiu leh la thok gimpiu, a lenggam â ding leh Khrista ah thok gunchuna lam ah le la thokpiu hi, Pathian thu ziak leh Jesu Khrista thu tak ziakin, Patmos tuikual khum gam ah chun ka la um a.