1 PETER 4:10 - PATHIAN LEKHABU THIANGTHO (BSI)

¹⁰ mitin in thilpiak la chan dungzui chiat un, Pathian hepina zosia vop phate gual in, ziate ah chun na kisep piak tua chiat un.

1 PETER 4:10 ပူးပေါင်းရင်းမြစ်များ

MATTHAI 20:28

Mihing Chapa hial hile min a na a sep piak ding ah hung a hipua’n, nasem ding leh, mi tam tak tatna ding ah a hinna pia ding ah hung ahi zawi, a tia.

MATTHAI 24:14

Chuleh, zia Gam Chanchinpha hi nam zosia hiatsakna dingin khawvel zosia ah genjak in um intin; ziazaw chuleh, tawpna chu hung tung in a.

MATTHAI 24:21

Buaina nasa tak hung tung ding ahi ziakin, zia gual him him chu lei chung siam lim ah kipat tu’tiang ah hin a um kha naipua’n, um le um kit diak talo ding ahi.

MATTHAI 24:45

Suak ginum leh pil tak, a pu’n a hun tak ah an hawm piak sek ding ah, suak dangte Insung ah a koi ding chu kuapen ahi diam?

MATTHAI 25:17

Zia gual ma chun talent ni changpa kha le a kuandok ah, talent ni dang a vaveipung kit a.

MATTHAI 25:44

Zia tak chuleh amau chun, Lalpa, khoi tak ah gilkial leh dangchâk in a hem, malzin ah leh ngawnchang in a hem, damlo leh suangkul ah le ka hun muu ah, ngaisak lo ah ka um uh? ti’n tiu in.

MARKA 10:45

Mihing Chapa hial hile mite’n ama na a sep piak ding ua hung ahi puai; mi nasep piak ding leh mi tam tak tatna ding ah a hinna pia ding ah hung ahi zawi,” a tia.

LUKA 12:42

Lalpa chun, ahileh, suak ginum leh sepkol ginum, a pu’n a Insung hotu ding ah a guat ding leh, a hun tak ah a nêk ding uh ngaitua tûp piak sek ding chu a kua pen chu ahi diam?

LUKA 19:13

Tichun, a chia ding kuan in a suak sawmkhatte chu a ko a, dangka sawm a pia; a kiang un, ‘Ka hung tun kit masia zia hin sumkawl a la vei un,’ a tia.

LUKA 8:3

Herod sepkolpa Chuza ji Joanna tawh, Susanna tawh, midang tam tak tawh le a hiu a, amau haw chun a thil neiteu ah kipat in ama â ding a bawl piak tau a.

ROMTE 15:25

Ahi’n la, tu’hin chu Jerusalem lam ah mithiangthote ding ah panpina puak piak kawm in, chia ding ka hi.

ROMTE 15:27

Zia a thilbawl uh chun amau a kipaksak ah, zia gual thil hi, chu a bat uh le ahi him a; Jentelte chun thagau lam ah a thil chanteu chu a hun kikoppi tâk ziak un, taksa lam thil ah amau tâksapnau a kithuapiu chu, a bawl ding dawl uh le ahi him hi.

1 KORINTH 15:10

Himaleh, Pathian lungsiatna jal in ka hi’ding gual tak ka hi zo ta’n; chun a lungsiatna chu a thawn puai. Amau zosia sâng in ka sêm nasa zaw bawn hi; himaleh, keima sep hilo in, Pathian lungsiatna kei ah um chun a sep a hizawi.

1 KORINTH 3:10

Pathian hepina ka kiang ah piak ahi dungzui in, Insa lamkai khutthiam tak gual in keima’n suangphûm ka lem in, midang in a chung ah In a sau hi. Mitin in a chung ah a sak dan uh chun chingthei chiat tau hen.

1 KORINTH 4:7

Nang kua’n a hun chuam bawl diak ah a hem? La chan ahi ngal leh, bangatia la chan lo gual ah la kisak theipi a hem?

2 KORINTH 6:1

Pathian hepina chu phatchuampi lo ah chang la hilona ding un, ama seppite hin in ka hun ni’ la hiu.

2 KORINTH 9:1

Mi thiangthote â ding ah thilpiak thu vang la kiang un zik a ngai ta puai;

EPHESA 3:8

Keima, mithiangthote lak ah neupen sâng ah le neuzaw kiang ah hin, zia hepina chu piak ahi’n; Khrista hausakna suidaw guallote chanchin chu Jentelte kiang ah gen ding leh;

EPHESA 4:11

Tichun, khenkhatte chu sawlchâk hiding in, khenkhatte chu jawlnei hiding in, khenkhatte chu Pathian thugen dingin, khenkhatte chu kochuam vâk ding leh khenkhatte chu zilsak ah pang dingin thilpiak a pechiat a;

2 TIMOTHI 1:18

Zia ni phat chuleh, Lalpa ah kipat jangaina mu dingin Lalpa‘n ama chu guat ta hen. Ephesa khua a nasep zosia khale la he ma ma hi.

TITA 1:7

kochuam hotu chu Pathian sum enkoltu ahiziak in, dem kâi lo ahi ding a hia; ama thu bep dawi hilo, lungna vak lo, zu dawn chîng lo, khut tha pai ziang lo, diklo tak ah lawkna hawl lo;

HEBRAITE 6:10

La nasep uh leh hepina ziak ah la sepgimnau, ama min ah la latsak uh, mithiangthote chung ah la nasepteu, tu’tiang ah le la sep zing uh chu hemil dingin Pathian chu mi diklo ahi puai.

1 PETER 5:10

Chun, hepina zosia Pathian, a kumtuang lopina chang ding ah Khrista ah hun kopa ngei chun, sawt lo la thok zaw phat ua leh hun tungding in, hun hi’det in, hun hi’hat ding ahi.

1 PETER 5:12

Ka suapi ginum tak ah ka ngainat, Silvana khut in, nang uh tilkhau ah, zia chu Pathian hepina tak tak ahi ti hia’n, chomcha la kiang un ka hun zik hi; zia chun ding det un.