1 PETER 3:8 - PATHIAN LEKHABU THIANGTHO (BSI)

⁸ A tawp pen in, la leng un lungthim munkhat nei in, kilainattua leh suapite kihepina leh thunuaigolna nei in um un.

1 PETER 3:8 ပူးပေါင်းရင်းမြစ်များ

SAM 103:13

Pa’n a chate a lainat gual in, Lalpa‘n ama laute a lainat hi.

THUPILTE 28:8

Sumpung lakhawm ah hausa taphot chu, migenthei khawtuate â ding ah lak khawm piak a hiu.

ZEKARIAH 7:9

Sepai honte Lalpa‘n zia gual hin a gen hi: “Thudik in vaihawm unla, ja’ngaina leh lainatna’n kikhomtua chiat unla;

MATTHAI 18:33

ka hun lungsiat gual ah nang inle la suak chanpi chu la lungsiat ding hilo a hem? a tia.

LUKA 10:33

Himaleh, Samari mi pakhat, khualzin in a hun tuak kha ta’n, a mu phât in a lungsiat ma ma a.

NASEPTE 2:1

Pentikost ni a hung tun phatin, amau chu a leng un mun khat in a la um khawm un.

NASEPTE 27:3

A jing ah chun Sidon ah ka bâng malam un; Julias chun Paul chu a bawlpha ma ma ah, a lawite tawh kive tua thei ah, kisuhal tua sek thei dingin a phal piak a.

NASEPTE 28:7

Zia tuam vêl ah chun, zia gam ah mi minthang pakhat lou gam nei a um a, zia pa min chu Publias ahi; ama chun ei la lop ma ma ah, ni thum sung chu kipak tak in ei zintun a.

NASEPTE 4:32

A gingte zosia chu lungthim leh ngaituana munkhat in a um un; a lak ua kuama’n a thil neiteu chu, kei â chuam ahi tilo in, a thil nei zosiau a kikop sek ui.

ROMTE 12:10

Unau kihepina tak tak chu nei in, nunnem tak in kingaina tua chiat unla; kijatua dan thiam tak in um khawm chiat tau in;

ROMTE 15:5

Tu’hin ngilneina leh thok-hatna Pathian chun, Khrista Jesu ah um lungthim gual hun putsak ta hen.

1 KORINTH 1:10

Tu’hin, unaute haw, la leng ua thu kibang gen ah, kikhen lo ah, lungthim leh ngaituana mun khat ah la kizopna ding un, Lalpa Jesu min in ka ni la hiu.

1 KORINTH 12:26

Chutichun, bâk pakhat in a thok chun a leng un a thokpiu in, bâk pakhat chawihoi ahi chun a leng un a kipakpiu hi.

EPHESA 4:2

kingaitawmna tawh, nunnemna tawh, thokzawna tawh, hepina ah kidawtua zo tak ah um ding in,

EPHESA 4:31

Thangtawmna, lungnatna leh siatsona, hânsiatna tawh kigensiatna zosia chu haisan tau in, lungthim sia zosia tawh.

EPHESA 4:32

Chuleh, kihepi tua ah, kilainatna nei in um unla, Pathian in Khrista ah a hun ngaidam gual in kingaidam tua tau in.

PHILIPPI 2:3

Kikhenna ding a hem, kilopisakna ziak a hem ah bangma bawl lo in, mi zosia’n kingaitawm tak in, ama sâng ah mi dang phazaw’n guat chiat uh hen.

PHILIPPI 3:16

Banghitaleh, I phâk taksau tiang uh chu tudet zing hitiu.

KOLOSSA 3:12

Chutichun, Pathian mi têl, mithiangtho leh doitakte gual in lainatna lungthimte, hepinate, kingaitawmnate, thunuaigolnate leh thok-hatnate chun kivan tau in;

HEBRAITE 13:1

Kihepi tua zing un.

JAKOB 2:13

Jangaina neilo chu jangaina bei ma’n vaihawm piak hi’n ah; jangaina chun vaihawmna a zo sek hi.

JAKOB 3:17

Chung lam ah kipat pilna hung suk chu vang, a masa’n a thiangtho ah, kicham a nuam ah, a nunnem ah, a thunung thei ah, hepina leh ga pha’n a dim ah, doichuamna leh dawha him him panglo ahi.

JAKOB 5:11

Ahi, a thuak-hatte chu hampha I ti sek ui. Job thok-hat dan kha la hiau ah, Lalpa thil guanggal dan kha le la muu hi; Lalpa chu hepina leh jangaina dim ahi dan le la he tau hi.

1 PETER 1:22

Thutak mat ziak ah la hinnau la sukthiantho tâk ziak un, kihepituana dik tak la nei thei tau a; lunggil tak in kihepitua chiat tau in.

1 PETER 2:17

Mi zosia ja unla, gingtu suapite chu hepi un. Pathian lau unla, Lengpa chu ja tau in.

1 PETER 5:5

Zia gual ma chun, khangdawng nalaite haw, upate nuai ah kitulut un. Ahi, la leng un na kiseptua piak chiat dingin thunuaigolna’n kivan unla: “Pathian in kiletsakte chu a dodâl in, kingaitawmte vang hepina a pesek hi,” ti ahi ngal a.

2 PETER 1:7

la Pathian ngaisaknau ah chun suapite ngainatna pansak unla; la suapite ngainatnau ah chun hepina pansak tau in.

1 JOHAN 3:14

I kihepitua ziak ua hin, thina kipat hinna I gâl kâi tau hi ti I hiau hi. Kuale hepina neilo chu thina um zing ahi.