1 PETER 3:4 - PATHIAN LEKHABU THIANGTHO (BSI)

⁴ lungthim sunglam ah mihing kisêlgu, lungthim thunuaigolna leh nunnemna, puansil setheilo ah kicheina hizaw hen; zia chu Pathian mit mu in a lûl ma ma hi.

1 PETER 3:4 ပူးပေါင်းရင်းမြစ်များ

SAM 131:2

Nausen nawichep hâita a nu kiang ah, a bî hiat hiat gual in, ka hinna ka bîsak in, ka thipsak hiat hiat ta’n; ka hinna hi nau nawichep a bî gual in, ka kiang in a bî tai!

SAM 147:6

Lalpa‘n nuaisia ah umte a domsâng in; mi nunsiate vang lei tual in a septha sek hi.

SAM 149:4

Lalpa‘n a mite a kipakpi sek ngal a; mi kingaitawmte chu gualzawna’n a cheimawi sek hi.

SAM 25:9

Thunuaigolte chu lam dik in a pui hen, thunuaigolte chu a lampi a hil sek hi.

SAM 45:13

Leng chanu chu sana ah chei, sil leh chên ah thuam ahi’n;

SAM 51:6

Sunggil lam ah takna la dawi hi; tichun, ka lunggil sung ah hin pilna ei zilsak ta’n.

ISAI 11:4

himaleh, dik tak in migentheite vaihawm piak intin, lei ah mi nunnemte le kibang chiat in, thutanna bawl piak ta’n a; a kam ah mol chun lei hi jep intin, a mûk ah hû chun mi nunsiate that in a.

ISAI 29:19

Mi nunnem chun Lalpa ah kipat kipakna thak chang intin, mite lak ah migenthei chunle, Israel Mithiangtho ah chun lim ma ma ta’n a.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

ISAI 61:1

Lalpa‘n sathau ei nu’ tâk ziakin, Lalpa Pathian thagau chu ka chung in a chu ta’n; tawden ah um gentheite kiang ah hukdamna chanchinpha vagen a, lungthimnate sudam ding leh, saltângte zalenna ding phuangdok ding leh, suangkul tângte thâdokna ding thu gen dingin ei sawl ta’n;

JEREMIAH 51:59

Judai gam ah Lengpa Zedekiah, lal ahi kum li tin ah Babulon lam ah pui mang ahi lai ah a kitonpi, Seraiah, Neriah chapa, Mahseiah chapa kiang ah jawlnei Jeremiah in zia gual hin thu a pia; Seraiah chu lal In ah hotu lianpen ahi’n.

MATTHAI 11:29

Ka ngawngkol hung puau in la, ka kiang in zil un: Lungthim ah nunnem leh kingaitawm ka hi; tichun, la thagau â ding un chawldamna mu’n lau.

MATTHAI 21:5

Zion chanu kiang in: En in, la lengpa chu kingaitawm tak in, sabiltung chung ah chuang in, sabiltungno ngei chung ah chuang in, a hung hi, ti’n la hil un, ti thu kha, a tia.

MATTHAI 23:26

Nang, Pharisai mitthûm! La no chu a sunglam nawt thiang phot lechin, a pawlam le hung thiang mai ding ahi.

MATTHAI 5:5

Mi zaidamte chu mi hampha a hiu; Lei go hi lua ding ahi ngal un.

LUKA 11:40

Nanghaw mingolte haw, a paw lam siampa chun a sunglam le a siam tho tho pua a hem?

LUKA 16:15

Ama chun a kiang un, mi mit mu ah thiam kichan mai la hiu a, ahi’n la, Pathian in la lungthim uh a he nai; mihing lak ah choisa’n ah la umnau hi, Pathian mit mu in ki’dak um tak ahi.

ROMTE 1:23

Pathian thi theilo lopina chu, mihing thitheite lim gual po ah siam in, vacha lim po, gamsa keng pali nei lim po leh ganhing bokvâk haw lim gual po in a sângtha tau hi.

ROMTE 2:29

A sunggil lam ah Juda mi hite bep chu a tak a hiu; chuleh, tak tak hilo in, lunggil lam thagau ah zektante bep chu zektan tak tak a hiu. Zia gual mite chun, mihing pachatna sâng in Pathian pachatna a law zaw sek ui.

ROMTE 6:6

I gitlonau taksa hi suksiat ah a um ah, gitlona suak ah I um tâk lona ding un, I mihing lui uh hi ama tawh khetden in a um tai ti I hiau hi.

ROMTE 7:22

Ka mihing sung lam ah hin Pathian dan zui ka thatnoppi ma ma sek a;

2 KORINTH 10:1

Kei Paul, la mit muu ah thunuaigol tak ah um ah, la lak ua ka umlo phat leh khau sek hin, Khrista jaidamna leh nunnemna’n ka don la hiu.

2 KORINTH 4:16

Ziaziakchun, ka lungkia puau hi. Ka pawlam mihing uh hi jawngkhal hiai hiai maleh, ka sung lam mihing uh nisi’n ah siamthak in a um zawi.

GALATIA 5:23

thunuaigolna leh kisumtheina ahi; ziate tawh kikãl hi dan a um puai.

EPHESA 4:2

kingaitawmna tawh, nunnemna tawh, thokzawna tawh, hepina ah kidawtua zo tak ah um ding in,

KOLOSSA 3:12

Chutichun, Pathian mi têl, mithiangtho leh doitakte gual in lainatna lungthimte, hepinate, kingaitawmnate, thunuaigolnate leh thok-hatnate chun kivan tau in;

KOLOSSA 3:3

La thi tau ah, la hinnau chu Pathian ah chun Khrista tawh sêlgûk in a um tai.

1 THESSALONITE 4:11

Chuleh, thip hiau ah, nangmau na chiat ngai khawk ah, thu ka hun piak gual ua, la khut ua sep la guatna ding un.

2 THESSALONITE 3:12

Ahi’n, zia gual mite chu thip hiau ah na sêm ding leh, amau an kinêk dingin Lalpa Jesu Khrista min in thu pia’n ka tîl uh ahi.

1 TIMOTHI 2:2

lengte leh thuneina sâng tak neite â dingin tawh: Tichun, Pathian ngaisak leh za tak ah, thamuang tak leh kicham dial ah vai a hawm theina ding un.

2 TIMOTHI 2:25

a lang lam ah pangte chu a jaicha’n hil hen. A lung uh a hei ua, thutak chu a hettheina ding un Pathian in ahi’thei tho ah,

TITA 3:2

kuama gensia lo ding leh, kinak haisan ding leh, nunnem ding leh mi zosia kiang ah thunuaigolna tâklang dingin hil kit in.

JAKOB 1:21

Ziaziakchun, a buak leh umdan phalote chu koimang unla, thu kiphu det, la thagau uh hukdam thei chu thunuaigol tak in pom un.

1 PETER 1:23

Mangthai ziang thei ding chi sethei lak ah hilo in, Pathian Thu hing zing leh um zing dungzui ah piangthak la hitau a:

1 PETER 3:15

la lunggil un Khrista chu Lal in koi un. Nangmau ah um kinepna chu min a hung dot ua leh, dawnhu thei ngal dingin, thunuaigol leh ja tak kawm in kisazo zing un.

1 SAMUEL 16:7

Himaleh, Samuel kiang ah Lalpa‘n, “A mêl latdan a hem leh a din sândan in en kin la, zia gual mi chu ka paithâk ahi, Lalpa chun mihingte et dan in a en puai; mihingte chun a paw lam mêl latdan a en sek un, Lalpa‘n vang lunggil lam a en sek hi,” a tia.