1 PETER 3:3 - PATHIAN LEKHABU THIANGTHO (BSI)

³ La kicheinau chu pawlam kicheina: samphekte, sana khite, sil leh chênte hilo in,

1 PETER 3:3 ပူးပေါင်းရင်းမြစ်များ

THILSIAM THU 24:22

Chun, sangawngsaute chun tui a dawn khop phat un, suakpa chun nâkbu shekel kimkhat bûk ding leh chaucha pani, shekel sawm ah gik a hun ladok a;

THILSIAM THU 24:47

Ziaphatchun, “Kua chanu la hem?” ti’n ka dong ah; ama’nle, “Nahor chapa Bethuel chanu Milkah in a hinpiak ka hi,” ti’n ei dawnhu a. Tichun, a nâk ah nâkbu ding leh a khut ah chaucha dingte hi ka bûsak ta ahi.

THILSIAM THU 24:53

Chuleh, suakpa chun dangka leh sana kicheinate, puante a hun ladok ah, Rebekah a pia ngal ah; a suapipa leh a nu kiang inle kicheina manpha tak takte chu a pia’n.

2 LENGTE 9:30

Jehu chu Jezreel ah a hung phatin, Jezebel in a la he ta’n; a mit te chei ah, a sam te le hiatzawl in, tukvan ah chun a hung dakdok a.

ESTHER 5:1

Ni thum a ti’n ni chun, Esther chu a lengnu sil leh chên ah kithuam in, lal In sungnung ah lengpa pindan mai jawn tak ah chun a vading ah. Lengpa chu lal In sung ah lalchutpha a kichut lai tak ahi’n.

SAM 45:9

la numei ja’umte lak ah chun, lal chanute le a pang un; la changlam ah chun Ophir sana ah kijem, lengnu a ding hi.

PAWTDAWNA THU 3:22

Numei zosia’n a Invêngteu leh a Invêngteu In ah numei um taphotte bilba leh khutsebi, dangka leh sana ah kisiamte leh nîk leh puante chu don intiu in, ziate haw chun la chapateu leh la chanuteu zosia thuam in la tiu in; tichun, Aigupta gam ah van pha zosia chu lâkpiak ding la hiu,” a tia.

PAWTDAWNA THU 32:2

Aron in a kiang un, “La jiteu, la chapateu leh la chanuteu sana bilba zosia hun lathau inla, ei hun piau in,” a tia.

PAWTDAWNA THU 33:4

Mipite chun zia kamsuak phalo tak chu a het phat un, a thûm tau a; a kichei nuamle a um ta puau a.

PAWTDAWNA THU 35:22

Chutichun, a numei, a pawsal kidang lo ah piak nopna lungthim nei zosiate chu a hung khawm ua; a chauchateu, a bilbateu, a min namnau khutsebite, khite, sana’ kicheina chitinte a hun pekhawm tau a; mi tin sana piak ding nei zosiate chun Lalpa â dingin a hun pechiat tau a.

PAWTDAWNA THU 38:8

Chuleh, sum-eng tuikuang le a keng sum-eng tawh, biakbûk kotbul ah numeite nasepna mun ah lîm-et kiang ah um ding chule a siam a.

ISAI 52:1

Aw Zion, hung tho inla, hung thodok in, la hatna chun hung kithuam in! La puan hoi takte khan hung kithuam inla, aw Jerusalem khawpi thiangtho; zektanlote leh mi buakte chu, hung lut talo ding ahi ngâl un.

ISAI 61:10

Lalpa ah chun nasa tak ah kipak in, ka pumpi’n ka Pathian chawihoi ing ka; ama’n hukdamna puan in ei thuam in, dikna puan ei khû ta’n, pâkkhi vui ah mopa a kithuam gual leh, mo chu sana kijem gual in, ei jem ta’ngal a.

JEREMIAH 2:32

Nungak in a kicheina matchâkte leh, monu’n a mo puan chu a hemil thei awm? Ka mite’n vang ni sim sên lo sung, ei hemil tau hi.

JEREMIAH 4:30

Aw nutsia ah um nang la, bang ding ah puan sandup ah kivan nalai ah, sana kijem nalai sêt ah, la mit lian tak ah jem nalai la hem? A thawn ah jem mai mai la hi. La ngaijawngte’n a hun simmawu hi, tha gua’n a hun hawl ui!

EZEKIEL 23:40

Gamla tak ah kipat pawsalte chial dingin palaite a sawl un, a hung ta ngei ui. Amau â dingin la kisil un, la mit uh chei in, kicheina chitin in la kichei ui;

ROMTE 12:2

Zia khawvel dan gual ah hin um kiu inla, Pathian doi gual, a pha leh pom tâk leh a bukim chu la hettheina ding un, la lungthim uh siamthak ah um in, hung danglam zaw tau in.

1 PETER 3:2

Lau dan thiam ah la tawidan uh chu hun mu ding a hiu.