1 PETER 3:22 - PATHIAN LEKHABU THIANGTHO (BSI)

²² Ama chu van ah chia in Pathian changlam ah a um a; vansawlchâkte, thuneinate leh thil hi’theinate chu ama thu thu ah umsak ahi tai.

1 PETER 3:22 ပူးပေါင်းရင်းမြစ်များ

SAM 110:1

Lalpa‘n ka Lalpa kiang ah chun: “La mêlmate la keng ngakna ding ah, ka hun bawl piak masia, ka changlam hin kichu zing in,” a ti’n.

MATTHAI 22:44

Lalpa chun ka Lalpa kiang ah chun, La mêlmate la keng nuai ah ka koi masia, ka changlam in kichu’n? a ti kha.

MATTHAI 28:18

Jesu a hung ah, a kiang un, “Lei chung leh van ah thuneina zosia ka kiang ah piak ahi tai;

MARKA 12:36

David khan la, Thagau Thiangtho in, a kam ngei in, ‘Lalpa chun ka Lalpa kiang ah: La mêlmate la keng nuai ah ka koi piak masia, ka changlam ah kichu’n,’ a la ti’n,” a tia.

MARKA 16:19

Lalpa chun, zia thute chu a gen zaw phatin, van lam ah pui to in a um ta’n, Pathian changlam ah a hang chu tai.

LUKA 20:42

Pâkna Labu ah chun, ama David ngei chun: ‘Lalpa chun ka Lalpa kiang in: Ka changlam ah hin kichu’n,

JOHAN 13:32

Ama ah Pathian choihoi ah a um chun, Pathian in ama chule chawihoi ngal in a.

NASEPTE 1:11

Amau chun, “Galili mite haw, bangatia van lam en ah ding zing la hiu em? Zia Jesu, la kiang ua kipat van lam ah lâk to ah um hi, van lam ah chia to la mu gual ngei un hung kit ding ahi,” a hun tiu a.

NASEPTE 3:21

Khawvel siamtil ah kipat Pathian in a jawlneite kam ah a la gensa gual khan, bangkim siamthak hun a hung tun masia, ama chu van ah um tadi ding ahi.

ROMTE 8:34

Thiamlo chansak chu kua a hem? A hung thi Khrista Jesu kha ahi; ahi ngût hi, a thokit ah Pathian khut changlam in a um ah, ama chun ei pauchap piak zing ahi.

ROMTE 8:38

Kichian takin ka he ahi, thina a hem, hinna a hem, vansawlchâkte a hem, lalna a hem, thil um lai a hem, a hung um ding a hem, thilhi’theina a hem,

1 KORINTH 15:24

Vaihawmna zosia leh lalna leh thuneina zosia a suksiat zaw phat leh lenggam chu, Pa Pathian kiang ah pedok ta’n tin, ziaphat chuleh, tawpna chu tung ta’n a.

KOLOSSA 3:1

Chutichun, Khrista tawh kaithaw ah la um tâk uh chun, chunglam ah Pathian changlam ah kichû Khrista umna thil umte chu hawl un;

HEBRAITE 1:13

Himaleh, vansawlchâk kuapen kiang in zia gual hin a gen ngai em? “La mêlmate la tawden ding ah ka bawl masia, ka changlam ah kichu’n,” ti hi.

HEBRAITE 1:3

Ama chu Pathian lopina vâk kilatna leh Pathian hina mêl taklangpa ahi’n, a thu thilhitheina chun bangkim a tungding ah, ama chun I gitlonateu a sukthian nung in, chungnung pen leh lopi pen chang lam in a hang kichu tai.

HEBRAITE 1:6

Chuleh, Pathian in zia a chapa masa pen chu khawvel ah a hun sawl lai in, “Pathian vansawlchâkte’n ama chu be tau hen,” a ti kit a.

HEBRAITE 10:12

Himaleh, ama’n vang gitlote kithoina chu khatvei thu in, kumtuang â dingin a lân a, Pathian changlam ah khin a hang kichu tai.

HEBRAITE 12:2

I ginnau siampa leh subukimpa, Jesu lam chu en zing hitiu; ama chun a malam ah kipakna chu thîl in, mualphona chu ngainêp in kros chu a thuak ah, Pathian lalchutpha changlam ah khin a hang kichu tai.

HEBRAITE 4:14

Ahi’n, van ah a la chia ta, Pathian Chapa Jesu, thiampulianpen, lopi tak chu I nei ziak un, I thugin uh hi tudet zing hitiu.

HEBRAITE 6:20

Zia chun Jesu, Melkisedek gual ah kumtuang thiampu lianpen a la hita chu, ei uh â dingin puanjak sung in a la lut tai.

HEBRAITE 8:1

Tu’hin, thil I gen zosia ah a thupi chu zia hi ahi: Van ah Chungnung pen lalchutpha changlam ah kichu thiampu lianpen chu I nei ui;

HEBRAITE 9:24

Khrista chu khut ah sak Munthiangtho, a tak etsakna mai ah chun a lut pua’n; ei uh â ding ah Pathian umna van mun ah chun a lut zaw tai.