1 PETER 3:21 - PATHIAN LEKHABU THIANGTHO (BSI)

²¹ Zia kibatpi baptisma chun, taksa buakna sukthianna bep hilo in, Pathian lam ah sia leh pha hetna sukthianna hizaw in, Jesu Khrista thawkitna ziakin tu’hin a hun hukhing tai.

1 PETER 3:21 ပူးပေါင်းရင်းမြစ်များ

ZEKARIAH 13:1

Ziaphat chuleh, David Inkuante leh Jerusalem ah chêngte zosia sualna leh, buakkaina zosia sil thiang dingin tuinâk hung pawt ta’n a.

MATTHAI 28:19

ziaziakchun, chiau inla, namtin lak ah mi nungzui in siam unla, Pa leh Chapa leh Thagau Thiangtho min in baptis un;

MARKA 16:16

Kuale a ging ah baptisma chang chu hukdam in um intin; himaleh, a ginglote chun thiamlo chang in au.

JOHAN 13:9

Ziaphatchun, Simon Peter in, “Lalpa, chutichu ahileh, ka keng bep hilo in, ka khut leh ka luchangle lam,” a ti kit a.

NASEPTE 16:33

Zia jan ma ma chun a voknau beliamte chu a sil piak a; tichun, khawdâng lo in, ama leh a Inkuanpite chu baptisma a chang chiat tau hi.

NASEPTE 2:38

Peter chun a kiang un, “La lung uh hei unla, Jesu Khrista min in baptisma chang leu chin, la gitlonau ngaidam hi’ntin; tichun, Thagau Thiangtho thilpiak hi chang in lau.

NASEPTE 22:16

Bang ding ah khawdâng la hem? Kipan inla, ama min in baptisma chang inla, la gitlonate sawp thian ah um in, a min chu ko ta’n, ei ti ta’n.

NASEPTE 8:36

A kiton pek lai ua chun lui pakhat a tung ua, mi kigetpa chun, “Entia, zia tak ah hin tui a um hi, baptisma ka channa ding bang ei dâl a um em?” a hun ti’n.

NASEPTE 8:37

Ziaphatchun, Philip in, “La lunggil zosia’ la gin leh chang thei inla,” a tia. Chun, ama chun a hun dawnhu a, “Jesu Khrista chu Pathian Chapa ahi, ti ka ging hi,” a tia.

ROMTE 5:14

Abang hileh, Adam ah kipat Mosi tiang in, Adam hi’khialna gual ah thil hi’khiallote chung ah le thina chun vai a hawm sek ah, Adam chu a hung um kit ding tawh te’kâk ahi.

1 KORINTH 12:13

Thagau pakhat ah I leng ua taksa pumkhat ah baptis I hitau a; Juda hi’n Jentel hi taleu, suak hi’n, suak lo hitaleu hinle; Thagau pakhat ah dawn khawm chiat ding ah siam I hiu.

1 KORINTH 4:6

Suapite haw, la phatna ding un zia thute hi Apollo leh kei chung in ka bel ah, “A kiziksa tilo phot chu,” ti umdan tak hi keimau ah kipat la ziltheina ding un; chutichun, la lak ua kuama’n pakhat suang ah pakhat la tawden lona ding un.

2 KORINTH 1:12

Ka lung sung ua sia leh pha hetna dungzui ah ka suan uh chu zia hi ahi: Khawvel ah mite leh nangmau kiang ah hizaw diak in, taksa lam pilna hilo ah, Pathian thianthona leh titakna chun ka tawi uh ahi.

2 KORINTH 7:1

Suapi doitakte haw, zia thutiamte chu I nei ziak un, taksa leh thagau kisukbuakna zosia chu kisuthiangtho in, Pathian lau in thianthona ah bukim in um hitiu.

GALATIA 3:27

La lak ua Khrista ah baptisma chang tapote kha Khrista ah chun la kivan tangal un.

EPHESA 5:26

amau chu a sukthiantho theina dingin, a thu tui ah chun sil thiang in,

KOLOSSA 2:12

baptisma ah ama tawh vui in la um tau a; zia ma ma ah chun mithi lak ah kipat Pathian nasep ginchâk ziakin, ama tawh kigual in kaithaw la hitau hi.

1 TIMOTHI 1:5

Ei un thuhil ding I kol pen uh hi ahileh, lunggil thiangtho leh sia leh pha hetna thiang leh ginna tak tak ah kipat pawt hepina ahi zaw ngal a.

1 TIMOTHI 6:12

Ginna kidona pha chu do inla; kumtuang hinna chu tudet ta’n; zia ding ah chu ko leh, hiatpitu tam takte ma ah puandawna pha chu bawl ta la hi kha.

HEBRAITE 10:22

lungthim dik tak pu’n, ginna kihetchianna bukim chu nei in, I lunggil sia leh pha hetna chu suthiang in, I taksau le tui thiang ah sil in, ama chu nai hitiu.

HEBRAITE 11:19

Pathian in mithisa le a kaitho thei tak tak hi ti a ginchâk ziakin, a thisa thokit gual in a chapa chu a mu kit ta ahi.

HEBRAITE 13:18

Kei â dingin ei pauchap piak un; sia leh pha hetna thiang tak ka nei ui ti ka hechian un, bangkim in dik tak ah um ka guau hi.

HEBRAITE 9:14

Khrista thisan, Pathian kiang ah mêlhemna umlo, kumtuang Thagau jal ah kilân chun, nasep thisa ah kipat chun, a sia leh pha hetnau chu Pathian hing nasem dingin, bang gual bep in a hithiangtho zaw ta bep diam!

HEBRAITE 9:24

Khrista chu khut ah sak Munthiangtho, a tak etsakna mai ah chun a lut pua’n; ei uh â ding ah Pathian umna van mun ah chun a lut zaw tai.

1 PETER 1:3

I Lalpa Jesu Khrista Pathian leh, Pa chu pâk in um ta hen! Ama chun a hepina lopi tak in, mithi lak ah kipat Jesu Khrista thawkitna jal in, kinepna hing mu dingin hinna thak ei pia’n.

1 PETER 3:16

Nunnem leh ja um tak ah um in, sia leh pha hetna chîm tak nei unla, nang uh hun gensete’n Khrista ah la umdan uh phat ziakin mualpho in au.