1 PETER 3:18 - PATHIAN LEKHABU THIANGTHO (BSI)

¹⁸ Pathian kiang ah ei pui theina dingin, Khrista chun gitlo ziakin kumtuang dai dingin a thuak ta’n; midik chun midik lo thasâng in a thuak ahi. Taksa ah thalup in a um ta’n, thagau ah suk-hin in a um tai.

1 PETER 3:18 ပူးပေါင်းရင်းမြစ်များ

DANIAL 9:26

Hapta sawmguk leh ni zaw leh sathaunu’ ah um chu pai thâk in um intin, bangma nei ta pua’n a; chuleh, a hung ding lal sepaite chun khawpi leh mun thiangtho chu susia’n au. A tawpna tuisânglet gual hi’ntin, a tawpna dingin kido’na hung um in a. Siatna huaisia tung ding chu guatsa ahi tai.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

MATTHAI 27:19

Chun, vaihawmna chutpha a chut lai in, a ji chun, “Zia midik chung ah khan bangma hi’kin, tu’ni hin ama ziakin ka mang in thil tam tak ka thuak ahi,” ti’n mi a hun vaithâk a.

MATTHAI 27:24

Pilat in bangma hi’thei a nei ta puai, hung buai zaw deu deu ding ahi ti a het phat in, tui a la, mipite ma ah chun a khut a sawp a, “Zia midik thisan hin ka thiang hi; nang un la law lawu kilaw tau in,” a tia.

JOHAN 16:10

Dikna thu’n thiamlo chang in au, Pa kiang ah chia ding ka hi’n, nang un lei mu tâk lo ding ziak un;

NASEPTE 22:14

Ama chun, I pu leh pateu Pathian in a lung lam he ah, midik tak chu mu ding leh a kam ah thupawt chu he ding in a hun têl a;

NASEPTE 3:14

Mithiangtho leh dik tak chu doi lo in, tualthat pakhat la kiang ua piak dingin la don zawu a;

ROMTE 1:4

chuleh, thianthona thagau ahi’na dungzui leh, thina ah kipat a thawkitna thilhitheina ah chun, Pathian chapa ahi’na chu taklat in a um ta’n.

ROMTE 4:25

ama chu I gitlonau ziakin thâ in a um ah, thiam I channa ding un kaithaw in a um kit tai.

ROMTE 5:2

Ama ziak ma in, zia lungsiatna I din detnau ah hin I lut tau in, Pathian lopina kinepna chun kipak tak in I um ui.

ROMTE 8:11

Himaleh, mithi lak ah kipat Jesu kaithokitpa Thagau chu nangmau ah a um leh, mithi lak ah kipat Jesu kaithokitpa chun, nangmau ah um Thagau ah chun la taksau thithei chu hun hinsak kit in a.

ROMTE 8:3

Chutichun, Dan in a mamaw chu, ei uh taksa dan ah chawn lo ah, Thagau dan ah chawnte ah hin sukbukim ahitheina dingin,

2 KORINTH 1:24

La ginnau chung ah thunei gua hilo in, la kipakna ding ua nang uh tawh sem khawm ka hi zawu hi; ginna’n la ding det ta ngal un.

2 KORINTH 13:4

Ama chu jawngkhal tak in khetden in um maleh, Pathian thilhitheina ziakin a hing zing tai. Kei hawle ama ah chun hatlo ka hitau; ahi’n la, nanghaw lam ah Pathian thilhitheina ziakin ama tawh hing ing kau.

2 KORINTH 5:21

Ama ah chun Pathian dikna I hi’theina ding un, gitlo him him helo chu Pathian in ei uh ziak in gilo in a siam tai.

GALATIA 1:4

Ama chun I Pathian leh I Pau doigual ah, tu’lai khawvel gilo tak lak ah kipat ei hukdaw theina dingin, I gitlonateu ziakin ama ngei chu a hung kipiak tâk ziak in,

GALATIA 3:13

Khrista chu I thasang un hânsedawl a hung hi’n, dan hânsia lak ah kipat chun ei tandok tai: “Thing ah khaikâng ah um tapo chu hânsia dong a hi,” ti zik ahi ngal a.

EPHESA 3:12

zia Khrista Jesu chu I gin ziakin, ama ah chun nêl leh ngam tak ah luttheina chu I nei tau hi.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

HEBRAITE 10:10

A dawi gual ah chun, Jesu Khrista taksa khatvei thu ah a kilat zaw tâk ziakin sukthian in I um tau hi.

HEBRAITE 9:14

Khrista thisan, Pathian kiang ah mêlhemna umlo, kumtuang Thagau jal ah kilân chun, nasep thisa ah kipat chun, a sia leh pha hetnau chu Pathian hing nasem dingin, bang gual bep in a hithiangtho zaw ta bep diam!

HEBRAITE 9:26

Chuti hiloleh, khawvel kisiam tîl ah kipat tam veipi thuak ta ding ahi’n; himaleh, hun tawp lam ah hin gitlo sukmanna dingin ama ngei chu khatvei thu’n a hung kipe ta ahi.

HEBRAITE 9:28

Ziaziakchun, Khrista chu mi tam tak gitlona ziakin khatvei piak in a um ta’n; a niveina’n gitlo paw ding hitalo in, ama a la ngâkte hukdam dingin hung kilang kit ding ahi.

JAKOB 5:6

Midik chu thiamlo chansak in, la that un; ama’n la a hun do pua’n.

1 PETER 3:19

Zia chun suangkul ah um thagaute kiang in thu a vagen a,

1 PETER 4:1

Chutichun, Khrista chun taksa ah a thok ziakin, nanghaw le zia gual lungthim ah chun kivan un; (taksa’ thuak ta chun gitlo a haisan tangal a.)

1 PETER 4:6

Ziaziak hin ahi, tu’ ah thisate kiang ah chanchinpha a la gen uh, taksa ah um mihingte gual ah vaihawm in a um ua, thagau ah vang Pathian gual ah a hintheina ding un.

1 JOHAN 1:9

I gitlonau thupha I choi uh chun, I gitlonateu ngaidam ding leh, I dik lona zosiau silthiang dingin ama chu a ginum in a dik hi.