1 PETER 3:12 - PATHIAN LEKHABU THIANGTHO (BSI)

¹² Lalpa mit chu midikte chung in a chu sek in, a nakhang le a pauchapna lam un a daw sek hi; ahi’n la, Lalpa mêl chu thil hi’khialte chu, a do sek hi,” ti ahi ngal a.

1 PETER 3:12 ပူးပေါင်းရင်းမြစ်များ

2 KHANGTHU 16:9

Ama ah lungthim dik tak nga zosiate hihat dingin, Lalpa mit chun khawvel pumpi a mu suak hi. Ngolhuai tak in zia gual hin la bawl ta mai hi; tu’kipat hin gâl do pan ta ding la hi,” ti’n a vagen a.

2 KHANGTHU 7:15

Zia mun ah pauchapnate chu mu dingin ka mit hak ing ka tin, ka bil a la daw ding ka hi.

SAM 11:4

Lalpa chu a tempul thiangtho in a um a, Lalpa lalchutpha chu van ah a um hi. Mihing chate a mit in a entha zing in, a patep zing hi.

SAM 33:18

Lalpa mit chu ama kichate chung in a chu sek ah, a ngilneina’ ki-ngate leh,

SAM 65:2

Aw, pauchapna ngaithapa! La kiang ah mi zosia hung tau hen.

SAM 80:16

Mêlmate’n mei in a hâl un, a phûk tau hi; amau chu la mêl ah la vauna ziakin, hi’mangthai hitau hen.

THUPILTE 15:29

Lalpa chu migilote ah kipat gamla tak in a um in; midikte pauchapna chu vang a ngaitha zing hi.

THUPILTE 15:3

Lalpa mit chu mun tin in a um a, mipha leh phalo a entha zing hi.

THUPILTE 15:8

Mi nunsia kithoina chu Lalpa ki’dak lam tak ahi’n; mi lamzang pauchapna vang, a kipakna lam tak ahi.

JEREMIAH 21:10

A phatna ding uh hilo, a siatna lam ngen un, zia khawpi chung ah hin ka mit ka têt mai ahi tai, Lalpa‘n a tii. Babulon lengpa khut ah piak hita’n tin, ama’n mei in hâl tum ta’n a.

JEREMIAH 39:12

“Pui inla, pha tak in enkol inla, a chung ah bangma a phalo bawl kin; ama’n a hun dot gual gual in bawl piak ziang in,” ti in.

EZEKIEL 15:7

Amau do in a lam uh nga’ng ka tin; meikuang lak ah suakcha maleu, meikuang dang in kâng tum intin; amau do ding ah a lam uh ka ngat phat leh, Kei hi Lalpa chu ka hi ti he ta’n lau.

THIAMPUTE LEKHABU 17:10

Kuale, Israel Inkuan lak ah mi a hem, gam dang mi la lak ua chêng a hem in, thisan a nêk khak chun, zia mihing chu do ing ka tin, ama chu a mite lak ah kipat in paitha ding ka hi.

THIAMPUTE LEKHABU 20:3

Zia mihing chu ângngat in do ding ka hi; ka min thiangtho hi’buak ding leh ka mun thiangtho subuak ding ah a chisuan lak ah mi Molekh ho’na ding ah a piak ziakin, a chipite lak ah kipat in ama chu nawdok ding ka hi.

THIAMPUTE LEKHABU 20:6

Dawithiam lam ah kihei leh bum thiam zui ah thanghuaite chu do dingin ângngat ing ka tin; a chipite lak ah kipat paitha ding ka hi.

THIAMPUTE LEKHABU 26:17

Nang uh do dingin ka mai le’hei ing ka tin, la mêlmateu thâgam in hung um in lau: La mêlmateu in la chung un vaihawm intiu in, kuama del lo inle jam in lau.

ZEKARIAH 4:10

Kuale, thil neucha nite musit taphot chu hung kipak intin; Zerubbabel khut ah etdikna um chu a la mu ngei in au. Zia mit pasagite hi Lalpa mit, kawlkil zosia mu suak chu a hi, a ti’n.

JOHAN 9:31

Pathian in migilo thu a ngai pua’n; ahi’n la, kua’nle Pathian a ho ah, a doigual a bawl chun a ngaithâk piak sek hi.

DAN LEKHABU 11:12

Lalpa la Pathian un a ngaisakna gam ahi. Lalpa la Pathian un kum bul ah kipat kum tawp tiang in, a mit ah a etthâk zingna gam chu ahi.

JAKOB 5:16

Chutichun, sukdam ah la umtheina ding un, la gitlonateu thupha kichawi tuau in la, kipauchaptua piak un. Midik pauchapna chun thil ahi’thei ah, a phachuam hi.