1 PETER 2:9 - PATHIAN LEKHABU THIANGTHO (BSI)

⁹ Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi:

1 PETER 2:9 ပူးပေါင်းရင်းမြစ်များ

SAM 106:5

la mi doichuamte vangphatna chu ka muu ah, la chite kipakna chu ka limpi ah, la gochante chu ka kisuanpi theina dingin.

SAM 118:27

Lalpa chu Pathian ahi’n, vâk ei hun pia tai. Thingbâkte chawi kawm in kût mang pan unla, mâichâm ningzumte chu hual vel tau in.

SAM 135:4

Lalpa‘n Jakob chu ama â ding bîk in a kitêl ta hen, Israel hi a gochan dingin a kitêl ta ngal a.

SAM 22:30

Khangthakte’n a na sêm intiu in; khangthak hung um dingte chu, Lalpa chanchin a la hilsawn intiu in,

SAM 33:12

Lalpa chu Pathian ah nei nam chu mi hampha a hiu; ama go ding ah têlte ngei chu.

SAM 73:15

“Zia gual chun gen mai ‘ka,” a la ti hileng chu, la chate um ding gual ah um, hita lo ding ka hi’ngal a.

ISAI 26:2

A ginnau vopdet zing mifelte chu a luttheina ding un, kul kotkhakte chu hong un.

ISAI 41:8

Himaleh, nang Israel ka nasempa, ka gualpa Abraham suante lak ah ka têlchuam nang Jakob,

ISAI 42:16

Mitthûm chu lamlian hetkhaklo’na kaibât ing ka tin, a lampi hetkhâk lonau ah chun pui huai ding ka hi. A ma-âng ua thimna zosia vaksak ing ka tin, lampi phot lek luk chu hi’nâm piak ding ka hi. Zia thilte chu bawl piak ding ka hiziak in, amau chu nusia lo ding ka hi.

ISAI 44:1

Tu’hin, aw Jakob ka suakpa, Israel, ka mi têlchuam chun zia hi ngai un!

ISAI 61:6

nanghaw chu vang Lalpa thiampute ti’n um in la tin uh, I Pathian uh nasêmtute min vua in um in lau; namtin hausakna chên in la tin uh, a neinungnau chu kisuanpi ta’n lau.

ISAI 62:12

Tichun, amau chu Mipi Thiangtho leh, Lalpa Tatdawsate, hun ti ta’n tiu in; chuleh, nang chule khawpi nutsia hilo in, “Hawldaw ah um” ti hung hita’n la.

ISAI 66:21

Tichun, a lak ua khenkhatte chu thiampu ah pang dingte leh, Levi chi dingte in hun têldok ing ka, Lalpa chun a tii.

ISAI 9:2

Thim nuai ah chiate’n vâk nasa tak a mu tau; thimpi’n a jinkhumna gam ah chêngte chung ah chun, vâk a hung suak tai.

MALAKI 3:17

Sepai honte Lalpa chun, amau chu kei â hi’n tiu in, thil ka hun bawl ni phat leh amau chu ka gochan bîkte hi’n tiu in; min a na sep piak a chapa a duat gual un, amau chu hawi ding ka hi.

MATTHAI 4:16

‘Thim nuai ah chu te chun vâk lopi tak chu a mu tau in, thina lîm guam ah chu te chung ah chun, vâk a hung suakdok tai,’ tia a gen kha a hung guitun theina dingin”.

MATTHAI 5:16

Zia gual ma chun, la vâk uh chu mite mit mu in vâk ta hen; tichun, la thil hi’phatteu chu mu’n, van ah la pau chu chawihoi thei in au.

LUKA 1:79

thim lak leh thina lim nuai ah a la chute, salvâk ding leh thamuanna lampi lam ah, I kengteu pui dingin,” a tia.

JOHAN 17:19

Amau hawle thutak ah hi’thiantho a hitheina ding un, amau ziakin keima le ka kihi’thiangtho tai.

NASEPTE 20:28

Pathian kochuamte, a chapa thisan ah a leisate chu vâk dingin, nanghaw leh la gan-gualteu chung ah chun chingthei un; Thagau Thiangtho in amau haw chu entup ding ah a hun koite chu la hingal un.

NASEPTE 26:18

a mit uh hi’vâk ding leh, thim lak ah kipat vâk ah pui lût ding leh, Setan thilhitheina kipat Pathian lam ah pui ding leh, a gitlonau ngaidam a hung hiu ah, keima ah um ginna sukthian ah umte tawh golua ding ah pui dingin, ti’n ei hun dawnhu a.

NASEPTE 26:28

Agrippa chun Paul kiang in: “Hun sawt lo cha sung ah Khristian ei hi’sak ding gua la hi maw?” a tia.

ROMTE 9:24

Judate lak ah kipat bep hilo in, Jentelte ah kipat leh kodawsa eihaw â ding inle a la bawl hitaleh, bangti ding a hem?

1 KORINTH 3:17

Kua’nle Pathian chênna In chu a suksiat chun, ama chu Pathian inle susia ding ahi. Pathian chênna In chu a thiangtho ah, zia In chu nangmau la hiu hi.

EPHESA 1:14

Zia chu ama lopina pâkna ding ah a chawksa, ama â te ngei tatdawna chu a bukim masang sia, ama golua dingte khâmlawkna chu ahi.

EPHESA 1:6

A hepina chun ama’n ei la lut ah, zia a hepina lopi chu I chawihoina ding un.

EPHESA 3:21

suan zosia tiang in, kochuamte leh Khrista Jesu ah chun kumtuang in lopina um ta hen. Amen!

DAN LEKHABU 10:15

la pu leh pateu bep hepi ah, tu’ni ah nanghaw amau suan leh pâkte hi ama â ding liau liau ah, khawvel ah nam zosia lak ah kipat hun têlchuam chu Lalpa lung lam ahi bep hi.

DAN LEKHABU 14:2

Lalpa la Pathian â dingin mithiangtho la hi’ngâl ua; khawvel ah nam zosia lak ah kipat Lalpa‘n a gochan leh ama â ding bîk ah a hun têlchuam la hiu.

DAN LEKHABU 18:2

ahi’n la, a chipite lak ah kipat gochan bangma a neilo ding uh ahi; a kiang ua a la tiam dungzui in, Lalpa chu a chanvo uh hi ta’n a.

DAN LEKHABU 4:20

Himaleh, tu’ni hun ah Lalpa golua mite la hi gual ua la hung um theina ding un, ama’n thîk haltuina lak ah kipat, Aiguptate khut ah kipat ngei khan a hun hukdok la hiu kha.

DAN LEKHABU 7:6

Lalpa la Pathian uh â dingin nam thiangtho la hiu ah; Lalpa la Pathian uh gochan bîk leh a mipi hi ding ah khawvel nam zosia lak ah kipat a kitêl chuamte la hi’ngâl un.

PHILIPPI 3:14

Khrista Jesu ah, van lam ah Pathian kona sâng tak kipakman chu mu dingin kung lam chu ka del ham ham ahi.

KOLOSSA 1:13

Ama chun thim thuneina lak ah kipat ei hukdok in, a chapa doichuam gam ah chun ei lângkâi tai;

2 TIMOTHI 1:9

Ama chun I thilhite dungzui hilo in, ama thiltup leh a hepina dungzui in ei hukhing in, kona thiangtho in ei ko a. Zia hepina chu khawvel kisiam ma ah, Khrista Jesu ah ei piak a hita’n;

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

1 PETER 1:2

thu mang ding leh, Jesu Khrista thisan thêkhum ding ah Thagau in a sukthian, Pa Pathian hetlawk gual ah têlte kiang ah, la chung un hepina leh chamna um ta hen.

1 PETER 2:5

nang uh le suang hingte gual in, thagau lam In ah lepto la hiu ah, Jesu Khrista ziakin Pathian kipakna lam, thagau lam kithoina lân ding ah thiampu thiangthote la hung hitheina ding un.

1 PETER 4:11

Kua’n le thu a gen chun, Pathian thute gual in gen hen; kua’n le na a sep chun, Pathian in hatna a piak gual jel in sêm hen; tichun, Jesu Khrista ziakin Pathian chu bangkim ah chawihoi in um thei in a. Lopina leh vaihawmna chu kumtuang in ama â ahi ngal a.

THUPUAN 1:6

Chuleh, ei hepi ah, gitlona kipat a thisan in ei tandok ta’n, a Pa leh a Pathian lam ah lal leh thiampu ei siampa kiang ah chun, lopina leh thuneinate kumtuang in um ta hen.

THUPUAN 20:6

Thawkitna masa pangte chu a thiangtho un, a hamphau hi; amau chung in thi ni’na chun thu a nei ta puai; ahi’n, Pathian leh Khrista thiampute hi’n tiu in, ama tawh kum sang khat vaihawm khawm ta’n au.

THUPUAN 5:10

Pathian lam ah lal leh thiampu’n la siam a; lei chung ah vaihawm dingte a hitau hi,” ti in.

1 SAMUEL 12:22

A ziak chu, Lalpa‘n amin lopi tak ziak ah chun a mipite pâmpai ziang lo ding ahi, a ziak chu, Lalpa‘n a lung lam hi ding in a mipite hi a siam ahi.