1 PETER 2:24 - PATHIAN LEKHABU THIANGTHO (BSI)

²⁴ Gitlona thi’san ah, dikna ah I hin zawk theina ding un, ama ngei chun kros ah khan a taksa ah chun I gitlonateu a paw tai. Ama beliamte ziak ah sukdam in la um tau ahi.

1 PETER 2:24 ပူးပေါင်းရင်းမြစ်များ

THILSIAM THU 22:6

Abraham chun hâlmang thillatna matchâk ding thing chu a la’n, a chapa Isak chu a putsak ah; ama chun mei tawh chemcha chawi in, a kiton pek tau a.

SAM 147:3

Thinlung thasete a sudam ah, a liamnateu a tuam piak hi.

SAM 38:4

Ka mantheilona hin ka puak zaw gual lo, puak gik gual in, ka lujang a del ket kût hi.

PAWTDAWNA THU 28:38

Zia chu Aron chalpâng ah um intin, Israel chate thilpiak thiangtho zosia ah diklona um taphot chu Aron in a maw a puak ding ahi; zia chu Lalpa âng ah pawm tâk a hitheina dingin a chalpâng ah chun a um zing ding ahi.

THUPILTE 20:30

Beliam hial ah vokna chun hi’khialna a sil thiang hen; vokna chun sunggil lam tiang in a sil thiang sek hi.

ISAI 53:11

A thokgimna kipat in vâk mu’n a; a hetna ziakin lungkimna nei ta’n a. Mi diktat, ka nasêmpa chun, mi tam tak diktatsak intin, a dukdaklo’nau zosia ama’n paw ta’n a.

THIAMPUTE LEKHABU 16:22

Kelcha chun mi umlona gamthip ah chun a gitlona zosiau pawmang intin; gamthip ah chun a tha’suak ding ahi.

THIAMPUTE LEKHABU 22:9

Ka thupiak hi a vop ding uh ahi; tichun, ka Mun Thiangtho hi hi’buak ah, thiamlo chang ah a thi lona ding un; Keima hi amau hi’thiangthopa Lalpa chu ka hi.

MALAKI 4:2

Himaleh, nang uh ka min laute chung in vang dikna nisa tawh a thalîm ah sukdamna hung suak in a. Bawng In ah bawngno kichawm gual in kichawm dok ta’n lau.

KISIMNA LEKHABU 18:22

tu’ kipat hin Israelte’n kikhopna biakbûk a hun nai lo ding uh ahi; achutiloleh, sual mawpua’n thi mai ding a hiu.

MATTHAI 27:26

Ziaphatchun, Barabba chu a hun thâdaw piak ah, Jesu chu a vok zaw phatin khetden dingin a hun pedok tai.

MATTHAI 5:20

Ka hil la hiu, Pharisaite leh Lekhazikte felna hi la khûp lo ua leh, van-gam chu lut lo hial ding la hiu.

MATTHAI 8:17

“Ama ngei in I hatlonateu ei lakmang piak in, I natnateu a paw tai,” ti ah jawlnei Isai in a gen kha a guitunna ahi.

MARKA 15:15

Pilat chun mipi suklungawi a nuam a; tichun, Barabba chu a thâdok ah, Jesu chu a jep ah, khetden dingin a pedok tai.

LUKA 4:18

“Liangvaite kiang ah chanchinpha gen ding ah ei guat ziakin, Lalpa Thagau chu ka chung in a um hi. Ama chun saltângte kiang ah pawtdawna thu leh, mitthûmte kiang ah mitvakna nei kitna dingte, tawden ah umte thâdok ding leh,

JOHAN 1:29

A jing ah chun Johan chun, Jesu ama kiang lam zuan ah hung chu a mu phât in, “En tiam un Pathian Belamno, khawvel gitlo pawmangpa saw!

JOHAN 19:1

Pilat in Jesu chu a pui ah, a jep a.

NASEPTE 10:35

namtin lak ah ama lau ah, dik tak ah a na sêm taphot chu a dawi hi ti ka hechian tai.

NASEPTE 10:39

Judea gam leh Jerusalem ah a nasep phat dan hiatpite chu kei uh ka hiu. Ama chu thing ah khaikâng in a that tau a;

NASEPTE 13:29

A chung thu a la kiziksa zosia a hun sukbukim phat un, thing ah kipat chun a lathau ah, thân pakhat in a vui tau hi.

NASEPTE 5:30

Jesu, thinglêk ah la khaikâng ua la thau kha, I pu leh pateu Pathian in a kaitho tai.

ROMTE 6:11

Zia gual ma chun, nang hawle gitlo lam thu ah chun a thisa’n kingai un; chuleh, I Lalpau Jesu Khrista jal ah chun, Pathian lam ah hing in kingai un.

ROMTE 6:13

Chuleh, la taksa bakteu hile gitlo lam ah dik lona matchâk dingin pia phal kiu inla; thina kipat hing kit gual in, Pathian lam ah dikna matchâk dingin pia phal zaw tau in.

ROMTE 6:16

Kua kiang ah le a thu mang ding ah a suak ah la lut ua leh, thina khop ah gitlona suak a hem, dikna lam ah thu matna suak a hem, a thu la mat pen uh suak chu la hiu ti la hepuau em?

ROMTE 6:2

Hinaisai lo e! Ei uh gitlona thi’san tate hi, bangti’n gitlo ah hing zing thei nalai ding I hiu em?

ROMTE 6:22

Tu’hin vang chu gitlo ah kipat pawt in, Pathian suakte la hung hiu hin, phatchuamna la muu chu sukthianthona ahi; zia tawpna chu kumtuang ah hinna ahi.

ROMTE 6:7

A thi taphot chu gitlona ah kipat suakcha ahi tai.

ROMTE 7:6

Himaleh, tu’hin chu Thagau ah hinna thak nuai ah suakte I hi zawk theina ding ua ei tutâng pen ah kipat thi ta in, lekha zik lui gual bep hilo in, Dan ah kipat in thâdaw in I um tau hi.

1 KORINTH 15:3

Keima’n ka la mu chu thil poimaw masa pen gual in ka hun hilsawn la hiu, Khrista chu Pathian Lekha thu gen gual in, I gitlo ziak un a hung thi ta’n,

2 KORINTH 6:17

Ziaziakchun, a lak ua kipat hung pawt unla, a chuam in um un, Lalpa‘n a tii. Thilbuak him him khoi kiu in, chutichun, hun lop ta’ng ka tin;

GALATIA 3:13

Khrista chu I thasang un hânsedawl a hung hi’n, dan hânsia lak ah kipat chun ei tandok tai: “Thing ah khaikâng ah um tapo chu hânsia dong a hi,” ti zik ahi ngal a.

EPHESA 5:9

Thagau ga chu phatna zosia leh dikna leh thutak ahi ngal a.

PHILIPPI 1:11

Pathian lopina leh choihoina ding ah, Jesu Khrista vang ah hung um, dikna gate chu la sua theina ding un.

KOLOSSA 2:14

Batna lekha, thupiak ah kizik, I chung ua um zing, ei kãl sek chu a nuaimang tangal a; zia ngei chu kros ah kilden in a hi’bei tai.

KOLOSSA 2:20

Khawvel thubulte chu Khrista kiang ah la thisan ua leh, bangatia khawvel ah hing nalai gual ah thupiakte ah chu kipelut kit la hiu em?

KOLOSSA 3:3

La thi tau ah, la hinnau chu Pathian ah chun Khrista tawh sêlgûk in a um tai.

HEBRAITE 10:10

A dawi gual ah chun, Jesu Khrista taksa khatvei thu ah a kilat zaw tâk ziakin sukthian in I um tau hi.

HEBRAITE 10:5

Ziaziakchun, khawvel ah Khrista a hung khan, “Kithoina leh thillatte la dawi pua’n, kei â dingin taksa lei guat piak zaw ta’n;

HEBRAITE 12:13

kengbaite kiloisak lo ah, hi’dam ahi’na ding un, la kengteu â dingin lamzang kisiam un.

HEBRAITE 7:26

Tichun, thiampu lianpen, thiangtho, poikhoi lo, buakna neilo, migilote ah kipat um chuam, vante sâng ah chungnung zaw ah siam, I mamawteu â ding ah hun tawk I nei uh chu a kilawm him ta ahi.

HEBRAITE 9:28

Ziaziakchun, Khrista chu mi tam tak gitlona ziakin khatvei piak in a um ta’n; a niveina’n gitlo paw ding hitalo in, ama a la ngâkte hukdam dingin hung kilang kit ding ahi.

JAKOB 5:16

Chutichun, sukdam ah la umtheina ding un, la gitlonateu thupha kichawi tuau in la, kipauchaptua piak un. Midik pauchapna chun thil ahi’thei ah, a phachuam hi.

1 JOHAN 2:29

Ama chu midik ahi ti la het ua leh, kuale dik tak ah thilhi tapo chu ama ah piang ahi ti hechian thei in lau.

1 JOHAN 3:7

Naute haw, kuama’n hun thêm zo kiu hen. Thil dik bawl taphot chu ama a dik gual in, midik a hiu.

THUPUAN 22:2

Khawpi khawlai vêl leh zia luigâl langtua gêl ah chun, hinna thing a kiphu ah, ga chi sawm leh ni in tha si’n in a ga ah; a duate chu nam tinte damna ding ahi.