1 PETER 2:22 - PATHIAN LEKHABU THIANGTHO (BSI)

²² “Ama chun thil a hi’khial him him pua’n, a kam ah le juauthepna a um puai”.

1 PETER 2:22 ပူးပေါင်းရင်းမြစ်များ

SAM 34:13

La lei gitlona lak in vengpha’n la, la mûk chule thepna thu gen lo dingin huktup in.

ISAI 53:9

Ama’n kuama thuk lo in, a kam ah zuau thu gen lo maleh, mi nunsiate tawh vui khawm in a um in, mi hausa thân ah vui in a um hi.

MATTHAI 27:19

Chun, vaihawmna chutpha a chut lai in, a ji chun, “Zia midik chung ah khan bangma hi’kin, tu’ni hin ama ziakin ka mang in thil tam tak ka thuak ahi,” ti’n mi a hun vaithâk a.

MATTHAI 27:4

“Mawna neilo thisan ka matsak ziak ah hin thil ka hikhial tai,” a tia. Amau chun, “Zia chu kei un bang ding ka tiu em? Nang in la law law kilaw ta’n,” a tiu a.

LUKA 23:41

ei hi vang I chan ding him ahi’n, I thilhi man chu I mu ahi; ama hin vang bangma a hi’khial puai,” a tia.

LUKA 23:47

Sepai zahotu chun thil umdan chu a mu phât in, “Zia mi hi midik tak a la hi ngei hi,” ti’n, Pathian a chawihoi tai.

JOHAN 1:47

Jesu’n a kiang lam zuan ah Nathanael hung chu a la mu in, a chung thu a la gen a, “En tiam un, Israel mi tak, zuauthepna neilo mi saw!” a tia.

JOHAN 8:46

Migilo ka hi’na genchian thei la um awm? Thu tak gen ka hileh bangatia ei gingcha lo la hiu em?

2 KORINTH 5:21

Ama ah chun Pathian dikna I hi’theina ding un, gitlo him him helo chu Pathian in ei uh ziak in gilo in a siam tai.

HEBRAITE 4:15

Thiampu lianpen, I hatlonateu ei hetpi phâk lo nei I hipuau ah, eihaw gual ah patepna tincheng a la tuak ta maleh, gitlona a la neilo chu nei I hizawu hi.

HEBRAITE 9:28

Ziaziakchun, Khrista chu mi tam tak gitlona ziakin khatvei piak in a um ta’n; a niveina’n gitlo paw ding hitalo in, ama a la ngâkte hukdam dingin hung kilang kit ding ahi.

1 JOHAN 2:1

Ka chate haw, thil la hi’khial lona ding un zia thilte hi ka hun zik ahi. Ahi’n la, kua’n le thil a hi’khial chun, Pa kiang ah ei gen piak ding Jesu Khrista midik chu I nei ui.

1 JOHAN 3:5

Ama chu gitlona la mang dingin a hung kilang a; chuleh, ama ah chun gitlona a um puai, ti la hiau hi.

THUPUAN 14:5

A kam ua pat chun juau a pawt pua’n, demna bei a hiu.