1 PETER 2:17 - PATHIAN LEKHABU THIANGTHO (BSI)

¹⁷ Mi zosia ja unla, gingtu suapite chu hepi un. Pathian lau unla, Lengpa chu ja tau in.

1 PETER 2:17 ပူးပေါင်းရင်းမြစ်များ

THILSIAM THU 20:11

Abraham in, “Zia khua hin Pathian launa um paw ngei intin, ka ji ziak ah hin ei that kha’n au ti ka lau ziakin ka la gen ahi:

THILSIAM THU 22:12

Ama’n, “Naupang chung ah khan la khut tha kin la, ama kha bangma law diak kin; la chapa neisun lei piak ding la îtchâk lo ziakin Pathian la lau hi ti tu’hin ka hechian tai,” a hun tia.

THILSIAM THU 42:18

A nithum ni chun Joseph in a kiang un, “Zia gual hin bawl leu chin hing in lau, Pathian ka lau ngal in:

1 KHANGTHU 29:20

Ziaphatchun, David chun mipi kikhawm te kiang ah chun, “Lalpa la Pathian uh chu chawihoi chiat tau in,” a tia. Tichun, mipi kikhawm zosia chun Lalpa, a suantu bulteu Pathian chu chawihoi in, Lalpa leh lengpa ma-âng ah khiangkho leh bokkhup in chibai a bûk tau hi.

SAM 111:10

Lalpa launa chu pilna bul ahi; zia mangcha taphot chun hetthiamna pha a nei ui. Ama pâkna chun kumtuang a dai hi!

PAWTDAWNA THU 20:12

La nu leh la pa ja in; chutileh, Lalpa la Pathian in a hun piak gam ah hin la dam sung nikhua a sawt theina dingin.

THUPILTE 1:7

Lalpa launa hi hetna bul ahi’n, mingolte chun pilna leh, hilna thu a ngainêp sek ui.

THUPILTE 23:17

Mi gilote chu êng him him kin la, Lalpa chu lau zing zaw’n.

THUPILTE 24:21

Ka cha, Lalpa leh lengpa chu lau inla, a kua zawk thu chule nial kin;

THUGENTU 8:2

La thutiam um ziakin lengpa thu chu zawm in.

THIAMPUTE LEKHABU 19:32

Têksete leh la sâng ah upa zaw te la jabawl ah, la Pathian la lau ding ahi: Keima hi Lalpa chu ka hi.

ZEKARIAH 11:14

Ziaphatchun, ka tiang pakhat, Kipumkhatna kiti chule ka thiakbong ah, Judah leh Israel ki-unauna dan chu ka tham tai.

MATTHAI 22:21

Amau chun, Kaisar, a tiu a. Ziaphatchun, a kiang un, “Kaisar thilte chu Kaisar kiang in piau inla, Pathian thilte chu Pathian kiang in pia tau in,” a tia.

JOHAN 13:35

La kihepiu chun mi zosia’n ka nungzuite la hiu ti hun hethei ta’n au,” a tia.

ROMTE 12:10

Unau kihepina tak tak chu nei in, nunnem tak in kingaina tua chiat unla; kijatua dan thiam tak in um khawm chiat tau in;

ROMTE 13:7

Mi zosia kiang in piak ding chu pia mai un; leiman piakna ding ah chun leiman piau inla; Sia piakna ding ah Sia piau inla, kichâk ding chu kichâu inla, ja ding dawl chu ja tau in.

2 KORINTH 7:1

Suapi doitakte haw, zia thutiamte chu I nei ziak un, taksa leh thagau kisukbuakna zosia chu kisuthiangtho in, Pathian lau in thianthona ah bukim in um hitiu.

EPHESA 5:21

Khrista la jana ziak un, nanghaw le kilutcha tua chiat un.

PHILIPPI 2:3

Kikhenna ding a hem, kilopisakna ziak a hem ah bangma bawl lo in, mi zosia’n kingaitawm tak in, ama sâng ah mi dang phazaw’n guat chiat uh hen.

1 TIMOTHI 6:1

Pathian min leh thuhilna thu chu gensiat ah a um lona ding in, suak ngawngkol bât tapo in a puteu chiat chu jabawl tâk in ngai uh hen.

HEBRAITE 13:1

Kihepi tua zing un.

1 PETER 1:22

Thutak mat ziak ah la hinnau la sukthiantho tâk ziak un, kihepituana dik tak la nei thei tau a; lunggil tak in kihepitua chiat tau in.

1 PETER 2:13

Lalpa min in mihing kivai hawmnate chun kitulut un, vaihawmtu lianpen Lengpa kiang ah hihen la,

1 PETER 5:5

Zia gual ma chun, khangdawng nalaite haw, upate nuai ah kitulut un. Ahi, la leng un na kiseptua piak chiat dingin thunuaigolna’n kivan unla: “Pathian in kiletsakte chu a dodâl in, kingaitawmte vang hepina a pesek hi,” ti ahi ngal a.

1 SAMUEL 15:30

Ziaphatchun, Saul in, “Ka la gilo tai; himaleh, ka mipite leh upate ma-âng ah hin ja’ngai inla, Lalpa la Pathian ka biak theina dingin ei chiapi kit in,” ti’n a gen a.