1 PETER 2:12 - PATHIAN LEKHABU THIANGTHO (BSI)

¹² Jentelte lak in mêlpha tak in um un; chutichun, hi’khelna nei gual in hun gensia maleu, kanthâkna ni phat leh la thilbawl phat uh a mu ziak un, Pathian chawihoi in au.

1 PETER 2:12 ပူးပေါင်းရင်းမြစ်များ

SAM 37:14

Gentheite leh tasamte nuaisia ding leh, dik tak ah umte that dingin, mi nunsiate chun a chemjam uh jukdok in, a thalpiu a lawi un;

SAM 50:23

Kuale kipak thu genna kithoina hun lân tapo in ei chawihoi sek un; lam dik zui tapote kiang in, Pathian hukdamna musak ing ka’ ” a tii.

ISAI 10:3

Gawtna la hun tuak phat uh leh, gamla tak ah siatna chu, la chung ua a hung tun phat leh, bang la law ta diam? Pani’na hawl ah kua kiangah chia in, la hausatna kua kiangah nusia in,

DANIAL 6:4

Tichun, a seppi te’ni leh gambung tin ah vaihawm pawlte chun, lenggam thu ah Danial demna ding a hawl tau a. Himaleh, ama chu mi ginum, sep leh bawl bangkim ah diktat leh thiangtho ahiziak in, a demna ding leh hêkna ding a mu zo puau a.

MATTHAI 10:25

Nungzui chu a hotu gual ah a hung um ah, suak le a pu gual ah a hung um leh hun tawk ahi. Insung khat ah a luchang pen bawn Belzebul a tiu leh, a Insung mite chu tina lawm lawm in au e!

MATTHAI 5:11

Keima ziak ah min a hun hosiat ua, a hun sukgenthei ua, juau ah thu phalo zosia a hun hêk phat ua leh mi hampha la hiu.

MATTHAI 5:16

Zia gual ma chun, la vâk uh chu mite mit mu in vâk ta hen; tichun, la thil hi’phatteu chu mu’n, van ah la pau chu chawihoi thei in au.

MATTHAI 9:8

Mipite chun zia thil chu a mu phât un, lamdang a sau ah, mihingte kiang ah zia gual thuneina pepa Pathian chu a chawihoi tau hi.

LUKA 1:68

“Lalpa, Israelte Pathian chu pâk in um ta hen; ama chun a mite a hung kan tha’n, a hung tandok tangal in.

LUKA 19:44

Pathian in a hung kanthâk lai hun la het lo ziak un la huap sung ah la chate, nangma tawh leitual jepna’n hun mang intiu in; la huap sung ah suang kitiang him himle khêk pua’n au,” a tia.

LUKA 6:22

Mihing Chapa ziak ah a hun huat ua, a hun pâm pai ua, a hun hosiat ua, a hun sukminsiat phat ua leh mi hampha la hiu,

JOHAN 13:31

Ama a pawt daw nung in Jesu’n, “Tu’hin, Mihing Chapa hi choihoi in a um tai, ama ziakin Pathian le choihoi in a um hi.

NASEPTE 15:14

Jentelte lak ah ama min gingcha dingte a hung umtheina ding ah, Pathian in a doisakna thu Simeon in a la gen ta’n;

NASEPTE 24:13

Tu’ ei hêknau hile a chetna ding nei diak pua’n au.

NASEPTE 25:7

A hung tun phatin, Judate ama hêk ding ah hungte chu a kîmvêl in a hung ding ua; Jerusalem ah kipat hungte chun Paul chung thu ah hêkna tam tak a gen ua; ahiziak in, a genchetna tak tak ding a nei thei puau a.

NASEPTE 28:22

Himaleh, tu’hin, la ngaidan khenkhat hetnop um ka sau hi; zia pawlte chanchin hi a gensiatnau ka la hekha sek ngal un,” a tiu a.

ROMTE 12:17

Thil phalo chu thil phalo ma’n thuk kiu in. Mi zosia mit mu ah thil mêlpha chu hawl un.

ROMTE 13:13

Sûn ah khawsa gual ah pha tak in um hitiu; zudawn buai leh zukham ah umlo in, hûk leh kidoicha umlo in, kina’ leh kithangsia umlo in;

ROMTE 14:18

Kuale zia gual ah Khrista nasêm ah pangte chu Pathian pom tâk a hiu in, mihing pâkchâk le a law sek ui.

ROMTE 15:9

A jangaina ziak ah, Jentelte’n Pathian a chawihoi theina ding un. “Ziaziakchun, Jentelte lak ah chun, chawihoi ing ka tin, La min pâk in La sa’ng ka,” ti zik gual ah khan.

1 KORINTH 14:25

A lunggil ah thugûkte chu suklat ahi’phat leh, bokkhup in Pathian bia’n tin, “Pathian la lak un a um ngei hi,” ti’n puangjak ta’n a.

2 KORINTH 1:12

Ka lung sung ua sia leh pha hetna dungzui ah ka suan uh chu zia hi ahi: Khawvel ah mite leh nangmau kiang ah hizaw diak in, taksa lam pilna hilo ah, Pathian thianthona leh titakna chun ka tawi uh ahi.

2 KORINTH 13:7

Ahi’n, thil la sukkhial lona ding un Pathian kiang in ka don a; zia chu keihaw doi um ah ka lat theina ding uh hilo in, a pha taphot la hitheina ding uh ahi zawi, kei uh chu doilo gual in um ta leng uh le,

2 KORINTH 8:21

Lalpa mit mu bep ah hilo in, mihing mit mu ah le thilpha ding ka ngaituau hi.

EPHESA 2:3

Zia awilo chate lak ah chun ei hawle malai ah khan, taksa leh lungthim doigualte bawl in, I taksa nopnateu gual in I um chiat un; midangte gual tho ah lungnatna chate piang I la hiu in.

EPHESA 4:22

La nidang lai hindan uh, la mihing lui uh zuauthei leh hûkna ah pui mang ah umsa chu lîptha ding leh,

PHILIPPI 1:27

Banghitaleh, la umdan uh chu Khrista chanchinpha tawh kituak sak phot tau in; ka hung ah nang uh hung mu a hem, ahiloleh, ka umlo lai ah le thagau munkhat ah la dindet dan uh leh, lungthim munkhat nei ah chanchinpha ginna la pan dan uh chanchin ka hettheina ding in.

PHILIPPI 4:8

A tawp pen ah chun, suapite haw, a dik tapo, a za-um tapo, a fel tapo, a thiangtho tapo, a doi um tapo, a kithang mêlpha tapo, thil phazaw him him, pâkchâk ding him a um chun ziate chu ngaituau in.

1 THESSALONITE 4:12

Chutichun, pawlam ah mite mu in mêlpha’n la tiu in, bangma le tasam pua’n lau.

1 TIMOTHI 2:2

lengte leh thuneina sâng tak neite â dingin tawh: Tichun, Pathian ngaisak leh za tak ah, thamuang tak leh kicham dial ah vai a hawm theina ding un.

1 TIMOTHI 4:12

La khangdawng hi’na kuama’n hun musit ki’hen; himaleh, pau dan leh tawidan, hepina, ginna leh thianthonate ah chun gingtute etton dingin um zaw ta’n.

1 TIMOTHI 5:10

a nasep phate hetpi hita, chate vâk lian ta, zin leh lêng bawldan thiam, mithiangthote keng sil piak ta, liangvaite a la somdawl ta leh nasep pha zosia ah kipe zo mi ahi ding ahi.

HEBRAITE 13:18

Kei â dingin ei pauchap piak un; sia leh pha hetna thiang tak ka nei ui ti ka hechian un, bangkim in dik tak ah um ka guau hi.

HEBRAITE 13:5

La hindan uh chu ênna panglo hihen; la nei dan dan un lungawi unla; ama chun, “Hun thâtham pua’ng ka tin, hun nusia ngai pua’ng ka,” a tingal a.

JAKOB 3:13

La lak ua pil leh hethiam a um awm? Umdan pha tak ah la thil hi phatteu chu pilna ah kipat nunnemna tawh etsak un.

1 PETER 2:15

Thilpha bawl ah mingolte hetlona sukdai chu Pathian doilam ahi ngal a.

1 PETER 3:16

Nunnem leh ja um tak ah um in, sia leh pha hetna chîm tak nei unla, nang uh hun gensete’n Khrista ah la umdan uh phat ziakin mualpho in au.

1 PETER 4:11

Kua’n le thu a gen chun, Pathian thute gual in gen hen; kua’n le na a sep chun, Pathian in hatna a piak gual jel in sêm hen; tichun, Jesu Khrista ziakin Pathian chu bangkim ah chawihoi in um thei in a. Lopina leh vaihawmna chu kumtuang in ama â ahi ngal a.

2 PETER 3:11

Zia thilte zosia chu zia gual ah chun mangthai suak ding a hiu leh, umdan thiangtho leh Pathian ngaisakna lam ah bang gual mi la hiu em?

RUTH 3:14

Tichun, Ruth chu jingkal tiang in Boaz kengbul in a lum ta’n; Boaz in a kiang in, “Buphual ah numei khat a hung hi ti kuama’n he kiu hen,” a ti ziakin, mi mêl kihiat thei masang in Ruth chu a thodok tai.