1 PETER 1:4 - PATHIAN LEKHABU THIANGTHO (BSI)

⁴ Gochan setheilo, buak kâilo, chuai theilo, van ah nang uh â ding ah khêk ah um chu mu ding leh;

1 PETER 1:4 ပူးပေါင်းရင်းမြစ်များ

SAM 31:19

Aw nangma kichate â ding ah la phatna khol khawm, mi zosia mit mu ah nangma ah, ginna ngate â ding ah la bawl piak ding chu, a thupi na lawm lawm e!

SAM 47:4

Ama’n I golua ding uh ei têl piak in, a hepi Jakob in a la kisaktheipi gam chu.

ISAI 66:22

Tichun, lei thak leh van thak, ka siam dingte chu ka ma-âng ah, umzing ta ding a hiziak un; zia gual ma chun, la suan leh pâkte leh, la min chule umden ta’n a, Lalpa‘n a tii.

EZEKIEL 47:12

A lui pang tuak ah chun, nêk thei thing chitin um in a. A tui chu mun thiangtho ah hung luangdok ahiziak in, thingduate chu vuai ngai pua’n tin, a ga le hût ngai pua’n a; thasin in ga thak suang zing zaw’n au; chuleh, zia thing gate chu nêk ding leh a duate chu sukdamna ding hita’n a,” a ti tai.

MATTHAI 25:34

Ziaphat chuleh, Lengpa chun, a changlam ah umte kiang ah chun, hung un, nang haw ka Pa maljawlna changte haw, khawvel siam lim ah kipat nang uh â ding ah siam gam chu lua tau in;

MARKA 10:17

A kipatdok guat lai tak in, mi pakhat a hung tai ah, a ma-âng in a hung khupdin ah, a kiang in, “Hotupa pha, kumtuang hinna ka nei theina dingin bang ka hi diam?” a hung tia.

NASEPTE 20:32

Chuleh, tu’hin chu Pathian leh a hepina thu, a sukthianthote zosia lak ah hun siam piting thei leh golua ah hun siam ding, zia thu chu vopdet zing dingin ka hun kolsak la hiu.

NASEPTE 26:18

a mit uh hi’vâk ding leh, thim lak ah kipat vâk ah pui lût ding leh, Setan thilhitheina kipat Pathian lam ah pui ding leh, a gitlonau ngaidam a hung hiu ah, keima ah um ginna sukthian ah umte tawh golua ding ah pui dingin, ti’n ei hun dawnhu a.

ROMTE 8:17

chuleh, chate I hiu chun, golua dingte I hiu ah, Pathian golua ding, Khrista tawh golua khawm ding I hitau hi; ama lopina I chan khawm theina ding un, ama thokna le I thokpiu a ngai hi.

1 KORINTH 9:25

Gualsiak kidemna ah pang mi chu bangkim in a kithunun sek un; amau chun lallukhuk sethei mu dingin a bawl un, eihaw’n vang a setheilo mu dingin I pang uh ahi.

GALATIA 3:18

Golua ding chu dan ziak ahileh, thutiam ziak a la hita pua’n tin; himaleh, Pathian in thutiam ziakin ahi zawi, Abraham kiang ah a la piak chu.

EPHESA 1:11

Ama doidan leh lemguat dan ah thil zosia sêm in, a tup gual ah a guatlawkna chu, ama golua I hi’na ding uh ahi.

EPHESA 1:14

Zia chu ama lopina pâkna ding ah a chawksa, ama â te ngei tatdawna chu a bukim masang sia, ama golua dingte khâmlawkna chu ahi.

EPHESA 1:18

Chutia, la lungthim mitteu chu hi’vâk a hung hi ah, la hettheina ding un, ama kona kinepnate, mi thiangthote golua ding a lopi dante,

KOLOSSA 1:12

vâk ah mithiangthote goluapi ding ah hun siampa, Pa kiang ngei ah chun kipak thu gen un.

KOLOSSA 1:5

zia chu nang uh a ding ah kinepna, van ah koikhol ah a um ziak ahi. Zia kinepna chanchin ma chu tu’ma khan chanchinpha thutak thu la la he tau a.

KOLOSSA 3:24

La kipakman diu goluana chu chang ding la hiu ti la hiau a, Lalpa Khrista na chu la sêm uh ahi.

2 TIMOTHI 4:8

Tu’hin dikna lallukhuk chu kei â ding ah koisa’n a um ta’n, zia chu Lalpa, vaihawmpa dik tak chun zia ni chuleh ei pia ding ahi; kei kiang bep ah hilo in, a kilâkna ngâkte zosia kiang inle.

HEBRAITE 10:34

Kolbutte chu la lainat ua, van ah thil phazaw leh a um zing dingte la nei ui ti kihia’n, la thil uh a lâkpiak lai unle kipak tak in la thuak tau hi.

HEBRAITE 9:15

Ziaziakchun, ama chu thuthung thak palai a hung hita’n, thuthung masa nuai ah bawsiatnate kipat kote chun kumtuang goluana thutiam chu a chan theina ding un, a thina chun a tandok tai.

JAKOB 1:11

Nisa a hung suak ah, a satna’n loulai a hun kâng vuai ah; a pâkte chu a pultha’n, a hoinate chu a bei sek hi. Mihausa chule zia gual tho chun, hinkhua buaina lak ah a um zing lai un vuaitha ding a hiu.

1 PETER 3:9

Thil phalo chu thil phalo in leh, hosiatna chu hosiatna’n thuk kiu in, zia sâng ah chun, maljawl zawu in; zia gual ah chu maljawlna chang ding ah ko la hingal un.

1 PETER 5:4

Tichun, Belampu Lianpen a hung kilat phat leh, lopina lallukhuk chultheilo chu mu’n lau.

THUPUAN 21:27

Zia tak chun thilbuak hi’te lut pua’n tiu in, thil kidak um hi’te leh juautheite le lût diak pua’n au; Belamno Hinna Lekhabu min kikhumte bep lût in au.