1 PETER 1:3 - PATHIAN LEKHABU THIANGTHO (BSI)

³ I Lalpa Jesu Khrista Pathian leh, Pa chu pâk in um ta hen! Ama chun a hepina lopi tak in, mithi lak ah kipat Jesu Khrista thawkitna jal in, kinepna hing mu dingin hinna thak ei pia’n.

1 PETER 1:3 ပူးပေါင်းရင်းမြစ်များ

1 LENGTE 8:15

Zia gual hin a gen a: “Ka pa David kiang ah a kam ngei ah a la thutep zosia a khut ngei ah suguitungpa, Lalpa, Israelte Pathian chu maljawl in um ta hen!

1 KHANGTHU 29:20

Ziaphatchun, David chun mipi kikhawm te kiang ah chun, “Lalpa la Pathian uh chu chawihoi chiat tau in,” a tia. Tichun, mipi kikhawm zosia chun Lalpa, a suantu bulteu Pathian chu chawihoi in, Lalpa leh lengpa ma-âng ah khiangkho leh bokkhup in chibai a bûk tau hi.

2 KHANGTHU 31:8

Hezekiah tawh a miliante chun a hung mu phât un, Lalpa leh Israel mipite chu a maljawl tau a.

SAM 41:13

Lalpa, Israel Pathian chu, kumtuang ah kipat kumtuang tiang in, chawihoi in um ta hen. Amen, Amen.

SAM 86:15

Ahi’n, aw Lalpa, nang chu Pathian, lainatna dim leh, mi hepi thei, lungnem, ngilneina leh thu tak ah dim la hi.

SAM 86:5

Aw Lalpa, nang chu la pha’n, ngaidam pei, a ko tapote chung ah, ngilneina hau la hi’ngal a.

PAWTDAWNA THU 34:6

Chun, Lalpa’n a hun makhel ah: “Lalpa chu! Lalpa chu! Pathian, lainatna dim, mi khawtua thei tak, lung nêm tak chu; Ngilneina leh ginumna dim chu:

ISAI 26:19

La mithite chu hung hing kit intin uh, a luang damsau chu hung thodok kit in au. Aw nang uh, leivui chang zo sate haw, hung hal unla, kipak in La sa tau in! La daitui chu daichîm ahi’n, kum sawtpi a la thi tate chu, lei in hun hinsak kit in a.

JONAH 4:2

Lalpa kiang in a pauchap a: “Aw Lalpa, zia thu hi ka gam ua ka um lai ah kha ka gensa hilo a hem? Ziaziak hin ahi, Tarshish lam ah ka la jam mang kha: Nang hi lungsiatna dim Pathian leh ja’ngaina dim, lungna vak ziang lo, hepina danglam lo ah dim, mi gawt lo ding ah kisa zosa la hi ti ka la he ta’ngal a.

JOHAN 1:13

Ziate chu thisan a hin ahi puau in, taksa dawi gual ah hinle ahi diak puau in, mihing dawi dan ah hinle ahi diak puau a, Pathian hin ahi zawu hi.

ROMTE 12:12

Kinepna lam ah chun kipak tak ah um in; thokna lam ah chun thuakzo tak in; gunchu tak in pauchap zing un.

ROMTE 15:13

Thagau Thiangtho thilhitheina ziak ah, kinepna la hau theina ding un, kinepna Pathian chun la gin ziak un kipakna leh thamuanna’n hun hi’dim ta hen.

ROMTE 4:25

ama chu I gitlonau ziakin thâ in a um ah, thiam I channa ding un kaithaw in a um kit tai.

ROMTE 5:10

A mêlma I hi’lai a bawn, a Chapa thina ziak ah Pathian tawh kicham I la hi tâk uh chun, kicham a I um tâk nung uh hin, a hinna ziakin hukhin in um ngei hitiu.

ROMTE 8:11

Himaleh, mithi lak ah kipat Jesu kaithokitpa Thagau chu nangmau ah a um leh, mithi lak ah kipat Jesu kaithokitpa chun, nangmau ah um Thagau ah chun la taksau thithei chu hun hinsak kit in a.

ROMTE 8:24

Zia kinepna ziak ah hin hukdam I hiu hi. Himaleh, kinepna mu zing thei chu kinepna ahi puai; min a mutâk nung chu bangti’n kineppi nalai ding a hem?

1 KORINTH 13:13

Tu’hin, zia pathum: Ginna, kinepna leh hepinate hi a um zing un; ziate lak ah thupi pen chu hepina ahi.

1 KORINTH 15:20

Himaleh, Khrista chu thina kipat kaithaw in a la um ngei ah, a thisate thawkitna mapuipa ahi tai.

2 KORINTH 1:3

I Lalpau Jesu Khrista Pa, hepina Pa leh thamuanna zosia Pathian chu pâk in um ta hen.

GALATIA 6:16

Zia dan gual ah um tapote chung ah chun chamna leh jangaina um ta hen.

EPHESA 1:17

I Lalpau Jesu Khrista Pathian, lopina Pa chu, ama hetna lam thu ah, pilna leh hiatsakna thagau a piak theina dingin.

EPHESA 1:3

I Lalpau Jesu Khrista Pa leh Pathian chu pâk in um ta hen. Ama chun van mun ah te’n thagau lam maljawlna chitin in Khrista ah chun ei maljawl a,

EPHESA 1:7

A hepina hau dungzui in, a thisan ah tatna chu chang in, I gitlonateu ngaidamna chu I chang tau ahi.

EPHESA 2:4

Ahi’n la, Pathian chun, hepina a hau dungzui ah ei la hepi ziakin;

EPHESA 3:20

Tu’hin, eimau ah sêm sek thilhitheina gual in, I dot leh I ngaituana zosiau khêl ah lopi zaw ah hitheipa kiang ah chun,

KOLOSSA 1:23

van nuai khawvel thilsiam zosiate kiang ah kigen, la la het tâk uh thutiam kinepna chu, thasuak lo ah la tukdet zing theina ding un, a hung kipia ahi. Keima, Paul hi, zia chanchinpha nasem ding ah chu pang ka hi tai.

KOLOSSA 1:27

Lopina hung tung ding I kinepnau leh, zia thugûk a lopi dan tak sulangpa Khrista nangmau ah a chênna thu a lopi dan tak hi, Jentelte kiang ah gen lang dingin Pathian in ei guat tai.

1 THESSALONITE 1:3

I Pa Pathian leh Pa ma ah chun, ginna ziak ah la thilhi danteu, hepina ziak ah la sepgim danteu leh, I Lalpau Jesu Khrista ah kinepna ziak ah la thok-hatnateu chu ka hezing ui;

1 THESSALONITE 4:13

Himaleh, suapite haw, kinepna him neilo mite gual ah la lungkham lona ding un, ipmute umdan la hetlo uh ka dawi puau hi.

2 THESSALONITE 2:16

Tichun, I Lalpa Jesu Khrista ngei leh, Pathian I Pau, ei hepipa leh hepina ziak ah kumtuang ah thamuanna leh kinepna ei pepa chun,

1 TIMOTHI 1:14

I Lalpau hepina chu, Khrista Jesu ah um ginna leh hepina chun keima ah nasa tak in a dimlêt tai.

TITA 2:13

kinepna kipak um, I Pathian lopi tak leh Hukdampa Jesu Khrista kilâkna chu ngâk dingin ei hil a.

HEBRAITE 3:6

Himaleh, Khrista chu vang ama Insung in Chapa hi’ in a ginum hi; ama I muan ngamnau leh ama ah I kinepnau ah kipakna chu I tukdet zing ua leh ama Insung mite chu I hiu.

JAKOB 1:18

A thilsiamte lak ah ga masa I hung hi’theina ding un, ama doi gual sukbutinna’n, thutak ah chun ei hing tai.

1 PETER 1:13

Ziaziakchun, nasem dingin la lungthim uh kisazo unla, kisawizoi un; Jesu Khrista kilâk phat leh hepina hung tung ding chu lungthuai lo in kineppi zing un.

1 PETER 1:21

Ama jal in, mithi lak ah kipat kaithopa leh a lopina petu Pathian gingte chu la hitau ah; la ginnau leh kinepnau chu Pathian ah kinga ahi.

1 PETER 1:23

Mangthai ziang thei ding chi sethei lak ah hilo in, Pathian Thu hing zing leh um zing dungzui ah piangthak la hitau a:

1 PETER 2:2

Hukdamna la khanlet theina ding un, nausen piang limte gual in, thagau lam nawitui thiang chu ducha zing un;

1 PETER 3:15

la lunggil un Khrista chu Lal in koi un. Nangmau ah um kinepna chu min a hung dot ua leh, dawnhu thei ngal dingin, thunuaigol leh ja tak kawm in kisazo zing un.

1 PETER 3:21

Zia kibatpi baptisma chun, taksa buakna sukthianna bep hilo in, Pathian lam ah sia leh pha hetna sukthianna hizaw in, Jesu Khrista thawkitna ziakin tu’hin a hun hukhing tai.

1 PETER 3:5

Zia gual chun malai numei thiangtho Pathian gingte kha le, a pawsalteu thunuai ah um in a kichei zaw sek ui.

1 JOHAN 2:29

Ama chu midik ahi ti la het ua leh, kuale dik tak ah thilhi tapo chu ama ah piang ahi ti hechian thei in lau.

1 JOHAN 3:3

Kuale, zia kinepna nei taphot chu ama a thiantho gual in a kisuthiangtho sek ui.

1 JOHAN 3:9

Kuale Pathian ah piang chun, Pathian chi ama ah a um zing ziakin gitlo a bawl zing ta puai.

1 JOHAN 4:7

Doitakte haw, kihepi tua chiat hitiu; hepina hi Pathian ah kipat a hingal a; kuale hepina nei chu Pathian ah piang ahi’n, Pathian chu a hia’i.

1 JOHAN 5:1

Jesu chu Khrista ahi ti ging zosia chu Pathian ah piang a hiu; chuleh, a hingtu hepi zosia’n a hinte le a hepi sek ui.

1 JOHAN 5:18

Kuale, Pathian hinte chun gitlona a bawl zing ta puau hi, ti I hiau hi. Pathian ah piangte chu Ama’n a vêng zing ah, migilo in amau chu a khoi thei ta puai.

1 JOHAN 5:4

Pathian ah piang tapo in khawvel hi a nuaisia sek ngal in. Chun, khawvel nuaisia ah zawna chu zia hi ahi: I ginnau hi.