1 PETER 1:22 - PATHIAN LEKHABU THIANGTHO (BSI)

²² Thutak mat ziak ah la hinnau la sukthiantho tâk ziak un, kihepituana dik tak la nei thei tau a; lunggil tak in kihepitua chiat tau in.

1 PETER 1:22 ပူးပေါင်းရင်းမြစ်များ

JOHAN 15:17

La kihepi tua chiat theina ding un, zia thupiak cheng hi ka piak la hiu.

JOHAN 15:3

Nanghaw vang, la kiang ua thu ka gen tâk ziak hin la thiangtho tau hi.

JOHAN 17:17

Thutak in amau hi’thiang in, la thu chu thutak ahi ngal a.

JOHAN 17:19

Amau hawle thutak ah hi’thiantho a hitheina ding un, amau ziakin keima le ka kihi’thiangtho tai.

NASEPTE 15:9

Ziaziakchun, eimau leh amau kikâl ah kidanglamna bangma a umsak ta puai, amau haw lungthim le ginna’n a sukthian piak ta ngal a.

NASEPTE 6:7

Pathian thu chu a kizak jel ah; Jerusalem ah nungzuite chu nasa tak in a pung tau ah; thiampute tam tak inle ginna chu a pom tau hi.

ROMTE 1:5

Ama ziakin hepina leh sawlchâk hi’na chu, a min ah namtin lak ah ginna thu awina ziakin I nei chiat tau ahi.

ROMTE 2:8

Himaleh, amau lungawina ding bep hawl ah, thutak zawm nuam lo ah, diklona dan zawm zaw te chung ah chun a thangtawmna leh a lungnatna chu tung in a.

ROMTE 8:13

Taksa dan ah la um zing uh chun thi ngei ding la hiu; himaleh, Thagau ah chun taksa thilhi’te la thâ zing ua leh vang hing in lau.

2 KORINTH 6:6

thianthona, hetna, dawtheina, chitna, Thagau Thiangtho leh hepina tak tak ah te;

GALATIA 3:1

Aw Galatia gam ah mingolte haw, kua’n a hun bum ngol ah a hem? La mit mu ngei un Jesu Khrista chu kichian tak ah khetden ah latsak ahi’siat tawh!

GALATIA 5:5

Keihaw’n vang Thagau jal in ginna ah dikna kinepna chu ka ngâk uh ahi.

GALATIA 5:7

Pha tak in la tai un; thutak chu zui lo ding ah kua’n a hun dâl a hem?

EPHESA 4:3

kichamna kikân khawm ah, Thagau ah kipumkhatna chu tudet ding ah kipe zo dingin ka ni la hiu.

PHILIPPI 1:9

La hepinau chu hetna leh hetkhen theina tawh kithua’n, luanglêt zing leh ti in ka hun pauchap piak in;

1 THESSALONITE 3:12

Chuleh, nangmau chung ah hepina ka hau gual un, la lak ua kihepituana leh mi zosia chung ah hepina chu Lalpa‘n hun hi’pun piak ta hen.

2 THESSALONITE 1:3

Suapite haw, nangmau chung thu ah hin Pathian kiang ah kipak thu gen ding him ka hiu; zia chu hi’ding ah kilawm him ahi, la ginnau chu nasa tak ah khang in, la leng ua la kihepi tua chiatnau chu a khan belap zing ngal a.

2 THESSALONITE 2:13

Lalpa ah suapi doitakte haw, Thagau Thiangtho leh thutak ging ah hi’thiantho ah hukdam ah um dingin, a tîl ah kipat Pathian in a hun têl ziakin, la chung thuu hin vang Pathian kiang ah kipak thu gen zing ding him ka hiu.

1 TIMOTHI 1:3

Makedonia gam ah ka chia ding kuan ah ka hun hil gual khan, Ephesa khua’n umzing inla, mi khenkhat in thugin chuam zilsak lo ding ah la hiltheina ding leh,

1 TIMOTHI 1:5

Ei un thuhil ding I kol pen uh hi ahileh, lunggil thiangtho leh sia leh pha hetna thiang leh ginna tak tak ah kipat pawt hepina ahi zaw ngal a.

1 TIMOTHI 4:12

La khangdawng hi’na kuama’n hun musit ki’hen; himaleh, pau dan leh tawidan, hepina, ginna leh thianthonate ah chun gingtute etton dingin um zaw ta’n.

1 TIMOTHI 5:2

numei upa zaw te chu nute gual leh, numei naupang zaw te chu suapite gual ah thiangtho tak in hil in.

2 TIMOTHI 1:14

Eimau ah chêng Thagau Thiangtho kithuapina’n, nangma ah vopsak hita go thilpha tak chu chingpha ta’n.

HEBRAITE 11:8

Ginna’n Abraham in a lua ding gam chu zuan dingin thu a awi ah; a zotna ding lam he masa lo in a kipandok ta’n.

HEBRAITE 13:1

Kihepi tua zing un.

HEBRAITE 5:9

Chutichun, sukbukim ah um in, a thu awi tapote â dingin kumtuang hukdamna siampa,

HEBRAITE 6:10

La nasep uh leh hepina ziak ah la sepgimnau, ama min ah la latsak uh, mithiangthote chung ah la nasepteu, tu’tiang ah le la sep zing uh chu hemil dingin Pathian chu mi diklo ahi puai.

HEBRAITE 9:14

Khrista thisan, Pathian kiang ah mêlhemna umlo, kumtuang Thagau jal ah kilân chun, nasep thisa ah kipat chun, a sia leh pha hetnau chu Pathian hing nasem dingin, bang gual bep in a hithiangtho zaw ta bep diam!

JAKOB 1:21

Ziaziakchun, a buak leh umdan phalote chu koimang unla, thu kiphu det, la thagau uh hukdam thei chu thunuaigol tak in pom un.

JAKOB 4:8

Pathian chu nai un; tichun, ama’nle hun nai in a. Nang uh mi gilote haw, la khut uh sil thiang unla, nang uh mi phalêmte haw, la lunggil uh hithiang un.

1 PETER 1:2

thu mang ding leh, Jesu Khrista thisan thêkhum ding ah Thagau in a sukthian, Pa Pathian hetlawk gual ah têlte kiang ah, la chung un hepina leh chamna um ta hen.

1 PETER 2:17

Mi zosia ja unla, gingtu suapite chu hepi un. Pathian lau unla, Lengpa chu ja tau in.

1 PETER 3:1

Zia gual ma chun, nang uh jite haw, la pawsalteu thu thu’n um un; tichun, khenkhat in Pathian thu ginglo maleu, thugen hilo in, la tawidan un zo thei in lau.

1 PETER 3:20

amau chun malai ah Noah dam lai ah Long tuk sungsia, Pathian dawtheina a ngak lai khan thu a mang puau ah, zia Long ah chun mi tawmcha, mi pagiat, tui ah kipat hukhin in a um uh ahi.

1 PETER 3:8

A tawp pen in, la leng un lungthim munkhat nei in, kilainattua leh suapite kihepina leh thunuaigolna nei in um un.

1 PETER 4:17

Vaihawmna chu Pathian Inkuan ah pat a hun ta ngal a; eimau ah pat masak ahi chun, Pathian chanchinpha awilote tawpna chu bang gual a hita diam?

1 PETER 4:8

Bangcheng sâng in, phatchuamngai tak in kihepi tua chiat unla; hepina’n gitlo tam tak a khû sek ngal a.

2 PETER 1:7

la Pathian ngaisaknau ah chun suapite ngainatna pansak unla; la suapite ngainatnau ah chun hepina pansak tau in.

1 JOHAN 3:11

Zia hi a lim ah kipat thu la het uh chu ahi: I kihepi tua chiat diu ahi, ti hi.

1 JOHAN 3:23

A thupiak chu zia hi ahi: A chapa Jesu Khrista min ging in, ama’n thu ei piak gual in kihepi tua chiat leu hing, ti hi.

1 JOHAN 4:12

Kuama’n Pathian a mu kha nai puai; I kihepitua chiat ua chun Pathian chu eimau ah um in, a hepina chu eimau ah a hung bukim ahi.

1 JOHAN 4:20

Kuale, “Pathian ka hepi hi,” ti ah, a suapiteu hua chu juauthei a hiu; a muzing a suapiu bawn hepilote chun, a mu lo uh Pathian chu a hepi thei puau hi.

1 JOHAN 4:7

Doitakte haw, kihepi tua chiat hitiu; hepina hi Pathian ah kipat a hingal a; kuale hepina nei chu Pathian ah piang ahi’n, Pathian chu a hia’i.

THUPUAN 2:4

Himaleh, demna khat ka hun nei hi, la hepina masa kha la nusia tai.