1 PETER 1:19 - PATHIAN LEKHABU THIANGTHO (BSI)

¹⁹ belamno dem kâilo leh buak kâilo gual ah, Khrista thisan lûl ah tat la hiu, ti la he ngal un.

1 PETER 1:19 ပူးပေါင်းရင်းမြစ်များ

PAWTDAWNA THU 12:5

La belam tha diu chu demna umlo, a chaltuai, kum khat mi bep hi hen: belam hon lak leh kêl hon lakah kipat in la la’thei hi.

ISAI 44:22

La hi’khelnateu chu sûmpi gual in ka mût mang ta’n, la gitlona chu phâisûm gual in ka mûtthial tai; ka kiang lam ah hung kit unla, ka hun hukdok ta’ngal a.

ISAI 53:7

Ama chu tawden ah um in, sukgenthei in a um ta’n; maleh, kam khat ziang inle a dawnhu puai. Belam thâlup ding a kai gual un, belam a mulmetna a kidaw hiat hiat gual un, kam khat ziang le a gen puai.

DANIAL 9:24

Bawsiatna sukbutinna ding, gitlo’na sukbeina ding, bawlkhialna thoidamna ding, kumtuang ah dikna lâklutna ding, kilâkna leh thugenlawkna tepte’na ding leh mun thiangtho pen sathaunu’na ding in, la mipite leh la khawpi thiangtho chung ah hapta sawmsagi sung guat ahi.

THIAMPUTE LEKHABU 1:10

Gan-gaul hon lak ah kipat hâlmang thillat ding ah kiladok ahi ding chun, belam hon lak a hem, kêl hon lak a hem ah kipat hi hen: zia chu a chaltuai, demna bei hi hen.

THIAMPUTE LEKHABU 22:20

Demkâi him him la hun lat lo ding uh ahi, nang uh thasâng ah pom piak hilo ding ahi ngâl a.

ZEKARIAH 13:7

“Aw chemjam, hung tho inla, ka belampu leh keima ei kithuapipa chu hun sât in,” sepai honte Lalpa chun a ti ahi. Belam honte a taijak theina ding un belampu chu sât inla; a note chung ah ka khut tha ta’ng ka.

MATTHAI 20:28

Mihing Chapa hial hile min a na a sep piak ding ah hung a hipua’n, nasem ding leh, mi tam tak tatna ding ah a hinna pia ding ah hung ahi zawi, a tia.

MATTHAI 26:28

zia ka thisan, mi tam takte gitlo ngaidamna ding ah pawt, Thuthunna chu ahi.

JOHAN 1:29

A jing ah chun Johan chun, Jesu ama kiang lam zuan ah hung chu a mu phât in, “En tiam un Pathian Belamno, khawvel gitlo pawmangpa saw!

JOHAN 1:36

Jesu vâk vêl lai chu a la en un, ama chun, “En tiam un, Pathian Belamno saw!” a tia.

NASEPTE 20:28

Pathian kochuamte, a chapa thisan ah a leisate chu vâk dingin, nanghaw leh la gan-gualteu chung ah chun chingthei un; Thagau Thiangtho in amau haw chu entup ding ah a hun koite chu la hingal un.

ROMTE 3:25

a thisan ziak ah thupha choina hiding leh ginna chang dingin, Pathian in a guat a. Pathian in a dikna latsakna dingin, a dawtheina ziak ah nidang lai gitlonate a kihiat losak ziakin,

EPHESA 1:7

A hepina hau dungzui in, a thisan ah tatna chu chang in, I gitlonateu ngaidamna chu I chang tau ahi.

KOLOSSA 1:14

ama ah chun I kitatnau I muu ah, I gitlonateu ngaidamna chu.

1 PETER 1:2

thu mang ding leh, Jesu Khrista thisan thêkhum ding ah Thagau in a sukthian, Pa Pathian hetlawk gual ah têlte kiang ah, la chung un hepina leh chamna um ta hen.

1 PETER 3:18

Pathian kiang ah ei pui theina dingin, Khrista chun gitlo ziakin kumtuang dai dingin a thuak ta’n; midik chun midik lo thasâng in a thuak ahi. Taksa ah thalup in a um ta’n, thagau ah suk-hin in a um tai.

1 JOHAN 1:7

Himaleh, ama chu vâk ah a um gual in, eimau le vâk ah I um uh chun, I kipawl khawm zing un, a chapa thisan in I gitlonau zosia ei silthian piak jel hi.

1 JOHAN 2:2

Ama chu I gitlonateu thupha choina ahi; eimau gitlona bep hilo in, khawvel pumpi gitlona thupha choina le ahi.

THUPUAN 1:5

Jesu Khrista, hiatpitu ginum leh, mithite lak ah suakdok masa pen leh, lei ah lalte vaihawm piak ding pa ah kipat chun, hepina leh chamna la chung un um ta hen.

THUPUAN 14:1

Ka et leh, Belamno, Zion tâng ah ding leh, A min leh a Pa min a chal ua kizik, mi nuai khat sîng li leh sang li te tawh ding ka mu’n.

THUPUAN 14:5

A kam ua pat chun juau a pawt pua’n, demna bei a hiu.

THUPUAN 5:6

Ka vak et leh, lalchutpha umna leh thilhing palite umna kikâl ah upate lak ah chun, Belamno tha ah umsa kha, mit sagi leh kî sagi nei in a hung ding ah, ziate chun Pathian thagau pasagi, lei muntin ah sawldawte chu a hiu.

THUPUAN 5:9

La thak a hun sau a: “Nang, Lekhabu chu la ah, a teptênate tham ding ah ting pen chu la hi; tha inla um ah, chitin, namtin, pautin leh mipite lak ah chun, la thisan inla tandok a, Pathian kiang la tut ta’n;

THUPUAN 7:14

Kei chun, “He pu, nang bep inla hia’i,” ka tia. Ama’n ka kiang in, “Ziate hi gimna huaisia tak thuak zo ah hung pawt ah, a puanteu Belamno thisan ah sawp vâmte kha a hiu.