1 PETER 1:17 - PATHIAN LEKHABU THIANGTHO (BSI)

¹⁷ Doichuam neilo ah, mitin a nasep dungzui ua vaihawm piakpa chu, Pa gual ah la ko ua leh, la umnau ah la châm sung ua hin laudan thiam in um un.

1 PETER 1:17 ပူးပေါင်းရင်းမြစ်များ

THILSIAM THU 47:9

Jakob in Pharaoh kiang in, “Ka khualzinna kum sung chu kum za leh sawmthum a hita’n, ka dam sung kumte hi a tawm in, a genthei um ahi; ei suante a khualzinnau kum jat le pha lo ahi,” a ti’n.

1 KHANGTHU 29:15

Ka pu leh pateu haw zosia gual tho ah khan nangma mit mu in, khualzin leh mite bêlah khawsa bep gual ka hi’ngal un; lei chung ah ka damsung niteu hile lim gual mai ahi’n, kinepna ding him him a um puai.

2 KHANGTHU 19:7

Tu’hin, Lalpa chu lau zing un; Lalpa I Pathian un doichuam a nei pua’n, golgûkna le la lo ahi ziakin, dik tak in thu tan sek unla, la mawpuaknau hi ngaikhawk ma mau in,” ti’n a hil a.

JOB LEKHABU 34:19

milian leh lal a himan ua doisak chuam lo leh, michaga sâng ah mihausa ngaisak chuam diaklote chu, thiamlo chansak ding la hi em? A leng ua ama khutsuak ahi sik sek ngâl un.

SAM 39:12

Aw Lalpa, ka pauchapna ngaitha’n la, ka hun ko’na hin la bildaw in; ka mitthi pawtte hi thipsan kin. La malzin ka hi’n, ka pu leh pateu gual khan, malzin châm mai ka hi’ngal a.

SAM 89:26

Ama’n kei kiang ah, ‘nangma hi ka Pa, ka Pathian leh ka hukdamna Suangpi chu la hi!’ ti’n a.

THUPILTE 14:16

Mipil chu chingthei tak in, thil phalo lak ah kipat in a kihem dok sek in; mingolte vang khawni ngailo in a kihan sansak sek ui.

THUPILTE 28:14

Hun zosia ah Lalpa lau zing mi chu a chung uh a jang hi; ahi’n, a lungthim sukhaute chu haksatna’n ke’lut in au.

JEREMIAH 3:19

Chuleh, Lalpa‘n zia gual hin a gen a: “Ka chate lak in ka hun koikhawm a, gam nuam tak, khawvel nam zosiate gochan sâng ah, gam mêlhoi pen chu ka hun piai. He pa ti’n ei ko in la tiu in, ei nusia ngai ta pua’n lau, ti’n ka gêl a.

ZEPHANIAH 3:9

Ziaphat chuleh, mipite pau thiangtho in then piak ing ka tin, lungthim kithu gual ah Lalpa min chu, a hun ko ua, a na a sep khawm theina ding un.

MATTHAI 16:27

Mihing Chapa hi a vansawlchâkte tawh, Pa lopina kithuam ah a hung tak leh, mitin in a nasep dungzui chiat un hun dit kit ding ahi.

MATTHAI 22:16

Tichun, a zilsakteu leh Herod pawl ah mi khenkhatte chu a kiang in a sawl ua, Hotupa, nang hi midik tak la hi’n, Pathian lampi chu thutak in la zilsak ah, kuama khen chuam la nei pua’n, mihing mai la en diak puai, ti ka hiau hi.

MATTHAI 6:9

Zia hi la pauchap dan ding uh chu ahi: “Ka Pau van ah um, la min ja in um hen la,

ROMTE 11:20

Ahi, amau chu a ginlona ziak un sâtthâk in a um un, ziaziakchun nang uh chu ginna’n la hung ding thei uh ahi; tichun, kisathei kin la, lau zaw tau in.

2 KORINTH 1:2

I Pau Pathian leh I Lalpau Jesu Khrista ah kipat hepina leh thamuanna chu nangmau ah um ta hen.

2 KORINTH 5:6

Chutichun, taksa I um lai sia Lalpa kiang in I um puau hi, ti hia’n, muang tak in I um zing sek uh ahi.

2 KORINTH 7:1

Suapi doitakte haw, zia thutiamte chu I nei ziak un, taksa leh thagau kisukbuakna zosia chu kisuthiangtho in, Pathian lau in thianthona ah bukim in um hitiu.

2 KORINTH 7:11

En tiam un, Pathian doigual ah hi’lungngai ah la umnau chun bang gual ah titakna, kisukthianna, lungnatna, launa, lunglenna, phatchuam ngaina leh gawtnate nangmau ah siam ahi tam! Bangkim in zia thu ah chun la maw puau hi ti la hi’lang tau hi.

GALATIA 2:6

Chuleh, hi’na nei deute, (bang tawhbang hi’na nei maleule kei â dingin lamdanna a um puai; Pathian in kuama a khen chuam puai) zia min nei deute chun bangma ei belap piak chuam puau in;

EPHESA 1:17

I Lalpau Jesu Khrista Pathian, lopina Pa chu, ama hetna lam thu ah, pilna leh hiatsakna thagau a piak theina dingin.

EPHESA 3:14

Ziaziakchun, Pa ma-âng ah chun ka khupdin sek ahi;

EPHESA 6:9

Chuleh, nanghaw suak neite haw, nang uh chung ah le thunei a um ah, ama chun kuama doichuam neilo ahi ti hia’n, la suakteu chu vau thaw ta kiu in.

DAN LEKHABU 10:17

Lalpa la Pathian uh hi pathiante zosia chung ah Pathian, lalte zosia chung ah Lal, Pathian Chungnung pen, hat leh lau um tak, kuama doichuam diak nei lo leh golgûkna la ngai lo leh,

PHILIPPI 2:12

Ziaziakchun, ka doitakte haw, thu la zop sek gual uh khan, tu’hin le, keima ka um bep hilo in, ka umlo sung ah hin sêm nasa zaw diak in, lau leh kithing pum in hukdam la hi’nau chu sêm bukim tau in.

KOLOSSA 3:25

Thil diklo bawlpa chun a bawl diklo man chu mu kit in ah, kidoichuamna him a um pawngal a.

HEBRAITE 12:28

Ziaziakchun, lenggam suklîng theilo chu chang I hi tâk ziak un, kipak thu gen hitiu; tichun, ja tak leh lau kawm in, Pathian ei pom tâk ding ah biakna chu nei thei bep ding I hingal un;

HEBRAITE 4:1

Ziaziakchun, lau hitiu, chutilochun, a cholna lutna thutiam um zing ngal in, la lak un a ting zo lo um kha tawl in lau.

1 PETER 2:11

Doitakte haw, mikhual leh malzin la hiziak un, thagau dosek taksa nopnate chu haisan dingin ka hun ni la hiu.

1 PETER 3:15

la lunggil un Khrista chu Lal in koi un. Nangmau ah um kinepna chu min a hung dot ua leh, dawnhu thei ngal dingin, thunuaigol leh ja tak kawm in kisazo zing un.