1 PETER 1:10 - PATHIAN LEKHABU THIANGTHO (BSI)

¹⁰ Zia hukdamna, hepina la kiang ua hung tung ding a la genlawk jawlneite khan a la sui in, gun tak in a la hawl tau hi.

1 PETER 1:10 ပူးပေါင်းရင်းမြစ်များ

THILSIAM THU 49:10

Laltiang chu Judah lak ah mang pua’n tin, vaihawmna laltiang chu a kêngkâl ah kipat bei diak pua’n a;

THUPILTE 2:4

dangka hawl gual ah la hawl ah, go phumgûk gual ah la kansui chun,

DANIAL 2:44

Chuleh, zia gual ah lengte um sung ah chun, van Pathian in lenggam khat hun tungdok intin, zia chu kuama’n susia thei pua’n tiu in, zia lenggam chun kuama â ding khêk ta pua’n a. Zia lenggam chun lenggam dang zosia khen nawn dim dem in, subei zo ta’n a; ama chu vang kumtuang in umden ta’n a;

DANIAL 9:3

Ziaphatchun, anngawl ah saidip puan sil ah vut lak ah kitung in, Lalpa lam nga’n pauchapna leh dotpiakna ka nei ta’n.

HAGGAI 2:7

nam zosia hun chok lîng ing ka, tichun, nam zosia go thilte hun lakhawm ing ka tin, zia In hi hausakna’n hung dim ta’n ah, sepai honte Lalpa chun a tii.

ZEKARIAH 6:12

a kiang in: Sepai honte Lalpa chun zia gual hin a gen hi: Zia tak ah hin mi pakhat, a min a Bâk kiti a um hi; a umna mun ah chun hung seldok intin, Lalpa tempul ding hun sa ngal ding ahi ziakin.

MATTHAI 13:17

Titakzet in ka hil la hiu, jawlnei tam takte leh midik tam takte’n, la thil muteu hi mu nuam in a la thîl ua, himaleh, a la mu ta puau hi; la thil hiatteu hile het a nuam un, himaleh, a la he man ta puau hi.

MATTHAI 26:24

Mihing Chapa hi a chung thu kizik gual gual ah um ding him ahi; himaleh, Mihing Chapa matsak dingpa chung hi a gik hi! A la piang lo hileh ama â dingin pha zaw’n a,” a tia.

LUKA 10:24

Ka hil la hiu, leng leh jawlnei tam takte chun, zia la thil muu haw hi mu a la nop uh ahi; himaleh, a la mu man ta puau hi; chuleh, la thil hiatteu hile het a nuam ui; himaleh, a la he man ta puau hi,” a tia.

LUKA 24:44

Chuleh, a kiang un, “La lak ua ka um lai ah thu ka gen sekte kha zia thute hi ahi, Mosi dan leh Jawlneite leh Pâkna La te ah ka chungchâng thu a la kizik gual ah, bangkim hung guitung ding ahi, ka ti te kha,” a tia.

JOHAN 5:39

Pathian Lekhabu sung ah kumtuang hinna um ah la het ziak un, gunchu tak in la sim sek ui; ziate chu keima thasâng ah thu hun hiatsak ahi ngal a.

JOHAN 7:52

Amau chun, a kiang in, “Nang le Galili mi la hia hem? Hawl inla, en tiam in, Galili gam ah kipat jawlnei a pawt ngai puai,” a tiu a.

NASEPTE 10:43

Jawlneite zosia’n a chung thu a la gen uh, ‘Kuale a ging tapo chun a min in gitlo ngaidamna chang ding a hiu,’ ti thu kha,” a tia.

NASEPTE 17:11

Zia ah Juda mite chu Thessalonika mite sâng in a lungthim uh a kihong zaw’n, thu chu thanuam tak in a lop un, a thugenteu chu a dik leh diklo hetna dingin, nisi’n Pathian lekha thu’n a sui sek un.

NASEPTE 28:23

Ni a tiam tau ah, zia ni chun a tunna In ah mi tam tak a hungkhawm tau ah. Jingkal ah kipat nitâk tiang in zia thu chu a hilchian ah, Pathian gam thu chu gen in, Mosi Dan leh Jawlneite lekhabu thu ah kipat in, Jesu chungchâng ah thuzaw a gua’n.

NASEPTE 7:52

La suanpateu in a la sukgenthei lo uh jawlnei a um kha em? Mi Dik tak hungna ding a la genlawkte chu a la that un; tu’hin nanghaw hi a matsakte leh a thatte la hung hitau hi.

HEBRAITE 11:13

Ziate zosia chu ginna nei in, thil tiam vang mu man lo in a la thi tau a; himaleh, zia chu gamla tak ah thîl in, a la thi tau hi. Lei ah hin malzin leh khualzin mai a hiu ti a hiatsak zo tau in;

HEBRAITE 11:40

eihaw â ding ah thil phazaw a guanggal tâk ziakin, eihaw panglo ah bukimna a chan ding uh chu Pathian in a phal puai.

1 PETER 1:11

Khrista Thagau amau ah um chun, Khrista thokna ding leh, zia zaw ah lopina hung um dingte chu a la hiatsak lawk lai ua khan, a ni leh hun ding hetdaw a la guau a.

1 PETER 1:13

Ziaziakchun, nasem dingin la lungthim uh kisazo unla, kisawizoi un; Jesu Khrista kilâk phat leh hepina hung tung ding chu lungthuai lo in kineppi zing un.