1 LENGTE 9:3 - PATHIAN LEKHABU THIANGTHO (BSI)

³ Lalpa‘n a kiang in, “Ka kiang ah la pauchapna leh la dotna chu ka ngaitha tai; zia la In sak hi ka suthiang ta’n; zia tak ah chun kumtuang dai dingin ka min ka koi tai; zia tak ah chun ka mitte leh ka lungthim bangtik lai ah le um zing ding ahi.

1 LENGTE 9:3 ပူးပေါင်းရင်းမြစ်များ

1 LENGTE 8:29

“Zia tak ah chun ka min um ding ahi,” ti ah la genna mun, zia In lam hi sûn leh jan in en zing inla; la suak in zia mun lam nga’ a pauchapna chu ngaitha’n.

2 LENGTE 20:5

“Kihei kit vak in chia inla, ka mite chung ah hotu Hezekiah kiang in zia gual hin vagen in: Lalpa, la pa David Pathian chun zia gual hin a gen hi: La pauchapna ka la he ta’n, la mitthi tuite le ka la mu tai; hun sudam kit ding ka hi; ni thum zaw tak leh Lalpa In ah chia to ding la hi.

2 LENGTE 21:7

David leh a chapa Solomon kiang ah Lalpa chun, “Jerusalem ah, zia In ah hin Israel nam zosia lak ah ka teldawna mun ngei ah hin, kumtuang dai dingin ka min umsak ding ka hi,” a ti’na mun ah, zia Insung ngei ah chun ama khutsuak milim, a suithawteu Asherah chu a hun koi tai.

2 KHANGTHU 33:7

A milim siam haw chu Pathian In ah chun a koi ah, zia mun thu ah hin Pathian in David leh a chapa Solomon kiang ah khan zia gual hin a la gen ta’ngal a: “Israel nam zosia lak ah kipat ka têlchuam, Jerusalem khua zia In ah hi’n kumkhua’n ka min koi ding ka hi’n;

2 KHANGTHU 6:40

Tu’hin, Aw ka Pathian, zia mun ah kipat pauchapnate chu mu dingin la mit hak inla, ngaisak tak in la bille a ladaw sek in.

EZRA 6:12

Jerusalem ah Pathian In suksiat gaw taphot leh, zia thupiak sukdanglam gawte chu, kua leng leh lal leh bang gual mi hiziang leh le, zia mun ah a min hi’det pa, Pathian chun sumangthai dik dek ta hen. Keima Darius in zia thu hi ka piak ahi; a dîn a dên in zui hi hen, ti’n a dawnhuna lekha chu a zik tai.

SAM 10:17

Aw Lalpa, mi nunnêmte doilam hia’n la tin; a lungthim uh hihât piak in la tin, a lam un la bil daw ding la hi;

SAM 116:1

Ka aw leh ka dotnate ei ngaithâk ziakin, Lalpa chu ka ngai na’i.

SAM 34:17

Mi dikte’n panpi’na a dot si’n uh leh, Lalpa‘n a la hia’n, a lungdonnau zosia ah kipat in a hukdok sek hi.

SAM 65:3

Ka thulimlonate chup mang ah ka um lai unle, nang in ka hi’khelna zosiau ei ngaidam ding la hi.

SAM 66:19

Ahi’n, Pathian in ei ngaitha tak tak hi; ka pauchapna thawmgi chule a ngaisak hi.

PAWTDAWNA THU 20:11

Ni guk sung in Lalpa’n lei leh van, tuisuagiat leh a sung ah um zosia hi a siam zo ah, a ni sagi ni’n a la chawlsan tâk ziakin, Lalpa’n Sabbath ni chu maljawl in, a suthiangtho ta ahi.

PAWTDAWNA THU 29:44

chuleh, mipi kikhopna biakbûk leh a mai lam chu hi’thiangtho ing ka.

JEREMIAH 15:1

Ziaphatchun, Lalpa‘n ka kiang in: Mosi leh Samuel, ka ma-âng ah hung ding hial ziang leule, zia mipite lam ah hin ka lungthim chu kihei diak ta pua’n a. Ka muphâk lona del mang unla, chia mangsak un!

JEREMIAH 7:10

ka kiang lam ah hung in, zia In, keima min ah kisa ah hin ka ma-âng ah hung dingin, zia gual thil ki’dak um zosiate hi bawl zing kawm in, “I bit nalai ui,” ti tei tei nalai ding la hiu em?

DANIAL 9:23

Thil don ah la pauchap tîl ah kipat khan thumal kam khat a hung pawt, zia chu hiatsak ding ah hung ka hi; nang chu nasa tak ah doichuam la hi. Ziaziakchun, a thu chu ngaitua inla, kilâkna chu hechian ta’n!

KISIMNA LEKHABU 16:38

Zia gimtui hâlna kuangchate hi amau hinna tawh kitheng ta ahiziak in a thiangtho ta’ngâl a. Lalpa âng ah a la lat thiantho uh ahi tâk ziakin, mâichâm chungkhû dingin sêk in; tichun, Israelte â ding ah tepte’na hizing ta’n a, a tia.

MATTHAI 6:9

Zia hi la pauchap dan ding uh chu ahi: “Ka Pau van ah um, la min ja in um hen la,

JOHAN 11:42

Keima hi lei la ngaitha zing hi ti le ka hia’i; ahi’n, zia mipite, ka kiang ah dingte ziak ah hin nang in lei sawl ka hi dan a hun taksan theina ding un, zia hi ka ti ahi,” a tia.

NASEPTE 10:31

Ka kiang in, ‘Kornelia, la pauchapna kha het in a um ta’n, mite kiang ah la thilpiakte kha le Pathian in a hezing hi.

DAN LEKHABU 11:12

Lalpa la Pathian un a ngaisakna gam ahi. Lalpa la Pathian un kum bul ah kipat kum tawp tiang in, a mit ah a etthâk zingna gam chu ahi.

DAN LEKHABU 12:11

Lalpa la Pathian un, a min chênna ding ah a têlna mun ah chun, la kiang ua ka gen zosia: La hâlmang thillat kithoinateu, sawm ah khatte, la ngamtawk thilpiakteu leh la kitiamnau thil piakteu chule la hun choi ding uh ahi.

DAN LEKHABU 12:21

Lalpa la Pathian un a min koina ding ah a têlna mun chu a gamlat chun, Lalpa maljawlna gan hon leh belam honte lak ah la duchâk pen pen uh chu, la duchâk hun si’n ua leh la khua sung chiat ua that a, nethei ngâl dingin thu ka hun pia la hiu.

DAN LEKHABU 12:5

Lalpa la Pathian un la nam pumpiu lak ah kipat a chênna ding leh, a umna ding ah a têldawna pen mun chu hawldok un. Zia tak mun bep ah chun chia sek unla;

DAN LEKHABU 16:11

Lalpa la Pathian un a min umna ding ah a guatna mun ah chun, nang tawh la chapate, la chanute, la suakpa leh la suaknute, la lak ua um Levite, gam dang mite, nauchagate leh meithâite chu tawh la leng un, Lalpa la Pathian uh ma-âng ah lim tak in la ûm khawm ding uh ahi.

1 JOHAN 5:14

Chuleh, a ma-âng ah I hânsannau chu zia hi ahi, ama doi gual I dot taphot uh ama’n ei ngaithâk piak hi ti hi.