1 LENGTE 5:3 - PATHIAN LEKHABU THIANGTHO (BSI)

³ “Ka pa David in, a kîmvêl ah a mêlmate Lalpa‘n a kengpêk nuai ah a koi tiang in a la kidopi ziakin; Lalpa a Pathian min ding ah In a la sak piak thei talo ahi dan la he hen.

1 LENGTE 5:3 ပူးပေါင်းရင်းမြစ်များ

1 LENGTE 8:19

himaleh, In chu la sak lo ding ahi; la khalbe ah piang ding, la chapa chun ka min umna ding ah In chu hun sa ding ahi,’ a ti’n.

1 KHANGTHU 22:8

himaleh, Lalpa‘n ka kiang in, ‘nang in thisan la sua tam talua’n, gâl le la do tam ta luai; ka mit mu in lei chung ah thisan la sua tam tâkluat ziakin, ka min ah In ding chu la sak lo ding ahi.

1 KHANGTHU 28:2

Ziaphatchun, Lengpa David chu a hung dingdok ah, a kiang un zia gual hin thu a hun gen a: “Ka suapi, ka mipite haw a la ngai un. I Pathian un a keng a ngakna ding ah Lalpa thuthunna thingkuang kicholdamna ding In pakhat sak ding ka la guanggal in; ziaziakchun, a In van dingte chule ka la lakhawm tai,” a tia.

1 KHANGTHU 28:3

Himaleh, Pathian in ka kiang in, “Nang hi gâldo mi leh thisan tam tak sua mi la hiziak in, ka min ding ah In la sak lo ding ahi,” ei la ti tai.

2 KHANGTHU 9:4

a annêkna dawkan ah kiluite, a gam vaihawmpite chutkhawm dante, a suak nasêmte sep dan haw leh a sil a chênteu, a no domte leh a kichei danteu leh Lalpa In ah a hâlmang thillatte chu a mu phât in, a ngaitua sêng ta puai.

NEHEMIAH 5:17

Zia bep chule hilo in, I kîm leh kiang ua kipat ei hung ve sek namdangte sim lo in, Judah mite leh vaihawm mite lak ah mi za leh sawmnga an ka nêkpi zing nalai a.

NEHEMIAH 5:18

Ni khat nêk ding bep inle bawngchal pakhat leh belam doichuam paguk jel leh, kei â ding ah akchale thalup jel ahi’n; zia ban ah chun, ni sawm dan jel leh uain ah luaithe’na a um in; zia gual tuk chu ahi bân in, zia mipite thokna hi a gimum bêk ziakin, gam awpte nêk leh dawn chantum chule ka phût lo mai ahi.

SAM 110:1

Lalpa‘n ka Lalpa kiang ah chun: “La mêlmate la keng ngakna ding ah, ka hun bawl piak masia, ka changlam hin kichu zing in,” a ti’n.

SAM 8:6

La khutsuakte chung ah thunei in la siam ah, bangkim a keng nuai un la koi ta’n;

MALAKI 4:3

Migilote chu tawden ta’n lau; zia ka hun bawl guatna ni ah chun amau chu la kengpêk nuai ua leivui gual bep hita ding a hiu, sepai honte Lalpa chun a tii.

1 KORINTH 15:25

Mêlma zosia a chotden masia, ama’n vaihawm ding ahi ngal a.

EPHESA 1:22

ama’n bangkim a keng nuai ah koi in, ama chu bangkim chung ah kochuam luchang in a siam a;

DAN LEKHABU 14:5

sakhi, sa-ngâi, sapeng, sakêl, sazuk, jangsial, gam belamte haw hi.

JOSHUA 10:24

Zia Leng pangate chu Joshua kiang ah a hun pui tung phat un, Joshua’n Israelte zosia chu a ko khawm ah; chuleh, a gâl kuanpite lak ah hotute kiang ah chun, “Hun nai unla, zia leng pangate ngawng hi la keng un chuan den un,” a tia. Tichun, a hun nai un, a keng un a ngawngcheng uh a chawt dên piak tau hi.