1 LENGTE 3:3 - PATHIAN LEKHABU THIANGTHO (BSI)

³ Solomon chu thoimual ah gimtui hâl in, kithawi sek maleh, Lalpa a hepi ah, a pa David thuse’te chu a zui hi.

1 LENGTE 3:3 ပူးပေါင်းရင်းမြစ်များ

1 LENGTE 11:34

Hiziang leh le, ka la têl leh ka thupiakte leh, ka thugelte a la bawl ka suak David jal in, lenggam pumpi ama ah kipat lâkpiak lo in, a dam sung vaihawm ah siam ding ka hi;

1 LENGTE 11:38

La kiang ah ka thupiak zosia la ngaithâk ah, ka lampite la zui ah, ka suak David gual ah, ka thupiakte leh ka thugelte la vop ah, ka mit mu thil dik la bawl chun, hun umpi ing ka tin, David â ding ah ka bawl piak gual in, Inkuan mi bei talo ding hun bawl piak ing ka tin, Israelte hi hun pia ding ka hi.

1 LENGTE 11:4

Solomon a hung têk phatin, a jite’n a lungthim chu pathian dangte lam in a heimang tau ah; a pa David lungthim dik gual ah khan a lungthim chu Lalpa a Pathian lam in a dik ta puai.

1 LENGTE 11:6

Tichun, Solomon in Lalpa mit mu ah thil phalo a bawl ta’n; chuleh, a pa David bawl gual ah khan Lalpa a zui buting ta puai.

1 LENGTE 14:23

Amau inle, thingbul nuai tin leh mual sâng tin chung in thing milimte, mihing limte leh thoimualte a bawl tau a.

1 LENGTE 14:8

David Inkuan ah kipat in lenggam ka botthêk ah, nang ka hun pia; ahi’n la, ka suak David gual in la um ta puai. Ama chun ka thupiakte a vop ah, ka mit mu ah dikte bep bawl dingin, a lungthim zosia’n ei zui a.

1 LENGTE 15:11

Asa chun a suanpa David bawl gual in Lalpa mit mu in thil dik a bawl a.

1 LENGTE 15:14

Himaleh, thoimualte chu vang a subei thiang puai; ahi’n la, Asa lungthim chu a dam sung sia’n Lalpa lam in a dik hi.

1 LENGTE 15:3

Ama masang ah a pa’n a la zui lampi diklo ah chun ama le a chiajel ah; a lungthim chu a pa David gual in a Lalpa Pathian mit mu in a ting zo ta puai.

1 LENGTE 15:5

Hit mi Uriah chung ah bep lo ngal, David in a damsung in Lalpa mit mu in thil dik ngen a bawl ah; a thupiak bangmatik in a kiheisan puai.

1 LENGTE 22:43

A pa Asa lampi zosia a haw ah; zia chu pêtsan lo in, Lalpa mit mu ah thilpha a bawl hi; ahi’n la, thoimualte chu lakdaw ahi pua, mipite chun thoimualte ah chun gimtui lân in a kithawi zing nalai ui.

1 LENGTE 22:44

Jehoshaphat in Israelte lengpa tawh kichamna le a bawl hi.

1 LENGTE 3:14

La pa David in a bawl gual ah, ka thupiakte leh ka thuse’te jawm ding ah ka dante la zui chun, la dam sung nite le hun suksau piak ding ka hi,” a tia.

1 LENGTE 3:6

Solomon in, “Ka pa, la suak David ginumna tawh, a dik tatna tawh, thu tak ah la âng ah a um dungzui in lungsiatna lian tak la musak ah, tu’ni tiang ah hin, a lalchutpha chu ding chapa la pia’n, zia nunnemna lian tak chu la vop ahi.

1 LENGTE 8:25

Ziaziakchun, aw Lalpa, Israelte Pathian, la suak, ka pa David kiang ah, ‘La chate a chit thei ua, ka ma ah la um gual ah a um ua leh, Israelte lalchutpha kichu ding mi ka ma-âng ah tasam lo ding la hi,’ ti ah la thutiam kha guitun in.

1 LENGTE 8:61

Ziaziakchun, tu’ni gual hin, a thugelte zui ding leh, a thupiakte mang dingin Lalpa I Pathian kiang ah la pum un kilândok tau in, ti in.

1 LENGTE 9:4

Nangma la hileh, la pa David ka mit mu ah lungthim diktatna leh phatna ah a la um gual ah la um ah, ka thupiakte zosia dungzui ah la bawl ah, ka thugelte leh ka dan bawlte zosia la vop zing ahi chun,

2 LENGTE 12:3

Himaleh, thoimualte chu phiatnâm a hipua’n; mipite chun thoimualte ah chun kithoina leh thillatte a bawl zing nalai ui.

2 LENGTE 12:4

Jehoash in thiampute kiang ah chun, “Dangka Lalpa In ah kipia a kilânsa, mi pakhat chiat leh mi tin thasâng ah, kiphalna dungjui ah Lalpa In ah hun kichawi chu tawh,

2 LENGTE 14:3

Ama chun Lalpa mit muah thilpha chu a bawl ah, ahi’n la a suanpa David gual ahi puai; thil zosia a pa Joash in a bawl gual in a bawl hi.

2 LENGTE 14:4

Himaleh, thoimualte chu phiatnâm ahi puau ah; mipite’n thoimualte ah chun kithoina leh thillatte a bawl zing nalai ui.

2 LENGTE 15:35

Himaleh, thoimualte chu sukbei in a um diak pua, tichun, mipi chu zia thoimualte chun a kithawi zing tho ua, gimtuite chu zia mun chun a hâl zing sek ui. Ama chun, Lalpa In kêlkot saknung zaw chu a hun siamdok hi.

2 LENGTE 15:4

Himaleh, thoimualte chu a susia diak pua’n, mipite chun kithoina leh gimtui hâl dingte chu thoimual in a bawl thei zing ui.

2 LENGTE 18:22

Himaleh, nang chun, ‘Pathian chung ah kinga ka hi’n, Hezekiah in thoimual leh mâichâm a suksiat hilo a hem, Jerusalem leh Judate kiang in, Jerusalem ah, zia mâichâm ah hin la bokkhup ding ahi,’ lei ti khumsa hilo a hem?

2 LENGTE 18:4

Thoimualte chu a subei ah, milim haw chu a subei sik sekah, dawikhuamte a phuk sik sek ah, Mosi bawl sa sum-eng gul lim Nehusthan kiti khale, zia hun tiang ah chun a pathian uh hona’n gimtui a hâl zing nalai ua; ziate haw chule a khen gawp sik sek hi.

2 KHANGTHU 15:17

Israelte lak in vang thoimualte chu suksiat in a um puai. Asa chu vang a dam sungsia’n lungthim dik tak in a um zing hi.

SAM 145:20

Lalpa‘n ama hepi taphot chu a vêngtup zing in, mi nunsia zosia vang hi’mang in a.

SAM 31:23

A mithiangtho zosiate haw, Lalpa chu hepi tau in. Lalpa‘n mi ginum chu a humbit sek a; ahi, kisuang tak ah bawlte chu, nasa tak in a thuk kit sek hi.

THIAMPUTE LEKHABU 17:5

Israelte’n gam lak ah a gan thâlup uh chu Lalpa kiang ah a hun lat ding uh ahi. Kikhopna biakbûk kotbul ah, thiampu kiang ah hun chawi intin, ama’n kichamna thillat dingin Lalpa kiang ah a lat ding ahi.

MATTHAI 22:37

Jesu’n a dawnhu a, Lalpa la Pathian chu la lunggil zosia, la hinna zosia leh la ngaituana zosia’n la hepi ding ahi,

JOHAN 14:15

Nang un lei hepiu leh ka thupiakte jawm in lau.

JOHAN 14:21

Kuale ka thupiakte nei ah jawm chu, keima ei hepi ahi’n; kuale, keima ei hepi chu, ka Pa’n le hepi ding ahi, keima’nle ama chu hepi ing ka tin, a kiang ah kimusak ding ka hi, a tia.

ROMTE 8:28

Pathian in a guat dungzui ah a kote, ama hepite â ding ah chun a phatna ding un thil bangkim a bawl piak sek hi ti I he ngal un.

1 KORINTH 8:3

Min Pathian a hepi chun ama ngei chu het in a um zaw ahi.

DAN LEKHABU 10:12

Aw Israel, tu’hin Lalpa la Pathian un a hun phût chu bang ahi tam? Ama Lalpa la Pathian uh la lau ua, a lampi zosia la zui ua, la hepiu ah, Lalpa la Pathian uh chu la lungthim zosia leh la ngaituanau zosia ah ama na bep la sep ding uh,

DAN LEKHABU 10:13

la phatna ding ua, Lalpa thupiakte leh a dante la zop ua leh, tu’ni ka hun thu piakte pom ding hi zaw lo a hem?

DAN LEKHABU 11:13

Tu’ni ka thu hun piakte zosia la zop ua, Lalpa la Pathian la hepiu ah, la lungthim leh ngaituanau zosia ah ama na bep la sep uh chun:

DAN LEKHABU 30:16

Lalpa la Pathian uh hepi ah, a lampi la hawu ah, a dante, a thupiakte, a vaihawmna thute la zop ding ua tu’ni thu ka hun piakte hi la zop ua ahi chun, hing leh dam in hung pung in la tiu in, Lalpa la Pathian uh chun hun maljawl in a.

DAN LEKHABU 30:20

la pu leh pateu Abraham, Isak leh Jakob kiang ah Lalpa‘n piak ding ah a la tiamna gam ah chun la hin nikhuau a sawt theina ding in, Lalpa la Pathian uh chu la hepiu ah, a thute la mat ua, ama bep chu la bêlchâk zing ding uh ahi.

DAN LEKHABU 30:6

Zia ban ah chun, Lalpa la Pathian un nang mau leh la chateu lungthim zosia thumat theina hun pia’n tin; tichun, la hin theina ding un la lungthim zosiau leh la ngaituanau zosia in Lalpa la Pathian uh hepi ta’n lau.

DAN LEKHABU 6:5

Lalpa la Pathian chu la lungthim zosia’, la ngaituana zosia’ leh la hatna zosia’n la hepi ding uh ahi.

JAKOB 1:12

Thepna thuak ham ham mi chu mi hampha ahi. Zia gual mi chun patepna chu a thuakzo ta’n, Lalpa‘n ama hepite â ding ah a tiam, hinna lallukhuk chu chang ding ahi.

JAKOB 2:5

Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?

1 SAMUEL 9:12

Amau inle, “Aw, la hung madeu ua khan a la pawt hi. Chia kin un; tu’ni hin mipite’n thoimual ah kithoina nei ding a hiu in, zia na ding ah chu tu’ ma ma ah chu khawpi zuan ah hung ahi.