1 LENGTE 2:4 - PATHIAN LEKHABU THIANGTHO (BSI)

⁴ Lalpa‘n ka chungchâng thu ah, ‘La chateu in a hinna zosiau leh a lunggil zosiau tawh, ka âng ah thutak ah a um ua, a umdan uh a chit thei uh chun, Israelte lalchutpha chung ah kichu ding mi tasam pua’n la,’ a ti thu a sutzop theina ding in,” a tia.

1 LENGTE 2:4 ပူးပေါင်းရင်းမြစ်များ

THILSIAM THU 17:1

Abram chu kum sawmkua leh kua ahi in, Lalpa a kiang in a hung kilâk ah, a kiang in, “Kei Elshaddai chu ka hi’n; ka ma âng ah chia inla, pha bukim in um ta’n;

THILSIAM THU 18:19

Lalpa lampi a hawtheina ding un, a nung ah a chate leh a Inkuante, thil dik tak ah hiding leh, vaihawm gual ah um ding ah thu a piak theina dingin ama chu ka guat ta’ngal in; a chungchâng thu Lalpa’n a gen chu Abraham chung ah a tunsak theina dingin,” a ti’n.

2 SAMUEL 7:25

Chuleh, tu’hin, aw Lalpa Pathian, la suak chung thu leh a Insung mite chungchâng ah la thugente chu kumtuang dai dingin sudet in la, la tiamsa dungjui in bawl in.

1 LENGTE 1:48

zia gual hin a pauchap tai: ‘Lalpa, Israel Pathian, ka suan lak ah pakhat tu’ni ka lalchutpha chung ah kichu ding ei pia ka mit ngei ah ei musakpa chu pâk in ta hen!’ ti’n,” a gen a.

1 LENGTE 11:36

Ahi’n, a chapa chu nam khat pia ding ka hi; tichun, ka min umna ding ah ka khawpi têlsa, Jerusalem ah chun ka suak David in ka ma-âng ah thaumei pakhat a nei zingna dingin.

1 LENGTE 3:14

La pa David in a bawl gual ah, ka thupiakte leh ka thuse’te jawm ding ah ka dante la zui chun, la dam sung nite le hun suksau piak ding ka hi,” a tia.

1 LENGTE 3:3

Solomon chu thoimual ah gimtui hâl in, kithawi sek maleh, Lalpa a hepi ah, a pa David thuse’te chu a zui hi.

1 LENGTE 6:12

“Zia la In sak chungchâng ah hin, ka thuguatte la zui ah, ka dan bawlte la zop ah, ka thupiakte la mat ah la zui chun, la pa David kiang ah ka thutepte nang ah sudet ding ka hi.

1 LENGTE 8:23

Zia gual hin a gen a: “Aw Lalpa, Israel Pathian, nang tawh bang Pathian chung lam van ah ahiloleh nuai lam lei ah a um puai, lunggil zosia tawh la ma ah um, la suakte â dingin thuthung leh hepina det tak la vop zing hi;

1 LENGTE 8:25

Ziaziakchun, aw Lalpa, Israelte Pathian, la suak, ka pa David kiang ah, ‘La chate a chit thei ua, ka ma ah la um gual ah a um ua leh, Israelte lalchutpha kichu ding mi ka ma-âng ah tasam lo ding la hi,’ ti ah la thutiam kha guitun in.

1 LENGTE 9:5

la pa David kiang ah ka la thutep, ‘Israel lalchutpha ah kichu ding la nung ah mi tasam pua’n la,’ ka ti gual in, Israel chung ah la lalna lalchutpha kumtuang dai dingin phudet ding ka hi,” a tia.

2 LENGTE 20:3

“Aw Lalpa, ka lungthim zosia ginum tak ah la mit mu ah ka umdan leh la mit mu ah thilpha bep ka bawl sek dante hi hezing in, ti’n ka hun ni hi,” a tia. Tichun, Hezekiah chu ha-kâ in a kap tai.

2 LENGTE 23:25

Ama gual hi a masang in Leng dang him him a um kha nai puau ah, ama hi a lungthim zosia ah Lalpa lam nga chu ahi; tichun, a hinna zosia tawh, a hatna zosia tawh, Mosi dan dungzui takah tawi in a um ah, ama nung inle ama tawhbang Leng hi a um kit kha nai puai.

2 LENGTE 23:3

Ziazaw chun, Lengpa chu khuam pakhat bul in a hung ding ah, Lalpa hiatsakte leh a dan thupiakte chu pha tak ah zawm ding leh, hi’ding ah a hilnate chu lungthim leh thagau ah ti tak tak ah zui dingin leh, lekhabu kizik gual gual ah hi’ding um taphot chu hi zel dingin thu a tiam a. Tichun, mipi zosia chule zia thuthung ah chun a hung ding tau hi.

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

2 KHANGTHU 17:3

Jehoshaphat in a pa nunchan masa a zui ziakin Lalpa‘n a umpi zing ah; Baal haw chu don lo in,

2 KHANGTHU 6:16

Aw Lalpa, Israelte Pathian! La suakpa, ka pa David kiang in, La chate chun nangma gual ah ka lampite chingthei tak ah a zui ua, a lampiteu a zuikhial lo ua leh, nangma golua ah Israelte lalchutpha kichu ding mi tasam lo ding la hi, ti ah la la thutiamsa kha vopdet zing inla;

2 KHANGTHU 7:18

la pa David kiang ah, Israelte chung ah vaihawm ah pang ding, suan leh pâk tasam pua’n la, tiah thuthung ka la siam dungzui in, la lenggam lalchutpha hi sudet ding ka hi,” a tia.

SAM 119:9

Khangdawng in la thu dungzui ah, a um dan a venphat lo ngal leh, bangti’n a um dan hithiangtho thei ding a hem?

SAM 37:22

Lalpa maljawlna dongte chun gam hi lua intiu in, a sapsiatte chu mangthai in au.

SAM 37:9

Mi nunsiate chu paithâk in, hung um ding ahi ngal un; Lalpa ngâkte chun vang gam hi la lua’n au.

SAM 39:1

“Ka lei ah thil ka hikhiallona dingin, ka umdante hi vop pha’ng ka tin; mi nunsiate’n ei umpi lai siau, ka kam hi kam kânna’n huktup ing ka,” ka ti’n.

JEREMIAH 33:17

Lalpa‘n zia gual hin a gen hi: David in Israel Inkuante lalchutpha chu ding mihing tasam ta pua’n tin,

THIAMPUTE LEKHABU 26:3

Ka dan bawlte la zui ua, ka thupiakte vop ah la zui uh chun,

ZEKARIAH 14:2

Jerusalem do dingin khawvel ah nam zosia ko khawm ding ka hi’ngâl a; tichun, khawpi chu lâk hi’ntin, mite chule luaknâm hi’n tiu in, numeite chu pawng sual in um ta’n au; khawpi sung ah mihing a kimkhat chu sal ah pui mang hi’ntin, a dang cheng chu khawpi ah kipat in sukmangthai hipua’n au.

MATTHAI 22:37

Jesu’n a dawnhu a, Lalpa la Pathian chu la lunggil zosia, la hinna zosia leh la ngaituana zosia’n la hepi ding ahi,

LUKA 1:6

Amau nupân chun Lalpa thupiakte leh sep ding ah umte chu kitûp tak ah a sep ziak un, Pathian mit mu in midik leh demna umlo a hiu a.

DAN LEKHABU 10:12

Aw Israel, tu’hin Lalpa la Pathian un a hun phût chu bang ahi tam? Ama Lalpa la Pathian uh la lau ua, a lampi zosia la zui ua, la hepiu ah, Lalpa la Pathian uh chu la lungthim zosia leh la ngaituanau zosia ah ama na bep la sep ding uh,

DAN LEKHABU 11:13

Tu’ni ka thu hun piakte zosia la zop ua, Lalpa la Pathian la hepiu ah, la lungthim leh ngaituanau zosia ah ama na bep la sep uh chun:

DAN LEKHABU 6:5

Lalpa la Pathian chu la lungthim zosia’, la ngaituana zosia’ leh la hatna zosia’n la hepi ding uh ahi.

DAN LEKHABU 7:12

Zia vaihawmna dante hi zui ah, gunchu tak ah la zui uh chun, Lalpa la Pathian un la pu leh pateu kiang ah a la thutep dungzui in, a thuthung leh a ja’ngaina chu hun hi’pitin piak intin;

JUDA 1:24

Tu’hin, kipûk lo ding ah hun vengthei leh, a lopina ma ah demna bei leh kipak tak ah koi theipa,