1 LENGTE 2:3 - PATHIAN LEKHABU THIANGTHO (BSI)

³ Khoi ah le la kiheina zosia la lawtin theina dingin, Lalpa la Pathian thupiak vop inla, a lampi dan zui ding, a thuse’te vop ding, a thupiakte, a dan bawlte, a thu hiatsakte, Mosi Dan ah a zik gual in zui in.

1 LENGTE 2:3 ပူးပေါင်းရင်းမြစ်များ

2 SAMUEL 8:14

Edom ah sepai a koi ah; Edom gam pumpi’n sepai a koi ah, tichun Edomte chu a leng un David suak a hitau hi. Chuleh, David chu a kiheina lam lam in Lalpa‘n zaw’na a pejel tai.

2 SAMUEL 8:6

Ziaphatchun, David in Damaska khua’ Aramte chu sepai a koikhum ta’n; tichun, Aramte chu David suak in a pang tau ah, sia a choisak tai. David chu a chiana lam lam in Lalpa‘n zaw’na a pejel hi.

1 LENGTE 3:3

Solomon chu thoimual ah gimtui hâl in, kithawi sek maleh, Lalpa a hepi ah, a pa David thuse’te chu a zui hi.

2 LENGTE 18:7

Tichun, ama chu Lalpa‘n a umpi ah, a kiheina lam lam ah chun a lamjang pekah; Assuria lengpa chung ah hung kiphin in, a na a hun sêm nuam ta puai.

1 KHANGTHU 29:19

Chun, ka chapa Solomon hi la thupiakte, la thil hiatsakte leh la dante zawm ah, zia gual ah chu um thei ding leh ka la kiguanggal dungzui ah zia In chu sa dingin, lungthim pha bukim putsak ta’n, ti’n a gen tai.

SAM 119:111

La thu hetsakte chu ka kumkhaw go ahi’n; ziate chu ka thinlung kipakna ahi.

SAM 119:138

La vaihawmnate chu dikna leh ginumna ngen ahi.

SAM 119:2

A thu hetsak vopdet ah, a lungthim zosiau ah hawlte chu, mi vangpha a hiu;

SAM 19:7

Lalpa dan chu a pha bukim in, hinna a chok-hal sek in; Lalpa thu hiatsak chu a dik in, mimawl a hipil sek hi;

THUGENTU 12:13

A bawn ah thu khâkna chu ngaitha’i tiu: Pathian chu lau inla, a thupiak vop zing in; zia chu mitin hi’ ding ah poimaw pen ahi ngal a.

THIAMPUTE LEKHABU 8:35

La thi’lona ding un, kikhopna biakbûk kotpi bul ah sun sagi leh jan sagi la um ding uh ahi. Lalpa thupiak la zui tei tei ding uh ahi; zia gual ah bawl ding ah chu thupiak ka hi’ngâl a, a tia.

MALAKI 4:4

Ka suakpa Mosi zilsakna leh Horeb tâng ah Israelte â ding ah ka thuguatte, ka dan thute leh ka thupiakte kha hezing un.

DAN LEKHABU 29:8

A gam uh chu lâkpiak in Reubente, Gadte leh Manasseh phung kimkhatte go dingin I la pia tau a.

DAN LEKHABU 29:9

Chutichun, la thil bawlnau zosia ah la lamzan theina ding un, zia thuthungte hi gunchu tak in zawm tau in.

DAN LEKHABU 4:1

Tu’hin, aw Israel mite haw, Lalpa, la pu leh pateu Pathian in a piakna gam chu dam ah la lût ua, la lua theina ding un ka dan thu leh ka thuguatte chu ngaisak ah la zui ding uh ahi.

DAN LEKHABU 4:45

Aigupta gam ah kipat a hung pawt daw nung ua, Mosi’n Israel te kiang ah a thugente, a chanchin leh a dan thuguatte tawh,

DAN LEKHABU 4:5

Ngai un, la luana ding gam ua la zui zing ding un, Lalpa ka Pathian in thu ei piak dungzui in dante leh, thuthungte chu ka hun hil la hiu hi.

DAN LEKHABU 4:8

Tu’ni la kiang ua ka hun tâklat, dan leh dan thuthungte gual ah dik leh kitup dan nei, nam thupi dang kua a hem um?

DAN LEKHABU 5:1

Mosi’n Israelte zosia a ko khawm ah, a kiang un: Aw Israel mipite haw, tu’ni la kiang ua ka gen ding dante leh dan thupiakte hi a la ngai tiam un; ziate hi gunchu tak ah la zil ua, la zop ding uh ahi.

JOSHUA 22:5

Lalpa suak Mosi’n, Lalpa la Pathian uh hepi ah, a lampi zosia haw in, la lunggil zosiau leh la thagau zosiau ah ginum tak ah a na sêm chiat dingin thu a hun piakte kha, zia thupiak leh a dan thuguatte chu chingthei tak in zawm phot mai un,” ti’n a gen a.

JOSHUA 23:6

Ziaziakchun, Mosi dan lekhabu ah kizik zosia kha, veilam leh changlam a hem ah pêtsan lo dingin, gunchu tak ah ensui ding leh bawl dingin chingthei tak in um unla;

1 SAMUEL 18:14

Lalpa‘n a umpi ziakin David chu a kiheina lam taphot in a lawting pek a.

1 SAMUEL 18:30

Chuleh, Philistin sepai hotute chu kido dingin a hung kuandok veu sek un; a hung kuandaw si’n ua leh Saul sepaite sâng in David a lawting zaw sek ah; ziaziakchun, a minthang ma ma tai.

1 SAMUEL 18:5

David chu Saul in a sawlna lam lam in a chia ah, a lawting pek ah; ziaziakchun, Saul in a sepaite chung ah hotu dingin a siam tai.