1 LENGTE 13:3 - PATHIAN LEKHABU THIANGTHO (BSI)

³ Zia ni ma ma’ chun tepte’na khat a pia’, “Lalpa‘n a gen tepte’na chu zia hi ahi: mâichâm chu sukchip hung hi’ntin, a chung ah vutte chu butthâk hung hi’nah,” a tia.

1 LENGTE 13:3 ပူးပေါင်းရင်းမြစ်များ

1 LENGTE 13:4

Bethel ah mâichâm dem ah Pathian mi kiko chu a het phat in, Jeroboam in mâichâm ah kipat chun a khut a vak lâm ah, “Man un!” a tia. Himaleh, a khutbân chu a keugawp den ta mai ah, juk kit in a kâi kit thei ta puai.

2 LENGTE 20:8

Hezekiah in Isai kiang ah chun, “Lalpa‘n ei sudam ngei ding ahi ti tepte’na ding bang a um thei diam, a ni thum ni leh Lalpa In ah chun hang chia leng ka hethei ziang diam?” ti’n a dong a.

PAWTDAWNA THU 4:1

Ziaphatchun, Mosi’n a dawnhu ah, “Ahi’nla, amau chun ei taksang lo in, ka thugen ngaisak lo in, ‘Lalpa la kiang in a kilâk puai,’ ei la tita leu la?” a tia.

PAWTDAWNA THU 7:10

Tichun, Mosi tawh Aron chu Pharaoh kiang in a chiau ah, Lalpa gen gual ah chun a bawl tau ah; Aron in a tiangkhut chu Pharaoh leh a miliante âng ah paithâk leh gûl a hung suak ta’n.

ISAI 38:22

Hezekiah inle, “Lalpa In ah chia to kit ngei ngei ding ka hi ti tepte’na ding chu bang a hem?” ti’n a la gen a.

JEREMIAH 44:29

Zia mun ah hin hun gawt ing ka tin, la chung ua thil phalo hung tung ding ka gensa zosia hi, hung guitung tei tei ding ahi, ti la hiattheina ding un, zia hi nanghaw â ding ah tepte’na hi’n ah, Lalpa‘n a tii.

JOHAN 2:18

Ziazaw chun Judate’n, “Zia tawhbang thil la bawl hi, tepte’na bang lei musak thei em?” a tiu a.

1 KORINTH 1:22

Judate’n tepte’na a phût un, Grikte’n pilna a hawl ui.

VAIHAWMTE 6:17

Ziaphatchun, ama’nle, “La mit mu ah doisakna chang ka hi chun, ka kiang ah thugen hi nangma la hi tak tak nai ti ka hetchian theina dingin tepte’na khat ei musak in.

1 SAMUEL 2:34

La chapate pani Hophni leh Phinehas hi nang â ding ah tepte’na hi’n au; a paniu in ni khat sung ah thi ding a hiu.