1 KHANGTHU 9:1 - PATHIAN LEKHABU THIANGTHO (BSI)

¹ Tichun, Israelte zosia chu a phunggui uh kisuina dungzui chiat ah chun zik lut a hiu a; zia haw zosia chu Israel Lengte Lekhabu ah chun zik lut vek ahi. Chun, Judah mipite chu a ginum lo ziak un Babulon gam ah sal ah pui mang in a um zo tau hi.

1 KHANGTHU 9:1 ပူးပေါင်းရင်းမြစ်များ

1 LENGTE 14:19

Jeroboam nasep dangte leh a galdo dan leh, a vaihawm dante chu, ngaitia, Israel lengte khangthu ah zik hilo a hem?

2 LENGTE 24:14

Tichun, Jerusalem ah mi zosiate, lal chi zosiate, mihat minthang zosiate, mi themthiam leh thiksêkte haw tawh, a gam ah migenthei pen pente tilo sia, kuama hawi lo in, mi sîng khat chu sal in a pui mang tai.

2 LENGTE 24:15

Tichun, Jehoiakhin chu Babulon lam ah pui mang in a hung um ta’n; lengpa ji tawh, lengpa nu tawh, a miliante tawh, a gam ah mihatte tawh, a leng un Jerusalem ah kipat Babulon lam ah pui mang in a um suak tau hi.

2 LENGTE 24:16

Tichun, mihat ngen le sang sagi hial a hiu a; mi themthiam haw tawh thiksêkte lawi chu sang khat a hiu a; chutia, mihat ngen leh galdo hat ngen haw chule Babulon Lengpa chun Babulon lam ah chun sal in a la pui tai.

1 KHANGTHU 8:40

Ulam chate chu mi hat leh hangsan, thal kap thiam ngen a hiu a, tu leh cha tam tak, za leh sawmnga hial a nei ua. Ziate zosia hi Benjamin suante ngen a hiu hi.

2 KHANGTHU 33:11

Ziaziakchun, Assuria lengpa sepaite hotu haw chu Lalpa‘n hun sawl in, Manasseh chu man in thikkhau lingnei leh kol busak in, Babulon khua lam in a pui mang tau hi.

EZRA 2:1

Zia a nuai ah haw hi Babulon ah Lengpa Nebukadnezar in Judai gam ah Jerusalem khua kipat Babulon lam ah a la puimangte chu a hiuah; amau khua chiat leh Jerusalem leh Judai gam lam ah chiakitte chu a hiu hi.

EZRA 2:59

Ziate hi, Tel-melah, Tel-harsha, Cherub, Addan leh Immer khua kipat hung a hiu ah; himaleh, Israel chate lak ah kua phung leh châng pen a hiu em ti a hedok zo puau hi:

NEHEMIAH 11:1

Mipite lak ah hotute chu Jerusalem khua’n a chêng un; mipi dang cheng chu khawpi thiangtho Jerusalem ah chêng ding, amau sawmkhat jel lak ah kipat pakhat chiat têldawna dingin âi a sân un; a lak ua sawmkhat jel lak ah pakuate chu vang khawpineu dang haw ah chêng ding a tiu a.

NEHEMIAH 7:5

Ziaphatchun, ka Pathian in ka lunggil ah miliante, vaihawmte leh mipi zosia ko khawm ah a khanggui dungzui ua tepte ding dan ei hun ngaitua dawsak a. Chuleh, a hungkitte lak ah a masa pente khanggui suina lekhabu chule ka mu ta’n; a sung ah zia gual hin a kizik a:

NEHEMIAH 7:64

Ziate chunle khanggui suina lekhabu chu kikhum lut a guau ah; himaleh, a phunggui uh a kisuidaw theilo ziak un, thiampute lak ah simkhawm thei a hita puau hi, a thianglo ah ngai a hiziak un;

ISAI 3:2

mihat leh a sepaiteu, a vaihawmteu leh jawlnei, âisân thiam leh mi kumluite,

JEREMIAH 13:19

Negeb ah khawpite chu, a hong ding mi umlo in, a kikhak suak tau a; Judai gam ah mi zosia, a leng un sal ah pui mang hita’n au.

JEREMIAH 39:9

Ziaphatchun, sepai hotu lian Nebuzaradan in khawpi sung ah mipi nutsia ah um zosia tawh, ama kiang zuante tawh, a la um nalai mipi zosia chu Babulon lam ah saltâng dingin a pui mang tai.

DANIAL 1:2

Lalpa chun Judai gam ah Lengpa Jehoiakim chu a khut in a pia, chuleh, Pathian In ah ûm leh bêl khenkhat a lâk piak chule a phal a. Zia go thilte chu Shinar gam in a paw tung ah, ûm leh bêlte chu a pathian In ah go thil koi khawmna chun a koi tai.