Tichun, Levite chun Joel chapa Heman tawh, a chanaute lak ah Berekiah chapa Asaph tawh; Merari chate leh a chanauteu, Kushaiah chapa Ethan chu a teldok un;
David tawh a sepai hotu liante haw chun, Asaph, Heman leh Jeduthun chate lak ah kipat in theile, tingtang leh dakkhutbette mangcha thugen ding leh pâkna La sa dingte le a guat un. Zia mawpuakna neite min leh a mawpuaknau chu zia gual hi ahi:
Jeduthun suan ah kipat chun Jeduthun chate ma ma: Gedaliah, Zeri, Jeshaiah, Shimei, Hashabiah leh Mattithiah, pagukte hin a pau Jeduthun thunuai ah um in, theile tawh thua ah Lalpa kiang ah kipak thu gen leh pâkna La sa kawm in thu a gen diu ahi.
Amau hi a leng un Pathian biakna In ah nasepna lam ah thilgihoi jat chuam chuam, theile, dakkhutbet leh gui sawm nei chite mang ah a pa’u thupiak dungzui ah Lalpa biak In ah sêm dingte chu a hiu a. Asaph, Jeduthun leh Heman cheng chu lengpa thunuai ah um a hiu.