1 KHANGTHU 6:31 - PATHIAN LEKHABU THIANGTHO (BSI)

³¹ Ziate hi Lalpa In ah thuthung thingkuang a koilut phat ua La sakna lam ah mapui ding ah David in a guatte chu a hiu.

1 KHANGTHU 6:31 ပူးပေါင်းရင်းမြစ်များ

2 SAMUEL 6:17

David in a koina ding ah puanbûk a bawlna mun ah, a umna ding tak ah chun Lalpa thuthung thingkuang chu a koi tau ah; tichun, David in hâlmang thillat leh kichamna thillat dingte chu Lalpa âng ah chun a lân tai.

1 LENGTE 8:4

Tichun, Lalpa thuthung thingkuang, kikhopna puanbûk leh puanbûk sung ah ûm leh bêl thiangtho zosia chu a hun la to ua; thiampute leh Levite chun a hun paw to tau a.

1 KHANGTHU 15:1

David khawpi chun David in a In dingte a sa ta’n, Pathian thuthunna thingkuang umna dingle a siam ah, puanbûk a jak piak a.

1 KHANGTHU 15:25

Tichun, David tawh Israel lawi upate leh sepai sang khat chung ah thuneite chu a chiau ah, Obed-edom In ah kipat Lalpa Thuthung thingkuang chu kipak tak ah vapawdok dingin a kuan tau hi.

1 KHANGTHU 15:27

David tawh Levite lak ah Thuthung thingkuang jawnte tawh, La sate leh La sate lakah puitu Kenaniah cheng chu puan malngat in a kivan un; David chu puan malngat ah kisiam thiampu puanâk in a kithuam hi.

1 KHANGTHU 6:30

ama chapa chu Shimea, ama chapa chu Haggiah; chuleh, ama chapa chu Asaiah ahi.

1 KHANGTHU 6:32

Jerusalem khua Lalpa In ding Solomon in a sak masang ah, mipi kikhopna biakbûk ah Pathian hona La sa pawlte chu a hiu a; tichun, a hunbî dungzui in La chu sa’n, na a sêm sek ui.

1 KHANGTHU 9:33

Chun, a sun a jan ah mawpua a hiziak un, Levi Inkuante lakah La sakna lam ah hotute chu tempul pindan ah chun a chêngden un; mawpuakna dang vang bangma piak belap ahi puau hi.

EZRA 3:10

Insa mite’n Lalpa Tempul suangphûm ding a koi lai un, Israelte lengpa David thupiak dungzui in, Lalpa pâk dingin thiampute chu a thiampu van ua kithuam in pengkulte chawi in, Levite leh Asaph chapate chunle vai khutbette a chawi un;

SAM 132:14

“Zia tak hi kumtuang ah, ka cholna ding mun chu hi hen la; zia tak ah hin chêng zing ing ka, ka la têlna mun ahi ngal a,” ti’n.

SAM 132:8

Aw Lalpa, kipan inla, la cholna mun ah chia in, nang tawh la hatna bawm tawh.

EZEKIEL 40:44

Kotpi sungnung zawk pawlam ah a huang sungnung zawk ah chun, La sate â dingin pindan pani a um ah; mallam kotpi pang ah zia pindan um chun simlam a nga’n; sualam kotpi pang ah pindan um zaw chun mallam a ngat hi.