1 KHANGTHU 5:26 - PATHIAN LEKHABU THIANGTHO (BSI)

²⁶ tichun, Israel Pathian chun Assuria Lengpa Pul tawh Assuria Lengpa Tilgath-Pilneser lungthim hun choktho in, Reuben suante, Gad suante leh Manasseh phung ah mi a kimkhatte chu sal ah pui mang in, Halah, Habor, Hara khua leh Gozan luipi tiang hial in tu’ni tiang hin sal in a um khawlaw tau hi.

1 KHANGTHU 5:26 ပူးပေါင်းရင်းမြစ်များ

2 SAMUEL 24:1

Israelte chung in Lalpa lungnatna a hung puangjak kit in, a jakda lam tak bawl dingin David a chokphûl ah, ama chun, “Chia in la, Israel leh Judai gam ah mipi hi vasim in,” ti’n a sawl a.

2 LENGTE 15:19

Ziaphatchun, Menahem khutah a gam uh chu, sukdet a hi’theina ding a ngaitua ziakin Pul kiangah chun dangka talent sang khat a la pia’n.

2 LENGTE 15:29

Israel ah Lengpa Pekah vaihawm sung ah chun Assuria ah lengpa Tiglath-pilesar chu a hung kuanah, Aijon tawh, Abelbeth-maakah leh Janoah tawh, Kedesh leh, Hazor tawh, Gilead leh, Galili tawh, Naphtali gam zosiate chu a hun la ta’n, tichun amau haw chu Assuria lam ah sal in a pui tai.

2 LENGTE 16:7

Ziaphatchun, Ahaz chun Assuria ah Lengpa Tiglath-pilesar kiangah chun thangko ding mi a sawlah, a kiang in, “Keima la suak leh la chapa hi ei do dingin Israel lengpa leh Aram lengpa chu a hung kuan tauah, ziaziakchun, amau khut ah kipat ei hukdok dingin hung kuan in,” a vatisak a.

2 LENGTE 17:6

Hoshea leng ahi kum kua ahi’na chun, Assuria lengpa chun Samaria chu a hun la, Israelte chu Assuria lam ah chun sal in a pui mang ah; Gozan luilian pâm ah Halah mun leh Habor mun leh Mede khawpite ah chun a umsak tai.

2 LENGTE 18:11

Tichun, Assuria lengpa chun Israel chu Assuria lam ah a pui mang ah, Gozan lui lian pâm ah Halah leh Habor ah Mede khawpite chu a umsak tai.

2 LENGTE 19:12

Ka pu leh pate’n a suksiatsau namte, Gozante, Harante, Rezephte, Telesar ah um Eden chate haw khale a hukdok thei pathian a um ua a hem?

1 KHANGTHU 5:22

Pathian melmate do a hiziak un duaisan a that puau hi. Sal ah pui mang ahi masiau zia gam ah chun a chêng den tau hi.

1 KHANGTHU 5:6

ama chapa chu Beerah ahi’n, ama chu Assuria Lengpa Tilgath-pilnesar in sal ah a puimang kha ala hita’n; ama chu Reuben phung ah hotu lian pen a la hi.

1 KHANGTHU 9:1

Tichun, Israelte zosia chu a phunggui uh kisuina dungzui chiat ah chun zik lut a hiu a; zia haw zosia chu Israel Lengte Lekhabu ah chun zik lut vek ahi. Chun, Judah mipite chu a ginum lo ziak un Babulon gam ah sal ah pui mang in a um zo tau hi.

2 KHANGTHU 28:20

Tichun, Assuriate Lengpa Tiglath-pileser chu a panpi ding hi malak sâng in, a do dingin a hung kuan ta’n, a tawden ta ahi.

2 KHANGTHU 30:6

Tichun, lengpa leh a khawnbawlte chun lekhathot chu a thotdok zung zung ziang tau a; Israel gam leh Judai gam pumpi chun lengpa thupiak in a thotdok suak tau a; zia gual hin thupiak chu a zik un: “Aw, Israel mipite haw, Abraham, Isak leh Israel Pathian, Lalpa kiang lam ah hin hung kihei kit tau in; chutileh, ama le a thibang sunte kiang lam ah hin hung kihei kit in tin, nanghaw Assuria lengte khut ah kipat suakcha sunte hi hun nai kit ding ahi ngal a;

2 KHANGTHU 33:11

Ziaziakchun, Assuria lengpa sepaite hotu haw chu Lalpa‘n hun sawl in, Manasseh chu man in thikkhau lingnei leh kol busak in, Babulon khua lam in a pui mang tau hi.

EZRA 1:5

Judah leh Benjamin phung ah luchangte leh thiampute leh Levite lak ah Pathian Thagau in, Jerusalem khua Lalpa In sa ding ah a chaw’phul zosia chu a kuan ziang dingin a kisa zo tau a.

ISAI 37:12

Ka pu leh pate’n a la hisiat uh, Gozan, Haran, Rezeph leh Telassar ah um Eden mite zosia khale a la hukdok thei pathiante a nei him him ua a hem?

ISAI 37:18

Aw Lalpa, Assuria lengte hin namtinte gam zosia a la hise zo tau hi, ti hi a dik hi,