1 KHANGTHU 5:20 - PATHIAN LEKHABU THIANGTHO (BSI)

²⁰ chuleh, amau in panpi’na a mu phât un, Hagar suante leh a kithuapi zosiau chu a khut ua chun piak in a um tau a; kido’na chun Pathian kiang in a kiko ua, ama a muan ziak un, ama’n a dotnau a lawtin piak ta ahi.

1 KHANGTHU 5:20 ပူးပေါင်းရင်းမြစ်များ

THILSIAM THU 25:21

A ji chu a chîn ziakin Isak in Lalpa kiang in a don ah: Lalpa’n a dotna a lawtin ta’n; a ji Rebekah chun nau a hun vop tai.

THILSIAM THU 49:19

Gad hi gâl in sim intin, himaleh, ama’n a nung lam un sim zaw’n a.

1 LENGTE 22:32

Kângtalai hotute chun Jehoshaphat a mu phât un, “Zia hi Israelte lengpa hita ngei ngei in a,” a tiu a. Tichun, ama lam nga’n a do dingin a kihei tau a; tichun, Jehoshaphat a hung kikodok tai.

1 KHANGTHU 5:21

A gancha honteu chu a hun lak piak tau a: Sangawngsau sîng nga, belam nuai khat leh sîng nga, sabiltung sang ni tawh mihing salmat nuai khat a hun man tau hi.

1 KHANGTHU 5:22

Pathian melmate do a hiziak un duaisan a that puau hi. Sal ah pui mang ahi masiau zia gam ah chun a chêng den tau hi.

2 KHANGTHU 13:18

Tichun, Judah mipite chun a pu leh a pateu Pathian, Lalpa a kisuanpi ziak un, Israelte chu zo in a nuaisia tau hi.

2 KHANGTHU 18:31

Kângtalai hotute chun Jehoshaphat a mu phât un, “Zia saw Israelte leng,” a ti sek un. Tichun, ama chu a delzui sek un; himaleh, Jehoshaphat a hung kikodaw phatin Lalpa‘n a hukdok sek a. Pathian in ama chu delzui talo dingin a kihei mangsak sek a;

2 KHANGTHU 20:12

Aw, ka Pathian uh, amau chung ah hin vai hun hawm lo ding la hem? Ei hung do mipi tam tak haw hi ka dozaw theina ding un hatna bangma ka nei puau hi. Bang pen bawl ding a hem ti le ka hepuau in, nang bep ka hun etthâk mai uh la hi tai,” ti’n a pauchap a.

2 KHANGTHU 26:7

Pathian in ama chu Philistinte leh Gurbaal ah chêng Arabte leh Meun mite do dingin a kithuapi a.

2 KHANGTHU 33:13

A pauchap ah, Pathian in a dotna a hia, a thûmna a dawnhu a; tichun, a leng gam Jerusalem lam in a hun tungding kit tai. Ziaphatchun, Manasseh in Lalpa chu Pathian tak tak a hinai ti a hun he tai.

EZRA 8:23

Ziaziakchun, anngawl in zia gual chu bawl piak dingin ka Pathian kiang un ka don ngût ngût ziang tau ah; chuleh, ama’nle ka dotnau chu ei ngaitha tai.

SAM 37:39

Mi dikte hukdamna chu Lalpa ah kipat ahi’n; ama chu a lungjin lai ua kisêlna kulpi ahi.

SAM 37:40

Lalpa‘n amau chu panpi in, a hukdok sek in, ama a bêl ziak un, mi nunsiate lak ah kipat hukdok in, a hukhing sek hi.

SAM 46:1

Pathian chu I kisêlnau leh I hatnau, lungkham lai ah panpi vak ziang naicha um ahi.

SAM 9:10

Chuleh, la min hete chun a hun taksang un; aw Lalpa, nang in vang a hun hawlte chu la kilepsan ngai puai.

PAWTDAWNA THU 17:11

Mosi’n a bân a jak lai sia chu Israelte’n a zo ua; a ban a kiak niam phat leh Amalekte’n a zo ngen sek ua.

THUPILTE 29:25

Lalpa sâng ah mihing lau hi thâng kikam khum gual ahi’n, himaleh, Lalpa ah ginna ngak chu bitna ahi.

JEREMIAH 39:18

Matheilo in hun hukdok tei ding ka hiziak in, chemjam ah thâlup in um pua’n la; keima lei ginchâk ziakin la hinna chu gâl lâk ah taidok gual in um ta’n la, Lalpa‘n a tii, ti in.

DANIAL 6:23

Ziaphatchun, lengpa a kipak ma ma ziang ah, kul sung ah kipat Danial ladok dingin thu a pia tai. Tichun, Danial kul sung ah kipat in a ladok tau ah, a Pathian gin ziakin liamna neuchale a nei puai.

NAHUM 1:7

Lalpa chu a pha’n, lungdon ni ah kul det ahi; ama bêlte chu a hukhing sek hi.

EPHESA 1:12

Ei haw Khrista ah ginna a la nga masate hi a lopina pâkna I hung hi theina ding un.

JOSHUA 10:14

Lalpa‘n Israelte â ding ah a do piak ziakin zia gual ah mihing aw a ngaithâkna ni chu masang leh tu’ni tiang hinle a um ngai puai.

JOSHUA 10:42

Zia lengte zosia leh a gam uh hi, Lalpa Israelte Pathian in Israelte a dopi ziakin, Joshua’n hun khat thu in a lak piak vek a hi.

JOSHUA 23:10

Lalpa la Pathian un a la kitiamsa gual in, nanghaw â dingin gâl hun do piak ding ahi; tichun, mi pakhat in sang khat del mang ta’n lau.

1 SAMUEL 19:15

Ziaphatchun, Saul in, a mi sawlte chu David chu va en him him dingin a sawl a. A kiang un, “A lupna pum in hun puau inla, keima’n that ing ka,” a tia.

1 SAMUEL 7:12

Chuleh, Samuel in Mizpah tawh Jeshanah kikâl ah chun suang pakhat a phu ah, a min in Ebenezer a sak tai; ama’n, “Zia chan hin Lalpa‘n ei panpi ahi,” a ti ziak a hi.