1 KHANGTHU 4:10 - PATHIAN LEKHABU THIANGTHO (BSI)

¹⁰ Jabez in Israelte Pathian min a ko ah, “Ei maljawl in la ka gamgi ei kêklet piak in; chuleh, la khut in ei umpi zing hen la, ei hi’na thei lak ah kipat in ei veng ta hen!” ti’n a don a, tichun, Pathian in a dotna chu a lawtinsak tai.

1 KHANGTHU 4:10 ပူးပေါင်းရင်းမြစ်များ

THILSIAM THU 12:2

Nam lopi tak in hun siam ing ka tin, hun maljawl ing ka tin, la min hi’lian ing ka; tichun, nangma chu maljawlna hi’n la;

THILSIAM THU 12:8

Zia kipat chun Bethel sak lam tâng tiang in a kichawn ah, zia tak ah chun a puanbûk a jak ah, tumlam ah chun Bethel a um ah, sualam pang ah chun Âi khua a um hi; zia tak ah chun Lalpa â dingin mâichâm a siam kit ah, Lalpa min chu a ko tai.

THILSIAM THU 28:20

Jakob in, “Pathian ka kiang in a um ah, zia ka chiana lampi hi ei vên ah, nêk ding vaithum leh sil ding puansil Lalpa’n ei piak ahi chun,

THILSIAM THU 28:21

ka pa In lam ah lungmuang tak ah ka chia kitna dingin, Lalpa chu ka Pathian hi’ntin;

THILSIAM THU 32:26

Ama chun, “Ei tha in, khua vak ding a hita hilam,” a tia. Jakob chun, “Lei maljawl lo leh tha’lo hial ding ka hi,” a tia.

THILSIAM THU 32:27

Ama chun, a kiang in, “La min bang a hem?” a tia. Ama’n, “Jakob ahi” a tia.

THILSIAM THU 32:28

Ama chun, “La min Jakob hita pua’n tin, Israel hizaw ta’n ah, Pathian tawh mihing la buan gêl ta’n, la thazo ta’ngal in,” a ti’n.

THILSIAM THU 33:20

Zia tak ah chun mâichâm a siam ah, a min in, El Elohe Israel a sak tai.

THILSIAM THU 48:16

siat theina zosia lak ah ei humbitpa vansawlchâk chun, naupangte hi maljawl ta hen; keima min tawh, ei suante Abraham tawh, Isak min chu amau ah kipat in het zing in um ta hen; lei chung ah hin nasa tak ah hung khang in, hung pung tau hen,” a tia.

1 KHANGTHU 16:8

Aw Lalpa kiang ah kipak thu gen in, a min thiangtho chu ko unla; nam tin lak ah a thil bawlte hiatsak tau in.

1 KHANGTHU 4:11

Shuhah suapipa Khelub in Mekir a hing ah, ama chun Eshton a hing hi.

1 KHANGTHU 4:9

Jabez chu a suapite lak in a ja’um pen ah; a nu’n, “Nat gimpi tak ah ka hin ahi,” a ti ziakin, Jabez min chu a phuak ahi.

JOB LEKHABU 12:4

Ka gualte nuizatbûk ka hi; keima, Pathian ko ah a dawnhu sek, midik leh demna bei hi’ngâl in, mi nuizatbûk ka hi tai.

SAM 119:173

La khut chu ei panpi ding ah kisa zosa’n um hen, la thununna thute chu ka têl ta ngal a.

SAM 121:7

Lalpa‘n thil phalo lak ah kipat in hun vêng intin; la hinna voptup in a.

SAM 145:19

Ama laute lungtup chu a lawtin sek in; a kiko thawm uh hia’n a hukdok sek hi.

SAM 21:4

Ama’n hinna a don ah, kumtuang, kumtuang ah dam sawtna la pia tai.

SAM 51:12

La hukdam limna chu ei pia kit inla, la thu mang zing thei dingin ei vop in.

SAM 51:8

Limna leh kipakna ei hiatsak inla, ka gu la gawtnawite hi lim kit tau hen.

SAM 55:16

Ke’n vang Pathian ka ko ah, Lalpa‘n ei hukdok ding ahi.

SAM 65:2

Aw, pauchapna ngaithapa! La kiang ah mi zosia hung tau hen.

SAM 72:17

A min chu kumtuang ah het zing in um hen la, nisa a um sungsia a minthanna chu um zing hen. Nam zosia ama ah chun maljawl in um uh hen la; nam zosia’n ama chu mi hampha hun tiu hen.

SAM 99:6

A thiampute lak in Mosi leh Aron a pang un; a min lamte lak in Samuel le a pang hi. Lalpa a ko un, a hun dawnhu tai!

THUPILTE 10:22

Lalpa maljawlna chun a hihausa sek in, lungngaina a belap ngai puai.

THUPILTE 30:8

Ka mantheilona leh, zuautheina him him ei lâk mang piak inla; chatgana a hem leh neinunna, a khoi zawk zawk hile ei pe kin; ka mamaw jat an chun ei vak zaw’n;

ISAI 41:10

lau him him kin, ka hun umpi zing hi; lung lau kin, la Pathian ka hi’ngâl a. Hun hi’hat ing ka tin, hun panpi ding ka hi; ka zaw’na khut changlam in, hun domsâng ding ka hi.

ISAI 41:17

Migenthei leh chagate’n tui a hawl phat uh leh, bangma a mu ding uh umlo ah, dangchâk ziakin a lei uh chu a keu zaw tak leh; Keima Lalpa hin dawnhu ing ka tin, Keima Israelte Pathian hin amau chu nusia lo ding ka hi.

JEREMIAH 33:3

Ei ko in, chutileh hun dawnhu ing ka tin, la het ngai lo thil thupi takte leh kisêlgute hun hil ding ka hi.

MATTHAI 26:75

Ziazaw chun, Peter chun, Jesu thugen, “Âk khua’n ma’n nang in thumvei ei kilepsan ding la hi,” a ti kha a hun hedok ah; a pawt in, ha kâ in a vakap tai.

MATTHAI 6:13

Gilo ding ah thepna hun in ei puilût kin la, gilo lak in ei hukdok zaw’n: Gamte, thil hi’theinate, lopinate, kumtuang in nang â ahi, Amen,” ti in.

LUKA 19:42

“La thamuanna ding ah thil hung tung chu, tuni bêk ah hin he ta mai lechin aw! Himaleh, tu’hin la mit ah kipat sêlmang in a um tangal in.

JOHAN 10:28

Chuleh, a kiang un kumtuang hinna ka pia’n, bangtik chan inle mangthai pua’n au. Kuama’n ka khut ah kipat ei lâkpiak pua’n au.

JOHAN 21:17

A thumveina chun, “Simon, Johan chapa, nang in kei lei hepi em?” a ti kit a. Peter chu, a thumveina, “Nang in lei hepi em?” a ti ziak ah chun a lungthim a na ta’n; a kiang in, “Lalpa, nang in bangkim la he hen, ka hun hepi hi ti le la hia’i,” a tia. Jesu’n a kiang in, “Ka belamte vâk in;

NASEPTE 3:26

Pathian in a suak chu a tundaw lai in, la bawsiatnateu la hun haisan ua, a hun maljawl kit theina dingin, nanghaw kiang in a hun sawl masa ahi, ti’n a gen a.

ROMTE 12:9

Hepina chu dawha panglo hihen la. Thil phalo chu huau inla, a pha chu tudet tau in.

ROMTE 16:19

La thu mat dan uh mi zosia lak in a kithang tangal a. Ziaziakchun, nangmau chung thu ah ka kipak hi; ahi’n, thilpha lam ah la pil ua, thil phalo lam ah la mawl uh ka dawi hi.

1 KORINTH 1:2

Korinth khua Pathian kochuam, Khrista Jesu ah sukthianthote, mi thiangtho hiding ah ko hite leh mun tin ah I Lalpau, eimau Lalpa leh amau Lalpa, Jesu Khrista min lam tapote kiang in:

EPHESA 1:3

I Lalpau Jesu Khrista Pa leh Pathian chu pâk in um ta hen. Ama chun van mun ah te’n thagau lam maljawlna chitin in Khrista ah chun ei maljawl a,

EPHESA 3:20

Tu’hin, eimau ah sêm sek thilhitheina gual in, I dot leh I ngaituana zosiau khêl ah lopi zaw ah hitheipa kiang ah chun,

EPHESA 4:30

Ahi’n, Pathian Thagau Thiangtho chu hi’lungngai kiu in; tatna ni ding ah chun ama ah chun tepte la hi tangal un.

2 TIMOTHI 4:18

Lalpa chun thil phalo ei dote zosia lak ah ei hukdok intin, a van-gam chu bit tak in ei tun in a. Ama kiang ah chun lopina kumtuang in um ta hen. Amen.

THUPUAN 3:19

Ka lungsiatte chu ka gai sek ah, ka thunun sek hi; ziaziakchun, phatchuamngai inla, la lung hun hei ta’n.

1 SAMUEL 1:17

Ziaphatchun, Eli in, “Thamuang tak in chia ta’n; Israelte Pathian in la dotna chu a hun lawtin tai,” ti’n a dawnhu a.

1 SAMUEL 1:20

A hun tak in Hannah in nau a hun vopah, chapa a hun hing tai. A nu chun, “Lalpa kiangah ka dotdaw ahi,” a ti ziakin a min in Samuel a sa tai.

1 SAMUEL 1:26

Chuleh, a nu chun, “Aw he pu! Ka Lalpa hinna sâl in ka ti ahi; kei hi Aw Lalpa, zia tak ah la kiang ah hung ding ah Lalpa kiang ah pauchap kha ka hi.

1 SAMUEL 1:27

Zia naupang hi donah pauchap ka la hi’ngâlah; chuleh, Lalpa‘n a kiang ah ka dotna chu ei law tinsak ta ahi.