1 KHANGTHU 29:3 - PATHIAN LEKHABU THIANGTHO (BSI)

³ Zia bep chule hilo in, zia In thiangtho sakna ding ah ka la bawl cheng bân ah hin, ka Pathian In sak ding ka lung lut ma ma ziak in, keima nei leh lamte lak ah a pha cha cha, sana leh dangka thikte zosia chule ka Pathian Insakna ding ah hin ka pedok sik sek ta ahi;

1 KHANGTHU 29:3 ပူးပေါင်းရင်းမြစ်များ

2 LENGTE 12:4

Jehoash in thiampute kiang ah chun, “Dangka Lalpa In ah kipia a kilânsa, mi pakhat chiat leh mi tin thasâng ah, kiphalna dungjui ah Lalpa In ah hun kichawi chu tawh,

1 KHANGTHU 21:24

Himaleh, Lengpa David in Ornan kiang ah chun, “Ahipuai; a man dik tak ka hun piak ding ahi. Nang neisa lak piak in Lalpa kiang ah pia thei pua’ng ka tin, keima sênna pang lo in hâlmang thillat chule la’n thei pua’ng ka,” a ti tai.

1 KHANGTHU 29:2

tichun, ka hi’thei tawp sua in ka Pathian Insakna van ding chu ka la guanggal ta’n; sanate chu sana ah pang dingin, dangka thikte chu dangka thik ah pang dingin, sum-engte chule sum-eng ah pang ding, thikte chule thik ah pang dingin, thingte chule thing ah pang dingin leh a zechuam chuam ah cheina ding onik leh suang mantam chi chuam chuamte, suang mantam jat chuam chuamte leh marbul tam tak, kiningting tak ah mat dingin ka lakhawm zo tai.

1 KHANGTHU 29:4

Ophir sana talent sang thum, In bâng zutkhumna ding dangka kisuthiang talent sangsagi tawh,

SAM 26:8

Aw Lalpa, la chênna In, la lopina umna chu ka ngaina na e!

SAM 27:4

Lalpa kiang in thil pakhat ka don ah, zia bep chu hawl zing ing ka: Ka damsung sia Lalpa In ah um zing ah, Lalpa mêlphat zia mu ding leh, a tempul ah a thu dong ah um zing dingin.

SAM 84:1

Aw, sepai honte Lalpa, la umna chu ngainat a um na e!

SAM 84:10

La biak In huang sung ah ni khat mai um hile, mundang ah ni sang khat um sâng in a pha zawi. Nunsiatna puanbûkte ah chênden sâng in, ka Pathian biak In kotkhak ngâk ah, panle ka nuam zawi.

PAWTDAWNA THU 25:2

“Israelte chun kei â ding ah thilpiak pakhat chiat hun chawi dingin gen inla; kua’nle a lungthim ah kiphalna a nei dungzui chiat ua a piak taphot uh chu, ka kiang ah thilpiak dingin la sân ding ahi.

LUKA 7:5

“Ama chun ka nam uh le a lungsiat ah, ka sunagog In uh le ei sak piak ahi,” a tiu a.