1 KHANGTHU 29:2 - PATHIAN LEKHABU THIANGTHO (BSI)

² tichun, ka hi’thei tawp sua in ka Pathian Insakna van ding chu ka la guanggal ta’n; sanate chu sana ah pang dingin, dangka thikte chu dangka thik ah pang dingin, sum-engte chule sum-eng ah pang ding, thikte chule thik ah pang dingin, thingte chule thing ah pang dingin leh a zechuam chuam ah cheina ding onik leh suang mantam chi chuam chuamte, suang mantam jat chuam chuamte leh marbul tam tak, kiningting tak ah mat dingin ka lakhawm zo tai.

1 KHANGTHU 29:2 ပူးပေါင်းရင်းမြစ်များ

THILSIAM THU 2:12

Zia gam ah sana chu a hoi ma ma ah; zia tak ah chun bdelium leh onik suangmantamte le a um hi.

1 KHANGTHU 29:19

Chun, ka chapa Solomon hi la thupiakte, la thil hiatsakte leh la dante zawm ah, zia gual ah chu um thei ding leh ka la kiguanggal dungzui ah zia In chu sa dingin, lungthim pha bukim putsak ta’n, ti’n a gen tai.

1 KHANGTHU 29:3

Zia bep chule hilo in, zia In thiangtho sakna ding ah ka la bawl cheng bân ah hin, ka Pathian In sak ding ka lung lut ma ma ziak in, keima nei leh lamte lak ah a pha cha cha, sana leh dangka thikte zosia chule ka Pathian Insakna ding ah hin ka pedok sik sek ta ahi;

2 KHANGTHU 3:6

Suang mantam chi chuam chuam in zia In chu jem ahi. Zia sana kimangte chu Parvaim gam ah kila lut ahi.

JOB LEKHABU 28:1

Dangka chawdawna khûk a um ngei ah, sana hâlthianna mun le a um hi.

JOB LEKHABU 28:16

Ophir sana’n a tuk thei pua’n, onik leh sapphire suang mantamte’n le, a tuk zo puau hi.

PAWTDAWNA THU 28:17

Suang mantam chi chuam chuamte chu tian li ah tiang in jem hoi in: a tian masa pen ah chun: karnelian, khrusolit, emeral;

PAWTDAWNA THU 28:20

a tian li’na chun: beril, onik leh jaspar tiang in: zia suang mantamte hi sana kikhuak sung ah chun phum chiat ding ahi.

PAWTDAWNA THU 28:9

Chuleh, Onik suang mantam pani la’n la, zia chung ah chun Israel nam sawm leh nite min la sut ding ahi.

PAWTDAWNA THU 39:13

a tian li’na chun beril, onik leh jaspar suangte a hiu a; amau chu min namna kijemmawi gual chiat ah bawl ahi.

PAWTDAWNA THU 39:6

Chun, sana pumphial ah Onik suang umte jemna jam kual vêl kikâl ah te chun, Israel chate min dungzui chiat in min namna gual in a zik a.

THUGENTU 9:10

La khut in sep ding a mu taphot chu, bang hilehle theitawp sua in sêm in; la chiana ding Sheol mun ah chun nasep ding, ngaitua buai ding, het ding a hem leh pilna le a um ta pua ngal a.

MATTHAI 4:24

Suria gam zosia’n a chanchin a thang suak ta’n; tichun, damlo zosia, hivei nei leh natna tincheng thuakte, thithabuak matte, hipût neite leh zengte haw chu a kiang in a hun pui ua; a la hi’dam suak tai.

2 KORINTH 8:3

A nei dungzui un, ahi, a nei khêlvâl ua huangphal tak in a piau hi ti ka hetpi hi.

KOLOSSA 3:23

Bangkim la hi’tapo uh chu mihing â gual ah sêm lo in, Lalpa â ding gual zaw’n thanuam tak in sêm un.