1 KHANGTHU 28:9 - PATHIAN LEKHABU THIANGTHO (BSI)

⁹ Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

1 KHANGTHU 28:9 ပူးပေါင်းရင်းမြစ်များ

THILSIAM THU 28:13

Chuleh, a kiang in Lalpa a hung ding ah: “Kei hi Lalpa, la pu Abraham Pathian, Isak Pathian chu ka hi: la lupna lei kha nangma leh la suante kiang in hun pia’ng ka;

THILSIAM THU 6:5

Chun, Lalpa’n lei chung ah mihing gitlo dan nasat zia leh a lungthim ngaituanau zosia le gitlona dim zing ahi ti a he ta’n.

THILSIAM THU 8:21

Lalpa’n a gim namtui chu a het phat in a lungthim in, “Mihingte ziakin lei chung hi hânsia law kit ta pua’ng ka; mihing lungthim ngaituanate chu a naupan lai ua kipat gilo ngen ahi ngal un; tu’hun ah ka gawtna gual hin mihing zosia hi gawt kit ta pua’ng ka.

1 LENGTE 3:6

Solomon in, “Ka pa, la suak David ginumna tawh, a dik tatna tawh, thu tak ah la âng ah a um dungzui in lungsiatna lian tak la musak ah, tu’ni tiang ah hin, a lalchutpha chu ding chapa la pia’n, zia nunnemna lian tak chu la vop ahi.

1 LENGTE 8:39

la chênna vân ah ngaitha’n la ngaidam in, mi tin a lungthim uh la het gual in dit in; mi tin a umdan tawh kigûn chiat in thuk in; nang bep in mihing lungthim la he ngâl a;

1 LENGTE 8:43

la chênna van ah ngaitha’n la, gam dang mite chunle a hun konau gual in bawl piak in; chutichun, la mi Israelte gual ah hin, lei ah mipite zosia’n la min a hun het ua, a hung lau theina ding un leh, zia ka In sak ah hin la min kiko ahi ti a hettheina ding un.

1 LENGTE 8:61

Ziaziakchun, tu’ni gual hin, a thugelte zui ding leh, a thupiakte mang dingin Lalpa I Pathian kiang ah la pum un kilândok tau in, ti in.

2 LENGTE 20:3

“Aw Lalpa, ka lungthim zosia ginum tak ah la mit mu ah ka umdan leh la mit mu ah thilpha bep ka bawl sek dante hi hezing in, ti’n ka hun ni hi,” a tia. Tichun, Hezekiah chu ha-kâ in a kap tai.

2 LENGTE 21:22

Tichun, a pu leh pate Pathian, Lalpa chu a kihei mangsan tai; Lalpa lampi chu zui khâkna a nei ta him him puai.

2 LENGTE 22:2

Ama hin, a pa David lampi a haw ah; Lalpa mit mu in thil dik tak in a bawl ah, a veilam leh a changlam inle a pêtmang kha him him puai.

1 KHANGTHU 22:19

Tu’hin, la lungthim leh ngaituanau chun Lalpa la Pathian uh hawl tau in. Kipan unla, Lalpa thuthung thingkuang tawh, Pathian ûm leh bêl thiangthote chu a In ah koikhawm hiding in, Lalpa min in Lalpa Pathian a ding ah mun thiangtho chu hun tungding tau in,” ti’n a gen tai.

1 KHANGTHU 28:8

Ziaziakchun, tu’hin, Israel mipi zosia leh, Lalpa mipite leh I Pathian un a het ngei ah hin, Lalpa la Pathian uh thupiakte chu gunchu tak in en un la hawl un; chutileh, zia gam pha tak hi lua in la tiu in, la nung ua la chateu in a kumkhaw go dingin nutsia piak ding la hiu.

1 KHANGTHU 29:9

ziaphatchun, zia mite chun kiphal tak ah a piak ziak uh leh, Lalpa a ding ah lung kigual takah a piak ziak un mipite chu a kipak ma mau ah; Lengpa David chule a kipak ma ma ziang hi.

2 KHANGTHU 12:5

Ziaphatchun, jawlnei Shemaiah chu Rehoboam tawh Judah mipi hotute, Shishak lau ziak ah Jerusalem khua hung khawmte kiang ah chia in, a kiang un: “Lalpa chun zia gual hin a gen hi: Lei kihei mangsan zaw tak ziak un ke’nle Shishak khut ah um dingin ka hun nusia ngâl la hiu,” ti’n a gen a.

2 KHANGTHU 15:2

Asa kiang in a chia ah, zia gual hin a genah: “Lengpa Asa leh Judah leh Benjamin phung ah mi zosiate haw, ka thugen hi ngai tiam un: Lalpa ah la um sungsiau chu ama’nle a hun umpi hi. Ama la bawlphat ua leh hung kimusak intin; ahi’n, ama la nutsiau leh vang ama’nle hun nusia ngal ding ahi.

2 KHANGTHU 6:30

la umna van ah kipat in hun ngaitha’n la, ngaidam inla, a lungthim dungzui chiat un dawnhu in; nangma bep in mihing lungthim ngaituana la he ngal a.

EZRA 8:22

Lengpa kiang in, ka Pathian uh doisakna khut chu ama hawlte zosia chungah um sek leh, ama dodâl leh nusia zosiate chungah a thilhitheina leh a lungnatna chu sek ahi ti ka la hil tâk ziak un, lam kâl ah mêlma ei hung do dingte lak ah ei vêng ding sepai hi’n, sakol chungchuang mi bang a hem jat vêl lengpa kiangah dot ding chu la ka zak a cha ta’n.

SAM 101:2

Demna bei lampi chu zil ing ka. Zia chu bangtik leh ka chang diam? Ka In sung ah thinlung thiangtho in um ing ka.

SAM 139:2

Nang in ka chut leh ka din la hia’n; gamla tak ah kipat in ka ngaituanate la hia’i.

SAM 17:3

Ka lungthim enchian in, jan in ei kantha’n, ei patep malechin, keima ah hin nunsiatna him mu pua’n la; ka kam inle a genkhial puai.

SAM 18:2

Lalpa chu ka suangpi, ka kulpi det leh ei hukdokpa ahi; ka Pathian, ka kisêlna suangpi, ka phaw leh ka hukdamna kî leh ka kulpi ahi.

SAM 7:10

Lungthim dik tak pute hukdokpa Pathian chu ka phaw ahi.

SAM 7:9

Aw migilote thil bawlsiat chu hi’tawp inla, mi dikte vang phudet ta’n; Aw Pathian dik tak, lungthim leh ngaituanate enchianpa la hi’ngal a.

SAM 89:26

Ama’n kei kiang ah, ‘nangma hi ka Pa, ka Pathian leh ka hukdamna Suangpi chu la hi!’ ti’n a.

SAM 89:38

Himaleh, nang in tu’hin la pâm pai in, la dawi ta pua’n; la sathaunu’ chung ah lungnatna’n la dim tai.

SAM 9:10

Chuleh, la min hete chun a hun taksang un; aw Lalpa, nang in vang a hun hawlte chu la kilepsan ngai puai.

PAWTDAWNA THU 15:2

Lalpa chu ka hatna leh ka thâ ahi, ama chu ka hukdamna a hung hi tai: Zia hi ka Pathian ahi, ama pakcha’ng ka, ka pa Pathian, ama chu chawisâng ing ka.

PAWTDAWNA THU 3:16

Chia inla, Israel upate ko khawm inla, a kiang un, ‘Lalpa, la pu la pateu Pathian, Abraham Pathian, Isak Pathian leh Jakob Pathian chu ka kiang in a hung kilâk hen, zia gual hin a gen hi: Aigupta gam ah, bang bang la chung ua tung a hem ti ka he’n, ka hun ngaisak zing la hiu;

THUPILTE 17:3

Dangka thik chu bêl ah awmtui ah sukthian ahi’n, sana chu meipi ah hâl thiantho a hisek in; lungthim ngaituana chu vang Lalpa‘n a patep sek hi.

THUPILTE 3:6

La lampi zosia’n ama dong zing le chin, ama’n la lampi hun siamzan piak in a.

THUPILTE 4:4

ei ziltil in, ka kiang ah: “La lunggil in ka thute hi vop det zing inla; ka thupiakte hi zawm inla, damna’n nei in,” ei ti’n.

ISAI 1:28

Ahi’n, migilote leh thil hikhial te chu, hisiat khawm in um ta’n tin uh; chuleh, Lalpa ngaisaklote chu, sukchimit in um in au.

ISAI 38:3

“Aw Lalpa, tu’hin hezing in, ka lungthim zosia’ ginum tak ah la mit mu ah ka umdan leh, la mit mu ah thilpha bep ka bawl sek dante hi hezing in, ti’n ka hun ni hi,” a tia. Tichun, Hezekiah chu ha-kâ in a kap tai.

ISAI 45:19

Thimna gam ah hin a gûk in bangma ka gen puai; Jakob suan leh pâkte kiang in, “Buaina lak in ei hawl un,” ka ti ngai puai. Keima Lalpa hin thudik ka gen a, a dikte bep chu ka taklat sek ahi.

JEREMIAH 11:20

Himaleh, nangma Sepai honte Lalpa, dik tak ah vaihawm ah, mihing lungthim leh ngaituana pateppa, a chung ua phuba la lâkna chu ei musak in, la chung in ka um ding dan zosia ka nga ta’ngal a.

JEREMIAH 17:10

A umdan dungzui ua thuk ding leh, a nasep gau tawh kigûn ah pia ding in, keima Lalpa hin lungthim chu patep in, ka enchian zing ahi.

JEREMIAH 20:12

Aw, sepai honte Lalpa, nang in mi dikte chu la patep in, a lungthim leh ngaituanau la mu suak hi; a chung ua la phuba lâkna chu, ei musak in aw, ka chung thu hi ka hun kolsak ta’ngal a.

JEREMIAH 22:16

Michaga leh tasamte panpi’n vai a hawm ah, zia chu ama â dingin a pha ngâl a. Zia chu keima ei hetna ziak hilo maw? Lalpa‘n a tii.

JEREMIAH 24:7

Chun, keima hi Lalpa ka hi ti ei hiattheina ding un lungthim khat pia’ng ka; a lungthim zosiau ah ka kiang lam ah hung kile’kit ta ding a hiziak un, amau chu ka mipite hita’n tiu in, keile a Pathian uh hita’ng ka.

JEREMIAH 29:13

Lei hawl ua, la lunggil zosiau ah lei hawl uh chun, ei mu ngal ta’n lau;

JEREMIAH 29:14

hun kimusak ding ka hi, Lalpa‘n a tii; chuleh, vangphatna hun vuk ing ka tin, nam tinte leh gam tin ah sal ah ka hun nawmangna mun zosia ah kipat in, hun tungding kit in, hun pui khawm ing ka tin, la gam lam un hun pui tung kit ing ka, Lalpa‘n a tii.

JEREMIAH 31:34

Chuleh, kuama’n, “Lalpa chu he ta’n,” ti’n kihil ta pua’n au; a lian pen ah kipat a neu pen tiang in, a leng un ei hesuak ta ding ahi ngâl un, Lalpa‘n a tii; chuleh, a khawlonau chu ngaidam in, a gitlonau chu hezing talo ding ka hi.

JEREMIAH 9:24

a suang nuam tapo in, Keima Lalpa hi, ngilneinate, vaihawm diknate, felnate leh zia lei chung ah mang sek ka hi ti ei hiatthiamnau chu suang zaw tau hen; zia chu ka lung lam ahi ngal ah, Lalpa‘n a tii.

EZEKIEL 11:5

Ziaphatchun, Lalpa thagau in ei hun thuam ah, ka kiang in, Lalpa‘n zia gual hin a gen hi, ti’n la: “Aw Israel Inkuante haw, la lungthim ua la ngaituanau chu ka hia’i.

EZEKIEL 38:10

Lalpa Pathian in zia gual hin a gen hi: Zia ni chuleh, thil phalo hun ngaitua inla tin, phalo tak ah bawl ding dan hun guanggal ding la hi.

HOSEA 4:1

Israel mipite haw, Lalpa thu hi ngai un; zia gam ah chêngte hi, Lalpa‘n thiamlo chansak in a awimaw hi. Zia gam ah hin ginumna leh thutakna a um ta pua’n; Pathian hetna le a um ta puai.

HOSEA 4:6

Ka mite chu hetna a tâksap ziak un sukmangthai a hiu a; nang in hetna la paithâk ziakin, ka thiampu la hi’na kipat in ka hun paitha tai. La Pathian dan la hetmil tâk ziakin, ke’nle la chate hemil ding ka hi.

JOHAN 1:47

Jesu’n a kiang lam zuan ah Nathanael hung chu a la mu in, a chung thu a la gen a, “En tiam un, Israel mi tak, zuauthepna neilo mi saw!” a tia.

JOHAN 17:3

Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

JOHAN 2:25

A ziak chu, kuama gen piak hilo in, a man mihingte lungput dan chu a he suak hi

JOHAN 21:17

A thumveina chun, “Simon, Johan chapa, nang in kei lei hepi em?” a ti kit a. Peter chu, a thumveina, “Nang in lei hepi em?” a ti ziak ah chun a lungthim a na ta’n; a kiang in, “Lalpa, nang in bangkim la he hen, ka hun hepi hi ti le la hia’i,” a tia. Jesu’n a kiang in, “Ka belamte vâk in;

JOHAN 4:24

Pathian chu Thagau ahi’n, ama ho dingte chun, thagau leh thutak in a ho diu ahi,” a tia.

JOHAN 8:55

ama chu helo maleu chinle, keima’n vang ama chu ka hia’i; ama chu ka hepuai ti leng, nanghaw gual tho ah zuau thei hiding ka hi; himaleh, ama chu ka hia, a thule ka jawm ahi.

NASEPTE 1:24

Chun, a pauchap ua, “Lalpa, nang in mi zosia lungthim la hia’i. Zia mi panite lak ah la têl zawk chu ei hun hetsak in,

NASEPTE 17:23

Khawpi sung ah ka vâk vêl vêl in, la ho leh biak danteu hi ka mu ta’n, mâichâm pakhat ah chun lekha kizik, “Hetlo Pathian Kiang Ah,” kiti ka mu hen. Zia hetlo ah la biak uh chanchin chu ahi ka hun hiatsak nop.

NASEPTE 17:30

Pathian in I mawllai hunteu ah ei ngaithiam ah; ahi’n la, tu’hin gamtin ah mi zosia chu lunghei dingin thu a pia ta ahi;

1 KORINTH 15:34

Ngaituana pil leh dik tak hun nei unla, gitlo bawl ta kiu in; mi khen khat hin Pathian hetna a nei puau hi; la jachâkna ding ua ka gen ahi.

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.

2 KORINTH 8:12

Thâtnopna a um ah, min a neilo gual hilo ah, a nei tawh kiphutawk ah a piak chu kipakpi a um ngal a.

2 KORINTH 9:7

Mi zosia’n phal lo sa sa’n pawngchangsan ah piak ding ah ngai ah pia hilo in, lunggil ah a tup gual un pechiat uh hen; kipak tak ah pete chu Pathian in a kipakpi hi.

DAN LEKHABU 10:12

Aw Israel, tu’hin Lalpa la Pathian un a hun phût chu bang ahi tam? Ama Lalpa la Pathian uh la lau ua, a lampi zosia la zui ua, la hepiu ah, Lalpa la Pathian uh chu la lungthim zosia leh la ngaituanau zosia ah ama na bep la sep ding uh,

DAN LEKHABU 31:21

Buaina huaisia tak a chung ua a hung tun phat leh, zia La hi a hetdawsaktu hung hita’n ah; a suanteu kam ah kipat hetmil ziang thei hilo ding ahiziak in. Tu’hun ziang ah hinle, ka tiamna gam ah ka puilût masang ziang hinle, a ngaitua danteu chu ka hiatsa him ahi ngâl ah,” a tia.

DAN LEKHABU 4:35

Lalpa bep hi Pathian ahi’n, ama tilo ngâl a dang umlo ahi, ti la hiatsak theina ding un la kiang ua tâklat ahi.

HEBRAITE 12:28

Ziaziakchun, lenggam suklîng theilo chu chang I hi tâk ziak un, kipak thu gen hitiu; tichun, ja tak leh lau kawm in, Pathian ei pom tâk ding ah biakna chu nei thei bep ding I hingal un;

HEBRAITE 4:13

Thilsiam ama mit mu ah kilang lo a um pua’n; I chanchin uh I genna ding un, pa mit mu in thil zosia ngawnchang leh kihongsa kilang zing ahi.

1 PETER 5:2

La khut ua vopsak ah um, Pathian belam hon chu chingtup un; hi’ ding a hiziak bep hilo in, Pathian thu gual ah thanuam tak zaw’n, lawkna hawl ziak le hilo in, lungthim ah dawi tak zaw’n,

THUPUAN 2:23

chuleh, a chate chule that ding ka hi. Kochuam zosia chun keima hi ngaituana leh lungthim zosia enchianpa ka hi ti hun he ta’n au; tichun, la nasep dungzui un hun thuk ta’ng ka.

1 SAMUEL 12:20

Samuel in mipite kiang ah chun, “Lau kiu in; zia gual khop ah chun a la bawlkhial ta maleu chinle, Lalpa nusia kiu inla, la lungthim zosiau in Lalpa na sêm tau in;

1 SAMUEL 16:7

Himaleh, Samuel kiang ah Lalpa‘n, “A mêl latdan a hem leh a din sândan in en kin la, zia gual mi chu ka paithâk ahi, Lalpa chun mihingte et dan in a en puai; mihingte chun a paw lam mêl latdan a en sek un, Lalpa‘n vang lunggil lam a en sek hi,” a tia.