1 KHANGTHU 28:8 - PATHIAN LEKHABU THIANGTHO (BSI)

⁸ Ziaziakchun, tu’hin, Israel mipi zosia leh, Lalpa mipite leh I Pathian un a het ngei ah hin, Lalpa la Pathian uh thupiakte chu gunchu tak in en un la hawl un; chutileh, zia gam pha tak hi lua in la tiu in, la nung ua la chateu in a kumkhaw go dingin nutsia piak ding la hiu.

1 KHANGTHU 28:8 ပူးပေါင်းရင်းမြစ်များ

1 KHANGTHU 28:7

Tu’ni hun ah ka thupiakte leh ka dan thuguatte a vopdet gual ah a vopdet zing nâk ahi chun, a lenggam chu kumtuang dai dingin tungding ding ka hi,” ti in.

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

EZRA 9:12

Ziaziakchun, la hung hat ua, a gam phatna ga la nêk ua, la chateu in go ah a luaden ding ua la nutsia piak theina ding un, la chateu chu a chapateu ji dingin pekiu inla, amau chanute chule la chapateu ji dingin la diak kiu in; amau tawh kihothei gaw kiu inla, a nei a lamteu le enla kiu in, la ti’n.

SAM 119:27

La thununna lampite chu ei hiat thiamsak inla, tichun, la thilbawl lamdang takte chu, ngaitua ta’ng ka.

SAM 119:4

Nang in la thununna thute chu, phatchuamngai tak ah ka vop theina dingin, thu lei pia ta ngal a.

SAM 119:44

Kumtuang kumtuang ah chawl lo in, la dan chu vop zing ta’ng ka.

PAWTDAWNA THU 23:13

La kiang ua ka gen zosia hi pha tak in ngai un; pathian dangte min him him sua ki’un la, la kam ua kipat in gitdawsak him him kiu in.

THUPILTE 13:22

Mipha chun a tute â ding tiang in go a nutsia piak sek in; mi nunsiate go chu vang midikte lua ding bep ahi.

THUPILTE 3:1

Ka cha, ka hilnate hi hemil kin la, la lunggil in ka thupiakte hi chêng zing zaw ta hen;

ISAI 34:16

Lalpa lekhabu ah chun hawl unla, sim un: A lak ua khat le mang pua’n tin, a koppi ding tasam le um pua’n au. Lalpa kam ah thupiak a pawt ta’n, a thagau ma ma chun a leng un hun pui khawm ding ahi ngal a.

NASEPTE 10:33

Ziaphatchun, a ko ding ah mi ka hun sawl pai ziang ahi; la hung hi a phai. Lalpa‘n thu a piak tapo he ding in, ka leng un Pathian mit mu in zia hin ka um ui,” a tia.

NASEPTE 17:11

Zia ah Juda mite chu Thessalonika mite sâng in a lungthim uh a kihong zaw’n, thu chu thanuam tak in a lop un, a thugenteu chu a dik leh diklo hetna dingin, nisi’n Pathian lekha thu’n a sui sek un.

DAN LEKHABU 27:1

Ziaphatchun, Mosi tawh Israel upate chun, mipite zosia zia gual hin thu a pia tau a: Tu’ni ka thu hun piak zosia hi, ka hun hil gual tak in zui tau in.

DAN LEKHABU 29:10

La leng un, tu’ni hin Lalpa la Pathian uh ma-âng hin hung ding chiat tau in: la phung tin ua luchangte, la upateu, la hotuteu leh Israel mipi zosia,

DAN LEKHABU 29:15

Lalpa la Pathian uh kiang ah tu’ni umte leh a umlo te kiang tiang inle ka bawl ahi.

DAN LEKHABU 4:1

Tu’hin, aw Israel mite haw, Lalpa, la pu leh pateu Pathian in a piakna gam chu dam ah la lût ua, la lua theina ding un ka dan thu leh ka thuguatte chu ngaisak ah la zui ding uh ahi.

DAN LEKHABU 4:26

Jordan lui gâl kâi ah, la hun luana ding gam ua kipat hi’mangthai ah um ding la hiu ti ei hiatpitu hi dingin lei leh van ka ko ahi; chêng sawt pua’n la tiu in, mangthai sik sek ding la hiu.

DAN LEKHABU 4:6

Chingthei tak ah la zui ua leh, namdangte mit mu ah la pilnateu leh la hetthiamnau tâklat ah um in, zia dan thuthungte hi a het phat ua leh, “Zia nam thupi tak hi nam pil leh hetthiamna nei mi ahi ngei uh hilam e!” hun ti’n au.

DAN LEKHABU 5:32

Lalpa la Pathian un thu a piak gual ah hi dingin chingthei un; changlam a hem, veilam a hem ah la pêtsan lo ding uh ahi.

DAN LEKHABU 5:33

La gam luana ding ua chu la dam sawt ua, lam zang tak ah la hin theina ding un, Lalpa la Pathian un thu a hun piak gual tak in la zop ding uh ahi, a tia.

JOSHUA 24:20

Lalpa nungngat ah nam dang pathiante na la sepsan uh leh vang, la chung un pha tak ah a bawl zaw nung inle hun nusia intin, la chung un thil phalo hun tunsak in, hun hi’mangthai tho tho ding ahi,” ti’n a gen a.