1 KHANGTHU 28:5 - PATHIAN LEKHABU THIANGTHO (BSI)

⁵ Lalpa‘n chapa tam tak ei piakte lak in, Lalpa lenggam ah Israelte chung ah lalchutpha kichu dingin Solomon chu a têl in.

1 KHANGTHU 28:5 ပူးပေါင်းရင်းမြစ်များ

1 LENGTE 1:13

Kin tak in Lengpa David kiang ah chia inla, a kiang in, ‘Aw lengpa, ka lalpa, matheilo in la chapa Solomon hi la nung ah leng ah pang ding ahi. La lalchutpha chung ah chu ding ahi, ti’n la suaknu kiang ah la kihaksial ta hilo a hem? Chuti ahileh, bang ziak ah Adonijah leng ah pang ta a hem?’ vati’n la.

1 LENGTE 1:20

Himaleh, nang ka lal, aw lengpa, lengpa nung ah ka lalpa lalchutpha chu ding chu kua a hem ti la gen ding ngâk in Israel mite zosia mit la chung ah um ahi.

1 LENGTE 1:30

matheilo in la chapa Solomon chu ka nung ah leng a hi’ding a hi, ka sik in ka lalchutpha a chut ngei ngei ding ahi, ti ah Lalpa Israelte Pathian min ah la kiang ngei ah ka la kihaksial gual in, zia gual ngei chun tu’ni hin bawl ding ka hi,” ti in.

1 LENGTE 1:35

Ama la hun zui to ding uh ahi. Ama hung lut in tin; ka lalchutpha hung kichu’n tin, ama chu ka sik ah lengpa hita’n ah; Israel leh Judah chung ah vaipua ding ah ama ka se ahi ta’ngal a,” a tia.

1 LENGTE 2:15

Ama chun, “Lenggam hi kei â ahi ti la hia’i. Israel mite zosia chun kei vaihawmtu hiding in a mêl uh kei lam a ngat un; himaleh, lenggam chu a kihei in, ka suapipa a hung chang tai! Lalpa‘n ama a piak ahi ngâl a.

1 LENGTE 8:20

Tu’hin, Lalpa‘n a thutiam chu a supiting tai; ka pa David thasâng in ka dingdok ta’n; Lalpa thutep gual in Israel lalchutpha chung in ka kichu ta’n, Israelte Pathian, Lalpa min umna ding ah In chu ka sa zo ta’ngâl a.

1 KHANGTHU 17:14

ahi’n la, ka In leh ka lenggam ah chun kumtuang in chên detsak ing ka tin, chuleh, a lalchutpha chule kumtuang dai dingin phudet ding ka hi,” ti in.

1 KHANGTHU 23:1

David chu a upat ah, a damsung nite a bukim phatin, a chapa Solomon chu Israelte chung ah leng ah pang dingin a koi tai.

1 KHANGTHU 29:1

Lengpa David chun mipi kikhawmte zosia kiangah chun, “Pathian in a têlchuam ka chapa Solomon hi a naupan tawh a hetna le a tawm nalai in, a nasep ding hi a lopi ma ma ngal in; a tempul sak ding hi mihingte chênna ding mai mai hilo in, Lalpa Pathian â ding ahi ngal in,

1 KHANGTHU 29:23

Ziaphatchun, Solomon chun a pa David leng hi’na chu lua in, Lalpa lalchutpha chun a kichu ta’n; a hung lamzang pek ah, Israel zosia’n a thu a mang chiat tau hi.

1 KHANGTHU 29:28

Ama chu kumting tak leh ni le ting tak in, hausa tak leh ja’um tak in a thi ta’n; a chapa Solomon chun a tha a sâng to tai.

2 KHANGTHU 9:8

Lalpa la Pathian, la chung in a lungdam ah, a lengpa hiding ah lalchutpha hun kichutsakpa Lalpa la Pathian chu pâk in um ta hen! La Pathian in Israelte a lungsiat ziakah kumtuang ah phudet a guat ziak in, nangma hile a chung ua dik takah vaihawm dingin, leng ah a hun pansak ahi ngâl a,” ti’n a gen a.

DAN LEKHABU 17:15

Lalpa la Pathian un a têlpiak bep chu lal ah la nei ding uh ahi. La mipiteu lak ah khat pen pen chu lal in koithei in la tiu in, la mipiteu lak ah pang hilo, gam dang mite vang guat him him kiu in.