1 KHANGTHU 28:4 - PATHIAN LEKHABU THIANGTHO (BSI)

⁴ Ahi’n la, Israelte Lalpa Pathian chun, ka pu leh pate Inkuan zosia lak ah kipat in, kumtuang ah Israelte chung ah leng hiding in ei la têl ta’n; ama chun Judah phung lak ah chunle ka pa Inkuan a têlchuam ah, ka pa Inkuan lak inle Israelte zosia chung ah leng hi dingin a chate zosia lak in keima ei têlchuam kit nalai hi.

1 KHANGTHU 28:4 ပူးပေါင်းရင်းမြစ်များ

2 SAMUEL 5:3

Tichun, Israel upate zosia chu Hebron ah lengpa kiang in a hung ua; Hebron ah chun Lengpa David in Lalpa ma-âng in a kiang un thuthung a siam tai; chuleh, amau inle David chu Israelte chung ah leng ah pang dingin sathau a nu’ tau hi.

1 KHANGTHU 17:23

Tu’hin aw Lalpa, la suak chung thu leh a In sung thu ding la gen haw zosia hi kumtuang dai dingin sudet inla, la tiam dungzui in bawl ta’n.

1 KHANGTHU 17:27

ziaziakchun, la suak Inkuan hi kumtuang ah la kiang ah a um zing theina ding un, lungsiat tak in maljawl ta’n. Aw Lalpa, nang in la maljawl tâk chu kumtuang ah maljawl in um tau hen, a ti tai.

1 KHANGTHU 5:2

Judah chu a suapite lak ah chungnung pen leh ama ah kipat leng chi pawtdok maleh, u’pa hi’na vang Joseph a chang tai.)

2 KHANGTHU 6:6

ahi’n, ka min umna dingin Jerusalem khua hi ka la têl ta hen, ka mi Israelte chung ah vaihawm dinginle David hi ka la têl ta ahi,’ ti ah a la genpa, ama khut ma ma ah hun guitunsakpa min hi pâk in um ta hen.

SAM 108:8

Gilead gam kei â ahi’n, Manasseh le kei â ahi; Ephraim chu ka thîk lukhuk ahi’n, Judah chu ka lal tiang ahi.

SAM 18:19

Ama’n mun awngthawl takah ei puidok a; ka chung ah a lungkim ziakin ei hukdok tai.

SAM 60:7

Gilead gam chu kei â ahi’n, Manasseh gam le kei â ahi; Ephraim chu ka thîk lukhuk ahi’n, Judah chu ka lal tiang ahi.

SAM 89:4

La suante chu kumtuang dai dingin phudet ing ka tin, la lalchutpha chule suan zosia â dingin, lem ding ka hi,” la ti ta ngal a.

HEBRAITE 7:14

I Lalpau hi Juda nam ah mi ngei ahi, ti a kilang a; zia nam lak ah hin Mosi’n thiampu hi’na ding thu a gen khâk lo ziak ahi.

1 SAMUEL 16:1

Samuel kiang ah Lalpa chun, “Saul hi Israelte leng a hi’na kipat ka paithâk ziak ah bang chan lungngai ah um ding la hi em? La sathau bûk ah sathau sungdim in la kipan in; Beth-lehem khua Jesse kiang ah hun sawl ing ka tin, a chapate lak ah kei â ding ah leng ah pang ding ka mudok ta’ngâl in,” a hun ti tai.

1 SAMUEL 26:1

Ziph mite chu Gibeah khua Saul kiang in a hung un a kiang in, “Jeshimon gâl tâng ah Hakhilah gam ah David kisêl ahi,” ti a vahil tau a.