1 KHANGTHU 28:12 - PATHIAN LEKHABU THIANGTHO (BSI)

¹² a lunggil ah a la guanggal dan zosia: Lalpa In huang sung ûm ding dante, pindan in a ûm kîmvêl ding dante, Pathian In ah thawlawm kuang ding leh, thilpiak kilân thiangtho koikhawmna dingte;

1 KHANGTHU 28:12 ပူးပေါင်းရင်းမြစ်များ

1 LENGTE 14:26

Lengpa In ah gothilte leh Lalpa In ah gothilte chu a pawmang ah; a leng in a paw mang suak kêi hi. Chuleh, Solomon in a siam sana phawte zosiale a paw mang tai.

1 LENGTE 15:15

A pa khan a la lat thiansa leh ama’n a lat thiansa thilte, dangkate, sana leh ûm leh bêlte chu Lalpa In ah a la lut tai.

1 LENGTE 15:18

Zia nung ah chun, Lalpa In ah gothilte leh Leng Inpi gothilte, sana leh dangka zosia chu Asa chun a lakhawm ah, a suakte khut in a pedok ah; tichun, Lengpa Asa chun Damaska khua chêng Suria Lengpa Hezion chapa Tabrimon chapa Ben-hadad kiang in a sawl tai.

1 LENGTE 7:51

Tichun, Lengpa Solomon in Lalpa In bawlna a nasep zosia chu a zo thiang tai. Solomon in a pa David in a la lat thiansa thil zosia chu a la lut ah; dangka, sana leh a ûm leh bêlte chu Lalpa In ah gote lak in a koikhawm tai.

2 LENGTE 16:8

Chun, Ahaz chun, Lalpa In ah sana leh dangka umte chu a la’n, chuleh Lalpa In ah a go um haw chu tawh a ladok ah, Assuria lengpa kiang ah thilpiak dingin a thot tai.

2 LENGTE 18:15

Ziaphatchun, Hezekiah chun Lalpa In ah um leh, leng In ah um dangka zosia chu a kiang in a pia tai.

1 KHANGTHU 26:20

Chun, Levite lak ah Ahijah chu Pathian In ah thawlawm leh thilpiakte koikhawmnate enkol in a pangah,

1 KHANGTHU 28:11

Ziaphatchun, David in a chapa Solomon kiang ah chun, a In hulliap um ding dan, a In leh a sung um ding dan, thawlawm bawm ding, pindan ding dan, a pindan sungnung um ding dan leh ja’ngaina chutpha kisiam ding dante haw zosia chu a etsak ah; chuleh,

1 KHANGTHU 28:19

Zia haw zosia bawldaw ding dan Lalpa thupiak dungzui ah zikdok in, ka kiang ah kichian tak in ei hil tai, a tia.

PAWTDAWNA THU 25:40

Chun, a siam ding dan tâng chung ah la kiang ah ka hun taklat gual tak kha ahi na em ti enchian in.

PAWTDAWNA THU 31:2

“En in, Judah nam ah kipat Hur chapa Uri chapa, a min Bezalel kiti chu ka ko tai:

JEREMIAH 35:2

Rekabte In ah vachia in la va kiholimpi in; chuleh, Lalpa In ah pindante lak ah khat pen pen ah hun puilût in; ziaphat chuleh, a dawn ding un uain le pia’n, a hun ti’n.

EZEKIEL 40:2

kilâkna’n Pathian in Israel gam ah ei la pui tung ah, tângsâng tak in ei koi ah, simlam kâi in khawpi tawh bang khat a um a.

EZEKIEL 40:38

Hâlmang thillat ding a sawpnau mun, a hulliap lutna kotpi bul ah chun pindan neu ah lutna kotkhak a um a.

HEBRAITE 8:5

Mosi’n biakbûk a sak dingin Pathian in ahi ding dan a hil a, “Tâng ah ka hun etsak dungzui khan pha tak in en inla, bangkim zia gual tak ah khan bawl in,” a ti gual in; amau chun van lam thil etsakna a lim a la bawl ahi.