1 KHANGTHU 28:11 - PATHIAN LEKHABU THIANGTHO (BSI)

¹¹ Ziaphatchun, David in a chapa Solomon kiang ah chun, a In hulliap um ding dan, a In leh a sung um ding dan, thawlawm bawm ding, pindan ding dan, a pindan sungnung um ding dan leh ja’ngaina chutpha kisiam ding dante haw zosia chu a etsak ah; chuleh,

1 KHANGTHU 28:11 ပူးပေါင်းရင်းမြစ်များ

1 LENGTE 6:10

Pindante chu In pang kîmvêl in a bawl ah, a sawngte chu tong nga chiat ah sâng ahi; In chu tawh sidar thingzawlte ah kaimat ahi.

1 LENGTE 6:3

In mai ah hulliap chu a dunglam tong sawmni ahi’n; a In vailam cheng a huap ah, In ah kipat a mai lam tong sawm tiang huap ahi.

1 KHANGTHU 28:12

a lunggil ah a la guanggal dan zosia: Lalpa In huang sung ûm ding dante, pindan in a ûm kîmvêl ding dante, Pathian In ah thawlawm kuang ding leh, thilpiak kilân thiangtho koikhawmna dingte;

1 KHANGTHU 28:19

Zia haw zosia bawldaw ding dan Lalpa thupiak dungzui ah zikdok in, ka kiang ah kichian tak in ei hil tai, a tia.

2 KHANGTHU 5:7

Ziaphatchun, thiampute chun Lalpa thuthung thingkuang chu a umna ding mun, mun thiangtho sunggil, mun thiangtho pen leh Cherubte tha jakpalna nuai ah chun a hun koi tau hi.

NEHEMIAH 13:5

Levite leh La sa pawlte leh kotkhak vêngtute leh thiampute â ding ah thawlawm bu, gimtui, ûm leh bêl, sawm ah khat bute uain leh sathau a la koikhawm seknau pindan lian tak chu Tobiah a la luasak ta’n.

PAWTDAWNA THU 25:40

Chun, a siam ding dan tâng chung ah la kiang ah ka hun taklat gual tak kha ahi na em ti enchian in.

PAWTDAWNA THU 25:9

La kiang ah ka hun etsak ding zosia dungzui in biakbûk sak ding dan leh a sung ah matchâk ding la siam ding uh ahi,” a tia.

PAWTDAWNA THU 26:30

Tichun, tâng ah la bawl ding dan la kiang ah ka hun etsak dungzui ah khan biakbûk chu la tun daw ding ahi.

JEREMIAH 35:2

Rekabte In ah vachia in la va kiholimpi in; chuleh, Lalpa In ah pindante lak ah khat pen pen ah hun puilût in; ziaphat chuleh, a dawn ding un uain le pia’n, a hun ti’n.

EZEKIEL 40:15

A bâng pawnung pen lutna kotbiang ah kipat pindan nunung pen tawpna tiang chu tong sawmnga ah kigamla ahi.

LUKA 21:1

Mi hausate’n thawlawm a hun khiak uh chu a la en zing a;

HEBRAITE 8:5

Mosi’n biakbûk a sak dingin Pathian in ahi ding dan a hil a, “Tâng ah ka hun etsak dungzui khan pha tak in en inla, bangkim zia gual tak ah khan bawl in,” a ti gual in; amau chun van lam thil etsakna a lim a la bawl ahi.