1 KHANGTHU 27:1 - PATHIAN LEKHABU THIANGTHO (BSI)

¹ Kum tung ah thasin ah kithâk thaw ah Lengpa nasêm ding, hun khat thu ah sîng ni leh sang li jel ah pang dingin, Israel nam zosia sung ah mite chu, a phung chiat ua upate, sang khat chung ah hotute leh za khat chung ah hotute chu zia gual hin a chan ding uh hawm piak a hiu:

1 KHANGTHU 27:1 ပူးပေါင်းရင်းမြစ်များ

2 SAMUEL 23:8

David in sepai hat a neite min chu ziate hi a hiu: Tahkhemon mi Joshebbasshebeth; ama chu a sepai hat Pathumte lak ah lian pen a hi’n; ama hin a cheicha bep mang in, khatvei kidona’n mi za giat a that hi.

1 LENGTE 4:27

Zia ah hotute chun Lengpa Solomon a ding leh Lengpa Solomon dawkan ah hungte zosia nêk leh châk ding chu, mi tin in ama channa tha chiat in a ngaitua piak ua; bangmacha a tâksap sak puau hi.

1 LENGTE 4:7

Solomon in hotu sawm leh pani, Israelte zosia chung in a nei ah; amau chun lengpa leh a Insung mite nêk leh châk a ngaitua piak ua; mi tin in kum khat ah tha khat sung chiat a piak khawm ding uh ahi.

1 LENGTE 5:14

Amau chu Lebanon ah a sawl a; tha khat ah mi sang sawm zel in a kithâksak ah; amau chu Lebanon ah tha khat a um zaw phat ua leh In ah tha ni a um zel ua; nasêm ah a goite enkol dingin Adoniram a pang hi.

1 KHANGTHU 11:10

Israelte chung thu ah Lalpa thupiak gual ah David leng ah a pansakna ding thu; Israelte tawh pang khawm David sepai hangsante lak ah hotu, nasa tak ah lenggam tundinna ding ah ama a la panpite chu ziate hi a hiu.

1 KHANGTHU 13:1

David in a sepai sang khat chung ah thuneite, za khat chung ah thuneite leh hotu zosia chu a ngaidan uh a dong chiat a.

1 KHANGTHU 26:32

Jerijah leh a suapite lak ah kipat in a pu leh pateu ah kipat a malâ a la pang to thei ngen, mi hangsan chungchuang sang ni leh za sagi a hun têldok un, amau chu Reubente, Gadte leh Manasseh nam kimkhatte chung ah Pathian lam leh lengpa kikâl ah thunei dingin, Lengpa David chun a guat tai.

1 KHANGTHU 27:2

Chan kihawmna lakah tha masapen ah mawpaw ding chu, Zabdiel chapa Jashobeam ahi’n; ama pawl ah chun mi sîng ni leh sang li a pang ui.

1 KHANGTHU 28:1

Israel gam vaihawmte zosia tawh, phung tin ah vaihawmte zosia tawh, lengpa nasêm ding ah a pawl pawl ah kisiamte chung ah hotute zosia tawh, sepai a sang têl chung ah hotute tawh, sepai a za têl chung ah hotute tawh, lengpa leh a chate go thil leh gan-gual zosia chung ah mawpawte zosia tawh, leng Inpi sung ah milian leh lalte tawh, gâlhangsante tawh, sepai hat zosia chu Jerusalem khua hung khawm dingin David in a ko khawm tai.

1 KHANGTHU 29:6

Ziaphatchun, a phung tin ua upate chun ngamtawk thilpiak a hun pechiat tau in, zia gual ma chun phung tin ah luchangte leh sang têl chung ah hotute, za têl chung ah hotute leh lengpa nasepna ah milian leh lalte zosia chunle a hun pechiat tau hi.

2 KHANGTHU 1:2

Solomon in sepai sang khat chung ah hotute, za khat chung ah hotute, vaihawmte, Israelte chung ah hotute tawh Israel Inkuan tin ah pate zosia chu a ko khawm a;

PAWTDAWNA THU 18:25

Mosi chun Israelte zosia lak ah kipat in mi matthei dawmte chu a têldok ah, amau chu mipite chung ah luchang in, sang khat chung ah te, za khat chung ah te, sawmnga chung ah te leh sawmkhat chung ah te vaihawm dingin a siam tai.

MIKAH 5:2

Himaleh, nang Ephrath ah Beth-lehem, Judah phungneute lak ah khat himale chinle, nangma ah kipat in Israelte vaihawm piak ding, mi pakhat hung pawt ding ahi ngal a; a hung kipatna chu nidang lai ah, khanglui hun ah kipat ahi.

DAN LEKHABU 1:15

Tichun, la phung lak ua kipat in mipil leh a ja-um deute sia ka ladok ah, nanghaw chung ah hotu ding bang, a sâng têl chung ah hotu ding leh, a za têl chung ah hotu dingte, sawmnga chung ah hotu dingte, a sawm têl chung ah hotu ding leh nanghaw phung chiat ah hotu dingte ka guat a.

JOSHUA 23:1

Lalpa‘n Israelte chu a kîmvêl ua a mêlmateu ah kipat gâl muang tak ah kum sawt tak a umsak zaw phatin, Joshua chule a hung upa ta’n, a têk ma ma ta’n;

1 SAMUEL 8:12

a khenkhatte chu sepai sang khat chung ah hotu dingte, sawmnga chung ah hotu ding bang in mang intin; a lak ua khenkhat chu a lou bawl ding, a bu-ât ding, a gâlvan bawl ding leh a sakol kângtalai siam ding bang in hun gawi ding ahi.