1 KHANGTHU 25:3 - PATHIAN LEKHABU THIANGTHO (BSI)

³ Jeduthun suan ah kipat chun Jeduthun chate ma ma: Gedaliah, Zeri, Jeshaiah, Shimei, Hashabiah leh Mattithiah, pagukte hin a pau Jeduthun thunuai ah um in, theile tawh thua ah Lalpa kiang ah kipak thu gen leh pâkna La sa kawm in thu a gen diu ahi.

1 KHANGTHU 25:3 ပူးပေါင်းရင်းမြစ်များ

1 KHANGTHU 15:18

amau zathuap ding ah chun a chanauteu, Zekariah, Jaaziel, Shemiramoth, Jehiel, Unni, Eliab, Benaiah, Maaseiah, Maattithiah, Eliphelehu, leh Mikneiah tawh kotkhak vêngtu Obed-edom tawh Jeiel cheng chu a guat ui.

1 KHANGTHU 15:21

himaleh, Mattithiah, Eliphelehu, Mikneiah, Obed-edom, Jeiel leh Azaziah cheng hin, Sheminith La kai ah theile mût dingah guat a hiu a;

1 KHANGTHU 25:2

Asaph chate lak ah chun: Zakkur, Joseph, Nathaniah leh Asarelah, Asaph chate cheng hi Asaph thunuai ah chun, lengpa thupiak dungzui in thu a gen sek diu ahi.

1 KHANGTHU 25:21

a sawm leh li’na chu Mattithiah chung in a kia’n, a chapate tawh a suapite tawh, sawm leh ni a hiu a;

1 KHANGTHU 25:4

Heman suan ah kipat chun, Heman chate ma ma: Bukkiah, Mattaniah, Uzziel, Shebuel, Jerimoth, Hananiah, Hanani, Eliathah, Giddalti, Romanti-ezer, Joshbekashah, Mallothi, Hothir leh Mahazioth a hiu.

1 KHANGTHU 9:16

Netophath khawpelte ah chêng Elkanah chapa Asa chapa Berekhiah chapa, Jeduthun chapa Galal chapa Shemaiah chapa Obadiah tawh a hiu hi.

2 KHANGTHU 29:14

Heman Inkuan ah kipat in Jehuel tawh Shimei a hiuah; Jeduthun Inkuan ah kipat in Shemaiah tawh Uzziel a hiu.

SAM 92:1

Lalpa kiang ah kipak thu gen leh aw Chungnung pen, la min pâk ah La sak hi a pha na e!

JEREMIAH 33:11

kipak limna aw gi leh, mopa aw leh monu aw leh, Lalpa In ah kipakna thilpiak lân ah Lâ sate chun: “Sepai honte Lalpa kiang ah kipak thu gen un, Lalpa chu a phatna ziak leh, a ngilneina’n kumtuang a dai ngâl a!” a ti’nau husate chu het in hung um kit ding ahi. Malai gual ah khan a vangphatnau chu, hun pia kit ding ka hi, Lalpa‘n a tii.

1 SAMUEL 10:5

Ziazaw chuleh, Philistinte kikulna Gibeath-elohim hung tung in la tin; zia khawpi chu la lut phat leh jawlnei hon khat, pekkhuangte, khuangneute, lilute leh tingtangte tum ah, thoimual ah kipat hung suk tawh kituak in la tin; amau chu thagau a la chang intin uh.